କେନ୍ଦୁଝର,୧୭।୧(ନରେଶ ଚନ୍ଦ୍ର ପଟ୍ଟନାୟକ): କେନ୍ଦୁଝର ଜିଲା ସମେତ ମୟୂରଭଞ୍ଜ, ଭଦ୍ରକ ଆଦି ଜିଲ୍ଲାର ୪୬ଟି ସ୍ଥାନରେ ବେଆଇନ ଗୋରୁ ବ୍ୟବସାୟୀଙ୍କ ବାସଭବନରେ ସମନ୍ବିତ ଚଢାଉ କରିଛି ପୋଲିସ। ଏହି ଅଭିଯାନରେ କେନ୍ଦୁଝର ଜିଲାର ହରିଚନ୍ଦନପୁର ଅନ୍ତର୍ଗତ ସାନ୍ତରାପୁର, କାଳିଆହାତା, ତେଲକୋଇ, ଘସିପୁରା, ତୁରୁମୁଙ୍ଗା ଏବଂ ଜାମୁଜୋଡି ସମେତ ବିଭିନ୍ନ ଅଞ୍ଚଳ ମୟୂରଭଞ୍ଜ ଜିଲାର ବିସୋଇ, କରଞ୍ଜିଆ, ଝାରପୋଖରିଆ, ତେଣ୍ଟୋପୋଷି, ଚଢେଇ ଭୋଳ, କେନ୍ଦ୍ରେଇ ଏବଂ ଠାକୁରମୁଣ୍ଡା; ଏବଂ ଯାଜପୁର ଜିଲାର କୋରେଇ ଅନ୍ତର୍ଭୁକ୍ତ କରାଯାଇଥିଲା।
ଏହି ବ୍ୟାପକ ଅଭିଯାନରେ ଦୁଇଜଣ ଅତିରିକ୍ତ ପୋଲିସ ଅଧିକ୍ଷକଙ୍କ ନେତୃତ୍ୱରେ ୫ ଜଣ ଡିୱାଇଏସପି, ୨୫ ଜଣ ଇନ୍ସପେକ୍ଟର, ୩୬ ଜଣ ଏସଆଇ, ଏଏସଆଇ ଏବଂ ୧୮ ପ୍ଲାଟୁନ ଫୋର୍ସ ସାମିଲ ଥିଲେ ।
ଏହି ଅଭିଯାନରେ ନଗଦ ଟଙ୍କା, ଯାନବାହନ ଏବଂ ଅନ୍ୟାନ୍ୟ ସମ୍ପତ୍ତି ବିପୁଳ ପରିମାଣରେ ଜବତ କରାଯାଇଛି। ଚଢାଉ ବର୍ତ୍ତମାନ ଜାରି ରହିଛି, ଏବଂ ଅପରେଶନ ସମାପ୍ତ ହେବା ପରେ ବିସ୍ତୃତ ସୂଚନା ପ୍ରଦାନ କରାଯିବ।
Dharitri – Odisha’s No.1 Odia Daily
