ଜଳେଶ୍ୱର, ୨୨।୪(ଡି.ଏନ.ଏ.) ବାଲେଶ୍ୱର ଜିଲା ଜଳେଶ୍ୱରସ୍ଥିତ ନେତାଜୀ ଷ୍ଟାଡ଼ିୟମକୁ ସଂକୁଚିତ କରି ବିଜୁ ପଟ୍ଟନାୟକ ମଲ୍ଟିପର୍ପସ ଇଣ୍ଡୋର ଷ୍ଟାଡିୟମ ନିର୍ମାଣକୁ ନେଇ ଉପୁଜିଥିବା ବିବାଦର ଗଣଧାରଣା ୭ମ ଦିନରେ ପହଞ୍ଚତ୍ଛି। ଷ୍ଟାଡ଼ିୟମ ମଧ୍ୟସ୍ଥଳରେ ଇଣ୍ଡୋର ଷ୍ଟାଡ଼ିୟମ ନିର୍ମାଣ ହେଉଥିବାରୁ ଏହାକୁ ଗୋଟିଏ ପାର୍ଶ୍ୱରେ ନିର୍ମାଣ ସହିତ ଆଉଟ୍ଡ଼ୋର୍ ଷ୍ଟାଡ଼ିୟମ ଅକ୍ଷୂର୍ଣ୍ଣ ରଖିବାକୁ କେନ୍ଦ୍ର କରି ଗ୍ରାମବାସୀ, ଖେଳପ୍ରେମୀ ଓ ପ୍ରଶାସନ ମଧ୍ୟରେ ବିବାଦ ସୃଷ୍ଟି ହୋଇଥିଲା। ଗ୍ରାମବାସୀ ଓ ଖେଳପ୍ରେମୀମାନେ ଏନେଇ ଷ୍ଟାଡିୟମ ନିକଟରେ ଧାରଣା ଦେବା ସହିତ ଜିଲାପାଳଙ୍କ ଦୃଷ୍ଟି ଆକର୍ଷଣ କରିଥିଲେ। ଗୁରୁବାର ମଧ୍ୟାହ୍ନରେ ଜିଲାପାଳ କେ. ସୁଦର୍ଶନ ଚକ୍ରବର୍ତ୍ତୀ ଷ୍ଟାଡ଼ିୟମ ନିକଟରେ ପହଞ୍ଚତ୍ ଧାରଣକାରୀଙ୍କ ସହିତ ଆଲୋଚନା ଓ ପରେ ପଡ଼ିଆ ପରିଦର୍ଶନ କରିଥିଲେ। ଉକ୍ତ ଷ୍ଟାଡ଼ିୟମରେ ଆଉଟ୍ଡୋର ଓ ଇଣ୍ଡୋର ଷ୍ଟାଡ଼ିୟମ ଉଭୟକୁ ନିର୍ମାଣ କରାଯିବା ଲାଗି ଆଦେଶ ଦେବା ସହିତ ପଡ଼ିଆ ବାହାରେ ଥିବା ୩୦ ଡିସିମିଲ ଜାଗାର ମାପଚୁପ କରିବାକୁ ନିର୍ଦ୍ଦେଶ ଦେଇଥିଲେ। ଆନ୍ଦୋଳନକାରୀଙ୍କ ପକ୍ଷରୁ ଧାରଣା ସ୍ଥଗିତ ରଖାଯାଇଥିବା ଜଣାଯାଇଛି ା
ଜିଲାପାଳଙ୍କ ସହିତ ଜିଲା ସ୍ପୋଟର୍ସ ଅଫିସର ପୂର୍ଣ୍ଣଚନ୍ଦ୍ର ସିଂ, ପୂର୍ତ୍ତ ବିଭାଗ-୨ ଅଧୀକ୍ଷଣ ଯନ୍ତ୍ରୀ ଇଂ. ଆଲୋକ ମହାନ୍ତି, ଜଳେଶ୍ୱର ତହସିଲଦାର ସ୍ମୃତିରଞ୍ଜନ ମଲିକ, ଅତିରିକ୍ତ ତହସିଲଦାର ହେମନ୍ତ ନାୟକ, କାର୍ଯ୍ୟନିର୍ବାହୀ ଅଧିକାରୀ ଅଜୟ ମହାପାତ୍ର, ପୂର୍ତ୍ତ ବିଭାଗ ଯନ୍ତ୍ରୀ ଇଂ. ନିହାରକାନ୍ତି ବେହେରା, ରାଜସ୍ବ ନିରୀକ୍ଷକ ଶରତ ବେହେରା ପ୍ରମୁଖ ଉପସ୍ଥିତ ରହି ମାପଚୁପ କରିଥିଲେ। ଆସନ୍ତା ଶୁକ୍ରବାର ସମଗ୍ର ପଡ଼ିଆ ମପାଯାଇ ସ୍କେଚ୍ମ୍ୟାପ ତିଆରି ହେବ ବୋଲି ଜଣାଯାଇଛି ା ଗ୍ରାମ୍ୟ ମୁଖ୍ୟ ସୀତାଂଶୁ ସେନାପତି, ଭାଜପା ନେତା ଅରୁଣ ବେଜ, ଏମ୍ପି ପ୍ରତିନିଧି ଶାନ୍ତନୁ ପଟ୍ଟନାୟକ, ଫାଲଗୁନୀ ପାଣିଗ୍ରାହୀ, କଂଗ୍ରେସ ନେତା ସୁଦାମ ପାତ୍ର, ରିଆଜ ଖାଁ, ଗିରିଜା ଦାସଙ୍କ ସହିତ ବହୁ ଆନ୍ଦୋଳନକାରୀ ଉପସ୍ଥିତ ଥିଲେ।
