ନୂଆଦିଲ୍ଲୀ,୯ ।୨: ଦିଲ୍ଲୀର ଆମ ଆଦମୀ ପାର୍ଟି(ଏଏପି) ଓ ଭାଜପା ମଧ୍ୟରେ ଗୁପ୍ତଚର ଅଭିଯୋଗକୁ ନେଇ ରାଜନୀତି ଆରମ୍ଭ ହୋଇଯାଇଛି । ଭାଜପାର ଗୁପ୍ତଚର ଅଭିଯୋଗ ଉପରେ ଦିଲ୍ଲୀ ଉପମୁଖ୍ୟମନ୍ତ୍ରୀ ମନିଷ ସିସୋଡିଆ ଟୁଇଟ କରି ପ୍ରତିକ୍ରିୟା ଦେଇଛନ୍ତି । ସେ କହିଛନ୍ତି ଭାଜପା ଲୋକେ ମୋ ବିରୋଧରେ ନୂଆ ଅଭିଯୋଗ ଆଣିଛନ୍ତି କି ମୁଁ ୨୦୧୫ରୁ ସେମାନଙ୍କ ଉପରେ ଗୁପ୍ତଚର କରିଆସୁଛି । ଏତେ ବଡ ବଡ ଲୋକ ଯାହାର ଅସ୍ତିତ୍ୱ ସିବିଆଇ, ଇଡି, ପେଗାସସରେ ବିରୋଧି ନେତାଙ୍କ ବିରୋଧରେ ଷଡଯନ୍ତ୍ର କରୁଛି, ଯଦି ଏତେ ବଡ ଲୋକେ ମୋତେ ଡରୁଛନ୍ତି, ତେବେ ଲାଗୁଛି ମୁଁ ବି ମୋଦିଙ୍କ ବରାବର ହୋଇଯାଇଛି ।
ସୂଚନାଯୋଗ୍ୟ, ଏହାପୂର୍ବରୁ ଭାଜପା ଏମପି ମନୋଜ ତିୱାରୀ ଗଣମାଧ୍ୟମ ସହ କଥା ହେବା ସମୟରେ କହିଥିଲେ ଦିଲ୍ଲୀ ସରକାରଙ୍କ ଉପମୁଖ୍ୟମନ୍ତ୍ରୀ ମନିଷ ସିସୋଡିଆ ଫିଡବ୍ୟାକ ୟୁନିଟ ବାହାନାରେ ରାଜନେତାଙ୍କ ଗୁପ୍ତଚରି କରୁଥିବା ଧରାପଡିଛି । ଦିଲ୍ଲୀର ଟ୍ୟାକ୍ସ ପେୟରଙ୍କ ପଇସାରୁ ଦିଲ୍ଲୀର ବିକାଶ କାର୍ଯ୍ୟକରିବା ପରିବର୍ତ୍ତେ ବେଆଇନ ଭାବେ ଗୁପ୍ତଚର କରୁଛନ୍ତି । ଯାଞ୍ଚ ଏଜେନ୍ସି ଏହାକୁ ଧିରିଛି ଆଉ ଏବେ ଉପମ୍ୟୁମନ୍ତ୍ରୀ ମନିଷ ସିସୋଡିଆଙ୍କ ଉପରେ ମାମଲା କରିବାର ପ୍ରକ୍ରିୟା ଆରମ୍ଭ ହୋଇଛି ।
