ବଦ୍ଦି,୨।୨: ହିମାଚଳ ପ୍ରଦେଶର ସୋଲାନ ଜିଲାର ଏକ ପ୍ରସାଧନ କାରଖାନାରେ ଅଗ୍ନିକାଣ୍ଡ ଘଟିଥିବା ସୂଚନା ମିଳିଛିି। ୧୫-୨୦ ଶ୍ରମିକ ଏଠାରେ କାରଖାନାରେ ଫସି ରହିଥିବା କୁହାଯାଉଛି। ନିଆଁ ଲାଗିବା ପରେ ଭିଡିଓ ସାମ୍ନାକୁ ଆସିଛି ଯେଉଁଥିରେ ଜଣେ ମହିଳା ଛାତ ଉପରେ ଫସି ରହିଥିବାର ନଜର ଆସିଛନ୍ତି।
ସୂଚନାନୁସାରେ, ଏହି ଘଟଣା ରାଜ୍ୟର ଏକ ଶିଳ୍ପାଞ୍ଚଳରେ ଥିବା ଏକ ପ୍ରସାଧନ ସାମଗ୍ରୀ ଉତ୍ପାଦନ କରୁଥିବା କାରଖାନାରେ ବଡ଼ ଧରଣର ନିଆଁ ଲାଗିଛି। ଏଥିରେ ବହୁ ସଂଖ୍ୟକ ଶ୍ରମିକ ଫସି ରହିଛନ୍ତି। ଅଗ୍ନିକାଣ୍ଡର କାରଣ ଜଣା ପଡିନାହିଁ। ଅଗ୍ନିଶମ ବିଭାଗ ବଦ୍ଦି ଏବଂ ନାଲାଗଡର ପ୍ରାୟ ଅଧା ଡଜନ ଗାଡି ନିଆଁ ଲିଭାଇବା ପାଇଁ ଘଟଣାସ୍ଥଳରେ ପହଞ୍ଚିଛନ୍ତି। ରିଲିଫ ଏବଂ ଉଦ୍ଧାର ପାଇଁ ଏନଡିଆରଏଫ ଟିମ ଘଟଣାସ୍ଥଳରେ ପହଞ୍ଚିଛି।
ନିଆଁ ଲାଗିବା ପରେ ଘଟଣାର କିଛି ଭିଡିଓ ମଧ୍ୟ ସାମ୍ନାକୁ ଆସିଛି ଯେଉଁଥିରେ ଲୋକମାନେ କାରଖାନା ବାହାରେ ଦୌଡୁଥିବାର ନଜର ଆସିଛନ୍ତି। ଏକ ଭିଡିଓରେ କାରଖାନାର ଛାତ ଉପରେ ଜଣେ ମହିଳା ମଧ୍ୟ ନଜର ଆସିଛନ୍ତି। ଏହି ମହିଳା ଧୂଆଁରେ ଫସି ରହିଛନ୍ତି। ସେହିଭଳି ଆଉ ଏକ ଭିଡିଓରେ ଜଣେ ବ୍ୟକ୍ତି କହୁଛନ୍ତି ଯେ କାରଖାନାରେ ୧୫-୨୦ ଲୋକ ଫସି ରହିଛନ୍ତି।
