ନୂଆଦିଲ୍ଲୀ,୨୭ ।୨: ମେଘାଳୟ ଓ ନାଗାଲାଣ୍ଡ ବିଧାନସଭା ନିର୍ବାଚନ ପାଇଁ ସୋମବାର ସକାଳୁ ଭୋଟ ଗ୍ରହଣ ପ୍ରକ୍ରିୟା ଆରମ୍ଭ ହୋଇଛି । ଏହା ସନ୍ଧ୍ୟା ୪ଟା ପର୍ଯ୍ୟନ୍ତ ଚାଲିବ । ତେବେ ମିଳିଥିବା ସୂଚନା ଅନୁଯାୟୀ, ନିର୍ବାଚନ କମିଶନଙ୍କ ପକ୍ଷରୁ ଜାରି କରାଯାଇଥିବା ସଂଖ୍ୟା ଅନୁଯାୟୀ, ଦିନ ୧ଟା ସୁଦ୍ଧା ନାଗାଲାଣ୍ଡରେ ୬୦.୩ ପ୍ରତିଶତ ମତଦାନ ହୋଇଥିବା ବେଳେ ମେଘାଳୟରେ ୪୪.୭୩ ପ୍ରତିଶତ ମତଦାନ ହୋଇଛି ।
ମେଘାଳୟ ମୁଖ୍ୟମନ୍ତ୍ରୀ କୋନରାଡ ସାଙ୍ଗମା ଭୋଟ ଗ୍ରହଣକୁ ନେଇ ଖୁସି ହୋଇଛନ୍ତି । ଲୋକେ ବହୁସଂଖ୍ୟାରେ ମତଦାନ ପାଇଁ ବାହାରକୁ ଆସୁଛନ୍ତି । ଏହା ଲୋକତନ୍ତ୍ର ପାଇଁ ଭଲ । ମୁଁ ଅତିତରେ ଏମିତି ମତଦାନ କେବେ ଦେଖି ନ ଥିବା କହିଛନ୍ତି କୋନରାଡ । ମୋତେ ବିଶ୍ୱାସ ଯେ ଏହା ଆମ ସପକ୍ଷରେ ଆସିବ ।
