ଥୁଆମୂଳ ରାମପୁର,୨୭।୧୨(ଦୁର୍ଗା କୀର୍ତ୍ତି):କଳାହାଣ୍ଡି ଜିଲା ଥୁଆମୂଳ ରାମପୁର ବ୍ଲକ ସଦର ସ୍ଥିତ ଟିକ୍ରାଗୁଡା ନିକଟରେ ଏକ ପଥର ବନ୍ଧେଇ କାର୍ଯ୍ୟରେ ଅନିୟମିତତା ହୋଇଥିବା ଜଣାପଡିଛି। ମିଳିଥିବା ସୂଚନାରୁ ଜଣାପଡିଛି ଯେ, ଥୁଆମୁଳ ରାମପୁର ଗ୍ରାମ ପଞ୍ଚାୟତ ତରଫରୁ ମନରେଗା ଯୋଜନାରେ ଅନ୍ତର୍ଭୁକ୍ତ ଅଟକଳ ୫ ଲକ୍ଷ୍ୟ ଟଙ୍କା ବ୍ୟୟବରାଦ ଗତ ୨୦୨୨/୨୩ ଆର୍ଥିକ ବର୍ଷରେ ଉକ୍ତ କାମ ଦର୍ଶାଇ ସରକାରୀ ଅର୍ଥକୁ ବିଭାଗୀୟ ଅଧିକାରୀ, ଗାଁ ସାଥି, ଠିକା ସଂସ୍ଥା କର୍ମଚାରୀ ମିଶି ଆତ୍ମସାତ କରିଥିବା ଘଟଣା ଜଣାପଡିଛି। କାର୍ଯ୍ୟସ୍ଥଳରେ ଯେଉଁଭଳି ଏଲବିସିଡିର ପଥର ବନ୍ଧେଇ କାମ ହେବା କଥା ତାହା ହୋଇ ନାହିଁ l ଯାହାବି ହୋଇଛି ତାହା ସଂପୂର୍ଣ୍ଣ ଭୁଶୁଡ଼ି ଗଲାଣି ଏବଂ ପୁରୁଣା ପଥର ବ୍ୟବହାର ସହ କାମ ନିମ୍ନମାନର ହୋଇଛି l ଯେଉଁ ଉଦ୍ଦେଶ୍ୟରେ ଉକ୍ତ କାମ କରାଯାଇଛି ତାହା ସଂପୂର୍ଣ୍ଣ ଅନିୟମିତତା ହୋଇଥିବା ଅନୁମାନ କରାଯାଉଛି।
ଠିକା ସଂସ୍ଥା କର୍ମଚାରୀ ଗଣମାଧ୍ୟମକୁ ସୂଚନା ଦେଇଛନ୍ତି କି କାମର ମାତ୍ର ୩ ଲକ୍ଷ ଟଙ୍କା ଜବ୍ ଖାତା ହିତାଧିକାରୀ ବା କୁଲି ମଜୁରୀଙ୍କ ଆକାଉଣ୍ଟକୁ ସିଧା ଯାଇଛି। କିନ୍ତୁ ଯେଉଁମାନଙ୍କ ଖାତାକୁ ଟଙ୍କା ଯାଇଛି ଅଧାରୁ ଅଧିକ ସରକାରଙ୍କ ପକ୍ଷରୁ ପେନସନ ପାଉଥିବା ହିତାଧିକାରୀଙ୍କ ନାମ ଜବ ଡିମାଣ୍ଡ କରାଯାଇଛି l ତାହା ସଂପୂର୍ଣ୍ଣ ସରକାରୀ ନିୟମ ଉଲଘଂନ ହୋଇଛି l ଘଟଣାର ସଠିକ ତଦନ୍ତ କରାଯାଏ ତେବେ ପ୍ରକୃତ ତଥ୍ୟ ଲୋକଲୋଚନକୁ ଆସିବ ଏବଂ ଏମିତି ଅନେକ ଦୁର୍ନୀତି ପର୍ଦ୍ଦାଫାଶ ହେବ ବୋଲି ବୁଦ୍ଧିଜୀବୀ ମହଲରେ ଆଲୋଚନା ଜୋର୍ ଧରିଛି l ଏନେଇ ଘଟଣା ଉପରେ ଅଧିକ ତଥ୍ୟ ଜାଣିବା ନେଇ ପଞ୍ଚାୟତ କର୍ମଚାରୀ ଓ ଉକ୍ତ ଗ୍ରାମର ମେଟଙ୍କ ସହିତ ସମ୍ବାଦିକ ଯୋଗଯୋଗ କରିଥିଲେ। ହେଲେ ମେଟ ସୁରେନ୍ଦ୍ର ନାଏକ ସମ୍ବାଦିକଙ୍କୁ ଅସଭ୍ୟ ଭାଷା ପ୍ରୟୋଗ କରି ଜନଗହଳି ସ୍ଥାନରେ ଦୁର୍ନୀତିକୁ ସମ୍ପର୍କରେ ଘଣ୍ଟ ଘୋଡେଇବା ଉଦ୍ଦେଶ୍ୟରେ ଗଣ୍ଡୋଗଲ କରି ଧମକ ଚମକ ଦେଇଥିବା ଜଣାପଡିଛି l ମେଟ ଜଣକ ସାମ୍ବାଦିକଙ୍କୁ ଦୁର୍ବ୍ୟବହାର କରୁଥିବା କାରଣରୁ ସହଜରେ ଅନୁମାନ କରାଯାଏ ଯେ, ଏହି ମାନେ ଅଞ୍ଚଳର ବିକାଶ ପଥଭ୍ରଷ୍ଠ କରୁଥିବା ସ୍ପଷ୍ଟ ଗନ୍ଧ ବାହାରୁଛି। ସ୍ଥାନୀୟ କିଛି ଲୋକ ଅଞ୍ଚଳରେ ବିଭିନ୍ନ କାମର ଆଳ ଦେଖାଇ ସରକାରୀ ଅର୍ଥକୁ ହରିଲୁଟ କରୁଥିବା ଏବେ ଜଣାପଡୁଛି। ଯଦିବା ସେମାନେ ଅଞ୍ଚଳର ବିକାଶ ଚାହାନ୍ତି ତେବେ ଏଭଳି ନିମ୍ନମାନର କାର୍ଯ୍ୟ ଓ ବିନା କାମରେ ଅର୍ଥ ଉଠାଣ ଭଳି ସଙ୍ଗୀନ କାର୍ଯ୍ୟ କରନ୍ତେ କାହିଁକି ବୋଲି ବୁଦ୍ଧିଜୀବୀ ମହଲରେ ଚର୍ଚ୍ଚା ହେଉଛି।
ଅନ୍ୟପଟେ ପଞ୍ଚାୟତର ବିଭିନ୍ନ କାମରେ ସେମାନେ ହାତ କରି ଅର୍ଥ ଆଦାୟ କରାଯାଉଥିବା ଘଟଣାକୁ କେହି ଅସ୍ବୀକାର କରିପାରିବେ ନାହିଁ। ଏ ସମ୍ପର୍କରେ ପଞ୍ଚାୟତ ନିର୍ବାହୀ ଅଧିକାରୀ ଟଙ୍କଧର ସାହୁ ଏବଂ କାର୍ଯ୍ୟ ନିର୍ବାହୀ ଯନ୍ତ୍ରୀ ସତ୍ୟ ନାରାୟଣ ବେହେରାଙ୍କୁ ପଚାରିବାରୁ ଆମ ପାଖରେ ପୁରୁଣା ତଥ୍ୟ ନାହିଁ, ଯାହାବି କାମ ହୋଇଛି ପୂର୍ବ ଗ୍ରାମ ରୋଜଗାର ସେବକ ସବୁ ହେରଫେର କରିଛନ୍ତି ବୋଲି କହିବା ସହ ଗଣମାଧ୍ୟମକୁ ଏହି ଖବର ପ୍ରକାଶ ନ କହିଛନ୍ତି। ଯଦି ଆପଣମାନେ ଏମିତି ଖବର କରି ବସିବେ,ତେବେ ଆମେ ସମସ୍ତ ଅଧିକାରୀ ଫସିଯିବୁ ଆଉ ବହୁତ ହଇରାଣ ହେବୁ ବୋଲି କହିଛନ୍ତି l ଏଥିରୁ ସିଧା ଅନୁମାନ କରାଯାଉଛି, କେମିତି ଭାବରେ ସରକାରୀ ଟଙ୍କା ଲୁଟ ଚାଲିଛି। ଏଣୁ ଏହି ଘଟଣାକୁ ଜିଲା ବିଭାଗ କିମ୍ବା ଜିଲା ଭିଜିଲାନ୍ସ ଅଧିକାରୀ ସଠିକ ତଦନ୍ତ ନ କରନ୍ତି ତେବେ ଆଗାମୀ ଦିନରେ ଏହା ବ୍ୟାପକ ଭାବରେ ଘୋଟାଲା ବଢ଼ିଯିବାର ଆଶଙ୍କା କରାଯାଉଛି l
