ନୂଆଦିଲ୍ଲୀ,୨୦।୧୦: ଖାଲିସ୍ତାନ ସମର୍ଥକ ହରଦୀପ ସିଂ ନିଜାରଙ୍କ ହତ୍ୟାକୁ ନେଇ ଭାରତ ଏବଂ କାନାଡା ମଧ୍ୟରେ ବିବାଦ ଜାରି ରହିଛି। ଏହି ସମୟରେ, କୂଟନୀତିଜ୍ଞଙ୍କ ସମ୍ପର୍କରେ କାନାଡାର ବିବୃତ୍ତି ଉପରେ ଶୁକ୍ରବାର ଭାରତ ସରକାର ପ୍ରତିକ୍ରିୟା ଦେଇଛନ୍ତି।
ବୈଦେଶିକ ମନ୍ତ୍ରଣାଳୟର ମୁଖପାତ୍ର ଅରିନ୍ଦମ ବାଗଚି ଏକ ବିବୃତ୍ତି ଜାରି କରି କହିଛନ୍ତି ଯେ, ଅକ୍ଟୋବର ୧୯(ଗୁରୁବାର)ରେ କୂଟନୀତିଜ୍ଞଙ୍କ ବିଷୟରେ କାନାଡା ସରକାର ଦେଇଥିବା ବିବୃତ୍ତିକୁ ଆମେ ଦେଖିଛୁ। ଭାରତରେ ଅଧିକ କାନାଡିୟ କୂଟନୀତିଜ୍ଞ ଅଛନ୍ତି। ସେମାନେ କ୍ରମାଗତ ଭାବରେ ଆମର ଆଭ୍ୟନ୍ତରୀଣ କାର୍ଯ୍ୟରେ ହସ୍ତକ୍ଷେପ କରୁଛନ୍ତି।
ଏହି ବିବୃତ୍ତିରେ ଆହୁରି ମଧ୍ୟ କୁହାଯାଇଛି, ନୂଆଦିଲ୍ଲୀ ଏବଂ ଓଟାଓ୍ବାରେ ପାରସ୍ପରିକ କୂଟନୈତିକ ଉପସ୍ଥିତିରେ ସମାନତା ନିଶ୍ଚିତ ହୋଇଛି। ଗତ ମାସରୁ ଆମେ କାନାଡିୟ ଦଳ ସହିତ ଏ ବିଷୟରେ କଥାବାର୍ତ୍ତା କରୁଛୁ। ଏହି ସମାନତାକୁ କାର୍ଯ୍ୟକାରୀ କରିବା ଦିଗରେ ଆମର ପଦକ୍ଷେପ ଠିକ, ଆମେ ଯାହା କରିଛୁ ଭିଏନା ସମ୍ମିଳନୀର ଧାରା ୧୧.୧ ଅନୁଯାୟୀ । ତେଣୁ, ଏହାକୁ ଅନ୍ତର୍ଜାତୀୟ ନିୟମର ଉଲ୍ଲଂଘନ ଭାବରେ ଚିତ୍ରଣ କରିବାକୁ ଯେକୌଣସି ପ୍ରୟାସକୁ ଆମେ ଆମେ ଅସ୍ବୀକର କରୁଛୁ।
