ନୂଆଗାଁ,୧।୭(ଡି.ଏନ.ଏ.): ମହୀପୁରରୁ ନୂଆଗାଁକୁ ରେଳ ଚଳାଚଳ ଗୁରୁବାର ଆରମ୍ଭ ହୋଇଛି। ରେଳମନ୍ତ୍ରୀ ଅଶ୍ୱିନୀ ବୈଷ୍ଣବ ଉକ୍ତ ବ୍ୟବସ୍ଥାର ଶୁଭାରମ୍ଭ କରିଛନ୍ତି। ଏହି ଅବସରରେ ଭୁବନେଶ୍ୱର-ମହୀପୁର-ଭୁବନେଶ୍ୱର ସ୍ପେଶାଲ ଟ୍ରେନର ନୂଆଗାଁ ରୋଡ ପର୍ଯ୍ୟନ୍ତ ସମ୍ପ୍ରସାରଣ ଓ ନୂଆଗାଁ ଠାରୁ ପୁରୀ ପର୍ଯ୍ୟନ୍ତ ଏବଂ ବୋଲଗଡ ଟାଉନ ପି.ଏଚ୍ଠାରେ ସେବା ଏକ୍ସପ୍ରେସ୍ ରହଣିର ଘୋଷଣା ରେଳମନ୍ତ୍ରୀ କରିଛନ୍ତି। ପ୍ରତିଦିନ ପୁରୀକୁ ଟ୍ରେନ ଚଳାଚଳ କରିବା ନେଇ ଗୁରୁବାର ସରକାରୀ ଭାବେ ଘୋଷଣା କରାଯାଇଛି। ପୁରୀ ରଥଯାତ୍ରା ପାଇଁ ଶୁକ୍ରବାର ସକାଳ ୪.୧୦. ୬.୧୦ , ଅପରାହ୍ନ ୧୨.୧୦ ଓ ୩.୧୦ ସମୟରେ ନୂଆଗାଁ ଷ୍ଟେଶନରୁ ପୁରୀ ଅଭିମୁଖେ ଟ୍ରେନ ଚାଲିବ ବୋଲି ସୂଚନା ମିଳିଛି। ଏହି ଉଦ୍ଘାଟନୀ ଉତ୍ସବରେ ରେଳମନ୍ତ୍ରୀ ବୈଷ୍ଣବ ଅପରାହ୍ନ ୩ଟାରେ ପହଞ୍ଚତ୍ବା ପାଇଁ ସ୍ଥିର ହୋଇଥିଲା। ହେଲେ ୨ ଘଣ୍ଟା ବିଳମ୍ବ ଅର୍ଥାତ୍ ଅପରାହ୍ନ ୫ଟାରେ ଏକ ସ୍ବତନ୍ତ୍ର ଟ୍ରେନରେ ମନ୍ତ୍ରୀ ବୈଷ୍ଣବ ନୂଆଗାଁ ଷ୍ଟେଶନରେ ପହଞ୍ଚତ୍ଥିଲେ। ଏହାପରେ ସେ ବିଭାଗୀୟ ଅଧିକାରୀମାନଙ୍କ ଉପସ୍ଥିତିରେ ଟ୍ରେନ ଚଳାଚଳର ଶୁଭାରମ୍ଭ କରିଥିଲେ। ପରେ ଷ୍ଟେଶନ ପରିସରରେ ଆୟୋଜିତ ସଭାରେ ଯୋଗଦେଇ ପୁରୀକୁ ରେଳ ଚଳାଚଳ କରିବା ପାଇଁ ଘୋଷଣା କରିବା ସହ ପ୍ରଧାନମନ୍ତ୍ରୀଙ୍କ ସହଯୋଗରେ ଆଜି ଏହା ସମ୍ଭବ ହୋଇ ପାରିଛି ବୋଲି କହିଥିଲେ। ରାଜ୍ୟ ତଥା ଦେଶ ବିଦେଶରେ ଉଦୟପୁର ପାଠାଗାର, ସଂଗ୍ରହାଳୟର ପ୍ରତିଷ୍ଠାତା ଦାଶରଥି ପଟ୍ଟନାୟକଙ୍କ ଯୋଗୁ ନୂଆଗାଁ ଗୌରାବନ୍ବିତ ହୋଇଥିବାରୁ ନୂଆଗାଁ ଷ୍ଟେଶନକୁ ଦାଶରଥିଙ୍କ ନାମରେ ନାମିତ କରିବାକୁ ଦଶପଲ୍ଲା ବିଧାୟକ ରମେଶ ଚନ୍ଦ୍ର ବେହେରା ଉକ୍ତ ସଭାରେ ଯୋଗଦେଇ ମନ୍ତ୍ରୀଙ୍କୁ ଅନୁରୋଧ କରିଥିଲେ। ଉପସ୍ଥିତ ଲୋକମାନେ ଏହାକୁ ବି ସମର୍ଥନ କରିଥିଲେ। ଏହି କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ ଖୋର୍ଦ୍ଧା ଡିଏମ୍ଆର୍ ରିଙ୍କେଶ ରାୟ ,ପୂର୍ବତଟ ରେଳପଥ ଜିଏମ୍ ଶାରଦା ପ୍ରସାଦ ଶ୍ରୀବାସ୍ତବ ଯୋଗ ଦେଇଥିଲେ।
