ଥିରୁଭାନନ୍ତପୁରମ,୫।୫: କେରଳ ମାଲାପ୍ପୁରମର କୋଣ୍ଡିପାରାମ୍ବା ଅଞ୍ଚଳରେ ଏକ ଚାଞ୍ଚଲ୍ୟକର ଘଟଣା ପଦାକୁ ଆସିଛି। ମହମ୍ମଦ ନାମକ ଜଣେ ବ୍ୟକ୍ତି ସ୍ତ୍ରୀ ଓ ଦୁଇ ଝିଅଙ୍କୁ ହତ୍ୟା ଯୋଜନା କରିଥିବା ବେଳେ ନିଜେ ମଧ୍ୟ ଜଳି ପ୍ରାଣ ହରାଇଛନ୍ତି।
ସୂଚନା ଯୋଗ୍ୟ, ଏକ ମାଲବାହୀ ଅଟୋରେ ସ୍ତ୍ରୀ ଓ ଦୁଇ ଝିଅଙ୍କୁ ବସାଇ ନିଆଁ ଲାଗାଇ ତାଙ୍କୁ ହତ୍ୟା ଯୋଜନା କରିଥିଲେ ମହମ୍ମଦ। ହେଲେ ସ୍ତ୍ରୀ ଓ ୧୧ ବର୍ଷର ଝିଅ ସହ ମହମ୍ମଦଙ୍କ ମୃତ୍ୟୁ ମଧ୍ୟ ହୋଇଯାଇଛି। ଏଥିରେ ୫ ବର୍ଷର ଝିଅ ଗୁରୁତର ହୋଇ ଚିକିତ୍ସିତ ହେଉଛନ୍ତି। ମାଲାପ୍ପୁରମ ପୋଲିସ ଘଟଣାର ତଦନ୍ତ ଆରମ୍ଭ କରିଛି। ମହମ୍ମଦ ସ୍ତ୍ରୀ ଓ ଦୁଇ ଝିଅଙ୍କୁ ଧରି ଅଟୋରେ ବାହାରିଥିଲେ। ହେଲେ ବାଟରେ ଅଟୋରେ ନିଆଁ ଲାଗିଯାଇଥିଲା। ନିଜ ଜୀବନ ବଞ୍ଚାଇବାକୁ ଯାଇ ମହମ୍ମଦ ପାଖରେ ଥିବା ଏକ କୂଅକୁ ଡେଇଁ ପଡ଼ିଥିବା ପୋଲିସ ପ୍ରାଥମିକ ତଦନ୍ତରୁ ଜାଣିବାକୁ ପାଇଛି। ହେଲେ ହତ୍ୟାର କାରଣ ସ୍ପଷ୍ଟ ହୋଇ ନ ଥିବା ପୋଲିସ କହିଛି।
