ନୂଆଦିଲ୍ଲୀ,୧୦।୧: ଅଧିକାଂଶ ଲୋକ ଫିକ୍ସଡ ଡିପୋଜିଟ (Fixed Deposit -FD) ରେ ବିନିଯୋଗ କରିବାକୁ ପସନ୍ଦ କରନ୍ତି, କାରଣ ସେମାନେ ଫିକ୍ସଡ ରିଟର୍ଣ୍ଣ ପାଆନ୍ତି ଓ ଆପଣଙ୍କର ବିନିଯୋଗ ପରିମାଣ ସୁରକ୍ଷିତ ରହିଥାଏ । କିନ୍ତୁ ଯଦି ଆପଣ ଫିକ୍ସଡ ଡିପୋଜିଟ ଉପରେ ଅଧିକ ରିଟର୍ନ (Highest FD Interest Rates) ପାଇବାକୁ ଚାହୁଁଛନ୍ତି, ତେବେ ଏଥିପାଇଁ ମଧ୍ୟ ଏକ ଉପାୟ ଅଛି । ପ୍ରାୟତଃ ଲୋକମାନେ ଟ୍ୟାକ୍ସ ସଞ୍ଚୟ କରିବାକୁ ନିଜ ସ୍ତ୍ରୀଙ୍କ ନାମରେ ଏଫଡି କରନ୍ତି । ଯଦି ଆପଣ FD ରେ ସର୍ବାଧିକ ରିଟର୍ନ (FD investments) ପାଇବାକୁ ଚାହାଁନ୍ତି, ତେବେ ସ୍ତ୍ରୀଙ୍କ ବଦଳରେ ଆପଣ ଆପଣଙ୍କ ମା’ଙ୍କ ନାମରେ (FD ନିବେଶ) କରନ୍ତୁ ।ଯାହା ଅପାଣଙ୍କୁ ବମ୍ପର ଲାଭ ଦେବା ସହ ରିଟର୍ନ ମଧ୍ୟ ଦେବ।
ସ୍ତ୍ରୀଙ୍କ ନାମରେ FD କଲେ ଆପଣ ନିଶ୍ଚିତ ଭାବରେ ଟ୍ୟାକ୍ସ ସଞ୍ଚୟ କରିପାରିବେ, କିନ୍ତୁ ଧ୍ୟାନ ଦିଅନ୍ତୁ ଯେ ଏଥିରେ ଆପଣ ଯେତେ ସୁଧ ପାଇବେ ନିଜ ନାମରେ କଲେ ମଧ୍ୟ ସେତିକି ସୁଧ ମିଳିବ । କିନ୍ତୁ ଯଦି ଆପଣ ଆପଣଙ୍କ ମା’ଙ୍କ ନାମରେ ଏଫଡି କରନ୍ତି, ତେବେ ଏହା ଉପରେ ଅଧିକ ସୁଧ ମିଳିବ । କିନ୍ତୁ ବିଶେଷ ଧ୍ୟାନ ଦିଅନ୍ତୁ ଯେ ଯଦି ଆପଣଙ୍କର ମାଙ୍କ ବୟସ ୬୦ ବର୍ଷ କିମ୍ବା ତା’ଠାରୁ ଅଧିକ, ଅର୍ଥାତ ସେ ଜଣେ ବରିଷ୍ଠ ନାଗରିକ, ତେବେ କେବଳ ତାଙ୍କ ନାମରେ ଏଫ୍ଡି କରି ଆପଣ ୦.୫୦ ପ୍ରତିଶତ ଅଧିକ ରିଟର୍ନର ଲାଭ ପାଇପାରିବେ ।
ଯଦି ଆପଣଙ୍କର ମା’ର ବୟସ ୮୦ କିମ୍ବା ତା’ଠାରୁ ଅଧିକ ଅର୍ଥାତ ସେ ଜଣେ ସୁପର ସିନିୟର ନାଗରିକ, ତେବେ ଆପଣ ୦.୭୫ ରୁ ୦.୮୦ ପ୍ରତିଶତ ଅଧିକ ସୁଧ ପାଇପାରିବେ । ଅଧିକ ରିଟର୍ନ ପାଇଁ, ଆପଣ ଆପଣଙ୍କ ମା କିମ୍ବା ପିତାଙ୍କ ନାମରେ FD କରିପାରିବେ । କହିରଖୁଛୁ କି, ବରିଷ୍ଠ ନାଗରିକମାନେ FD ରେ ଅଧିକ ରିଟର୍ନ ପାଆନ୍ତି ।
FDS ରୁ ଆୟ ଉପରେ TDS (Tax Deducted at Source) କଟାଯାଇଥାଏ । ଯଦି ଆର୍ଥିକ ବର୍ଷରେ FD ରୁ ପ୍ରାପ୍ତ ସୁଧ ୪୦,୦୦୦ ରୁ ଅଧିକ, ତେବେ ଆପଣଙ୍କୁ 10% TDS ଦେବାକୁ ପଡିବ । କିନ୍ତୁ ବରିଷ୍ଠ ନାଗରିକଙ୍କ ପାଇଁ ଏହି ସୀମା ହେଉଛି ୫୦,୦୦୦ ଟଙ୍କା । ଯଦି ଆପଣ ଆପଣଙ୍କ ନାମରେ FD ରେ ବିନିଯୋଗ କରନ୍ତି, ତା’ହେଲେ ଏଥିରୁ ଆୟ ଆପଣଙ୍କ ଆୟରେ ଯୋଡିହୋଇଥାଏ । ଏହାର ଅର୍ଥ ଏପରି ପରିସ୍ଥିତିରେ ଆପଣଙ୍କୁ ଅଧିକ ଟ୍ୟାକ୍ସ ଦେବାକୁ ପଡିପାରେ । ତେଣୁ, ଯଦି ଆପଣ ଆପଣଙ୍କ ମା’ଙ୍କ ନାମରେ ଏଫଡି କରନ୍ତି, ଆପଣ କେବଳ ଅଧିକ ରିଟର୍ନ ପାଇବେ କେବଳ ତାହା ନୁହେଁ ବରଂ ଏହି ଉପାୟରେ ଟ୍ୟାକ୍ସ ମଧ୍ୟ ସଞ୍ଚୟ କରିପାରିବ ।
