ଦକ୍ଷିଣ ଭାରତୀୟ ସିନେମାର ଅନ୍ୟତମ ଲୋକପ୍ରିୟ ଅଭିନେତା ହେଉଛନ୍ତି ମହେଶ ବାବୁ। ତାଙ୍କ ଅଭିନୀତ ପ୍ରତ୍ୟେକ ଫିଲ୍ମରେ ତାଙ୍କର ଆକ୍ଟିଂର ଭିନ୍ନତା ଦେଖିବାକୁ ମିଳିଥାଏ। ତେବେ ପ୍ରତିଟି ଭୂମିକା ପାଇଁ ସେ କେତେ ସିରିୟସ ସେ ନେଇ ନିକଟରେ ସୂଚନା ଦେଇଛନ୍ତି। ଏ ସମ୍ପର୍କରେ ମହେଶ କହନ୍ତି, ‘ମୋର ପ୍ରତିଟି ଫିଲ୍ମର କାହାଣୀ, ସେଥିରେ ମୋ ଭୂମିକା, ସଙ୍ଗୀତ-ଏସବୁ ବିଷୟରେ ମୁଁ କେବଳ ମୋ ପରିବାର ସଦସ୍ୟ ନୁହନ୍ତି, ମୋ ଧର୍ମପତ୍ନୀଙ୍କ ସହ ଆଲୋଚନା କରି ନ ଥାଏ। ଏକୁଟିଆ ବସି ଥଣ୍ଡା ମିଜାସରେ ସେ ବିଷୟରେ ପ୍ଲାନିଂ କରେ। ମୋତେ ଛୋଟ ଭୂମିକାଟିଏ ମିଳିଲେ ମଧ୍ୟ ତାହାକୁ ମୁଁ କେବେ ହାଲୁକା ଭାବରେ ନେଇ ନ ଥାଏ। ଏହାକୁ ତୁଲାଇବାରେ ଯେମିତି କିଛି ଅସୁବିଧା ନ ହୁଏ ସେ ନେଇ ବେଶ୍ ସତର୍କ ରହେ। ମୋ ଅଭିନୀତ ଫିଲ୍ମଟି ରିଲିଜ ହେଲେ ସେଥିରେ ମୋ ଅଭିନୟରେ କେଉଁଠି ଦୋଷତ୍ରୁଟି ରହୁଛି ତାହାକୁ ତନ୍ନ ତନ୍ନ କରି ଲକ୍ଷ୍ୟ କରିବା ସହ ସେଗୁଡ଼ିକୁ ପରବର୍ତ୍ତୀ ସମୟରେ ସୁଧାରିବାକୁ ଚେଷ୍ଟା କରେ।’