ନୂଆଦିଲ୍ଲୀ,୨୮।୬: ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ହେଲିକପ୍ଟର ଜରୁରୀ ଅବତରଣ କରିବା ବେଳେ ଆହତ ହୋଇଛନ୍ତି। ତାଙ୍କ ଆଣ୍ଠୁ ଓ ହିପ୍ରେ ଆଘାତ ଲାଗିଛି। ଏଥିପାଇଁ ସେ ହସ୍ପିଟାଲରେ ଭର୍ତ୍ତି ମଧ୍ୟ ହୋଇଥିଲେ।
ସୂଚନାଯୋଗ୍ୟ, ବିମାନବନ୍ଦରରେ ହେଲିକପ୍ଟରରୁ ଓହ୍ଲାଇବାକୁ ଚେଷ୍ଟା କରୁଥିବା ବେଳେ ବାନାର୍ଜୀଙ୍କ ପିଠି ଏବଂ ଗୋଡରେ ଆଘାତ ଲାଗିଥିଲା। ପରେ ସେ ବାଗଡୋଗ୍ରା ବିମାନବନ୍ଦରରୁ ବିମାନ ଯୋଗେ କୋଲକାତା ଫେରିଥିଲେ। ଜଣେ ଅଧିକାରୀ କହିଛନ୍ତି ଯେ ତୁରନ୍ତ କୋଲକାତାରେ ପହଞ୍ଚିବା ପରେ ମୁଖ୍ୟମନ୍ତ୍ରୀଙ୍କୁ ସରକାରୀ ଏସଏସକେଏମ ଡାକ୍ତରଖାନାକୁ ନିଆଯାଇଥିଲା, ଯେଉଁଠାରେ ତାଙ୍କର ଏମଆରଆଇ କରାଯାଇଥିଲା।
ହସ୍ପିଟାଲର ଡାକ୍ତରମାନଙ୍କ କହିବା କଥା ଯେ ଏମଆରଆଇ ସ୍କାନରୁ ଜଣାପଡିଛି ଯେ ମମତାଙ୍କ ବାମ ଗୋଡ ଆଣ୍ଠୁରେ ଲିଗାମେଣ୍ଟ ଜନିତ ଆହତ ସମସ୍ୟା ରହିଛି। ସେହିପରି ବାମ ପଟ ହିପ୍ର ଜଏଣ୍ଟରେ ମଧ୍ୟ ଆଘାତ ଲାଗିଛି। ଯାହାପାଇଁ ତାଙ୍କୁ ହସ୍ପିଟାଲରେ ଆଡମିଟ ହେବାକୁ କୁହାଯାଇଥିଲା। କିନ୍ତୁ ସେ ଆଡମିଟ ହେବାକୁ ମନା କରି ଦେଇଛନ୍ତି। ସେ ଘରେ ନିଜର ଚିକିତ୍ସା କରିବା ବୋଲି କହି ହସ୍ପିଟାଲ ଛାଡି ଚାଲି ଯାଇଛନ୍ତି।
