ପାଟଣାଗଡ,ବେଲପଡ଼ା,୧୨/୧୨(ସଚ୍ଚିଦାନନ୍ଦ ମହାକୁର),(ମନୋଜ ମିଶ୍ର): ବଲାଙ୍ଗୀର ଜିଲା ବେଲପଡା ଥାନା କଟାପାଲିରେ ଏକ ଅଭାବନୀୟ ଘଟଣା ଘଟିଛି । ଗାଁର ଜଣେ ବିବାହିତ ମହିଳାଙ୍କର ଅର୍ଦ୍ଧଦଗ୍ଧ ମୃତଦେହ ଉଦ୍ଧାର କରିଛି ପୋଲିସ। ମୃତକ ମହିଳା ଜଣଙ୍କ ହେଲେ ପିଣ୍ଟୁ ପରୁଆଙ୍କ ସ୍ତ୍ରୀ କୁଲବତୀ ପରୁଆ (୨୫) ବୋଲି ଜଣାପଡିଛି । ସ୍ବାମୀ ନିଜ ସ୍ତ୍ରୀଙ୍କୁ ନିର୍ଯାତନା ଦେଉଥିଲେ ଏବଂ ତାଙ୍କୁ ପୋଡ଼ି ମାରି ଦିଆଯାଇଛି ବୋଲି ଝିଅଙ୍କ ପରିବାର ଲୋକେ ଅଭିଯୋଗ କରିଛନ୍ତି। ଗତକାଲି ରାତିରେ ମୃତକ ମହିଳା ଜଣଙ୍କ ନିଜ ମାଙ୍କ ସହ ଭିଡିଓ କଲରେ ଭଲମନ୍ଦ କଥାବାର୍ତ୍ତା ହୋଇଥିଲେ । ସକାଳେ କୁଳବତୀଙ୍କ ମୃତଦେହ ଅର୍ଦ୍ଧଦଗ୍ଧ ପୋଡା ଅବସ୍ଥାରେ ଖବର ପାଇଥିଲେ ବୋଲି କହିଛନ୍ତି । ବେଲପଡା ପୋଲିସ ଘଟଣାସ୍ଥଲରେ ପହଞ୍ଚି ତଦନ୍ତ ଆରମ୍ଭ କରିଥିବାବେଲେ ମୃତକ ମହିଳାଙ୍କ ସ୍ବାମୀ ପିଣ୍ଟୁଙ୍କୁ ଥାନାରେ ଅଟକ ରହିଛନ୍ତି ।
