ନୂଆଦିଲ୍ଲୀ,୮।୯: ତ୍ରୁଣମୂଳ କଂଗ୍ରେସ ରାଜ୍ୟ ସଭା ଏମପି ଜବାହର ସରକାରଙ୍କ ଇସ୍ତଫା ଉପରେ ଭାଜପାର ଆଇଟି ସେଲ ମୁଖ୍ୟ ଅମିତ ମାଲଭିୟ ଏହା ଉପରେ ପ୍ରତିକ୍ରିୟା ଦେଇଛନ୍ତି। ସେ ପଶ୍ଚିମବଙ୍ଗ ମମତା ବାନାର୍ଜୀଙ୍କ ଇସ୍ତଫା ଦାବି କରିଛନ୍ତି।
ସେ ଏକ୍ସର ଏକ ପୋଷ୍ଟରେ କହିଛନ୍ତି, ତ୍ରୁଣମୂଳ କଂଗ୍ରେସର ରାଜ୍ୟସଭା ଏମପି ଜବାହାର ସରକାର ଟିଏମସି ନେତୃତ୍ୱରେ ପଶ୍ଚିମବଙ୍ଗର ସରକାରରେ ବଢି ଚାଲିଥିବା ଭ୍ରଷ୍ଟାଚାର ଓ ଆରଜି କର ମେଡିକାଲ କଲେଜ ଆଣ୍ଡ ହସ୍ପିଟାଲରେ ହୋଇଥିବା ବଳାତ୍କାର ଓ ହତ୍ୟା ମମାଲାକୁ ଠିକ ଭାବରେ ସମ୍ଭାଳି ନ ପାରିଥିବା ଦର୍ଶାଇ ଇସ୍ତଫା ଦେଇଛନ୍ତି।
ସେ ଆହୁରି ମଧ୍ୟ କହିଛନ୍ତି, ମମତା ବାନାର୍ଜୀଙ୍କର ଏକ ଶିକ୍ଷା ଶିଖିବା ଏବଂ ତାଙ୍କ ପଦ ଛାଡିବାର ସମୟ ଆସିଛି। ସେମାନେ କୋଲକାତା ପୋଲିସ କମିଶନରଙ୍କ ସହ ଡାକ୍ତରଙ୍କ ବଳାତ୍କାର ଓ ହତ୍ୟା ସହ ଜଡିତ ସମସ୍ତ ପ୍ରମାଣକୁ ସମ୍ପୂର୍ଣ୍ଣ ରୂପେ ନଷ୍ଟ କରିଦେଇଛନ୍ତି। ମୁଁ ପୁଣିଥରେ କହିଛି ଯେ ଯଦି ମମତା ବାନାର୍ଜୀ ଏବଂ କୋଲକାତା ପୋଲିସ କମିଶନର ଭିନେଟ ଗୋୟଲ ନିଜ ପଦରୁ ଇସ୍ତଫା ନ ଦିଅନ୍ତି, ତେବେ ଏହି ମାମଲାରେ ନିରପେକ୍ଷ ତଦନ୍ତ ସମ୍ଭବ ନୁହେଁ।
ଅମିତ ମାଲଭିୟ କହିଛନ୍ତି ଯେ ଅପରାଧର ୭୨ଘଣ୍ଟା ପରେ ମୁଖ୍ୟମନ୍ତ୍ରୀ ଏବଂ କୋଲକାତା ସିପିଙ୍କ କଲ ରେକର୍ଡ ସାର୍ବଜନୀନ କରାଯିବା ଉଚିତ। ସେମାନଙ୍କର ବାର୍ତ୍ତାଳାପ ଅନୁସନ୍ଧାନ କରାଯିବା ଉଚିତ୍, ମମତା ବାନାର୍ଜୀ ଏବଂ ଭିନେଟ ଗୋୟଲଙ୍କ ସତ୍ୟ ପ୍ରକାଶ କରିବାକୁ ଏକ ପଲିଗ୍ରାଫ ପରୀକ୍ଷା ମଧ୍ୟ ହେବା ଉଚିତ୍। ଜବାହର ସରକାର ରବିବାର ତାଙ୍କ ପଦରୁ ଇସ୍ତଫା ଦେଇଛନ୍ତି। ସେ ତାଙ୍କ ଇସ୍ତଫା ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ନିକଟକୁ ପଠାଇଛନ୍ତି। ସେ କହିଛନ୍ତି, ରାଜ୍ୟ ସଭାରେ ମୋତେ ପଶ୍ଚିମବଙ୍ଗର ଏମପି ଭାବେ ମନୋନୀତ କରି ତୁମେ ମୋତେ ସମ୍ମାନିତ କରିଛ। ଆମ ରାଜ୍ୟର ବିଭିନ୍ନ ସମସ୍ୟାକୁ କେନ୍ଦ୍ର ସରକାରଙ୍କ ଦୃଷ୍ଟି ଆକର୍ଷଣ କରିବାକୁ ଆମକୁ ଏହି ସୁଯୋଗ ଦେଇଥିବାରୁ ଆପଣଙ୍କୁ ବହୁତ ଧନ୍ୟବାଦ। କିନ୍ତୁ ବହୁ ବିଚାର ପରେ ମୁଁ ଏମପି ପଦରୁ ଇସ୍ତଫା ଦେବାକୁ ଏବଂ ରାଜନୀତିଠାରୁ ସମ୍ପୂର୍ଣ୍ଣ ଦୂରରେ ରହିବାକୁ ନିଷ୍ପତ୍ତି ନେଇଛି।
