ବରଗଡ଼,୧୩।୧୧(ପ୍ରେମାନନ୍ଦ ଖମାରୀ)- ବରଗଡ଼ ବ୍ଲକ ଅନ୍ତର୍ଗତ ବରହାଗୋଡା ଫୁଟବଲ୍ ପଡିଆରେ ବୁଧବାର ମାଁ ପଁର୍ରାପାଟ କପ୍ ଫୁଟବଲ୍ ପ୍ରତିଯୋଗିତା ଉଦଘାଟିତ ହୋଇଯାଇଛି। ପୂର୍ବତନ ବିଧାୟକ ସାଧୁ ନେପାକ, ନଥୁରମ୍ ଶେଠ୍ ଅତିଥିଭାବେ ଯୋଗଦେଇ ପ୍ରତିଯୋଗିତାକୁ ଉଦଘାଟନ କରିଥିଲେ । ସାଇ ଇଲେଭେନ ଓ ଲୁରୁପାଲି ଦଳ ମଧ୍ୟରେ ପ୍ରଥମ ମ୍ୟାଚ ହୋଇଥିଲା। ନିର୍ଦ୍ଧାରିତ ସମୟ ସୁଦ୍ଧା କୌଣସି ଦଳ ଗୋଲ ସ୍କୋର କରି ପାରି ନଥିଲେ। ଫଳରେ ଟ୍ରାଇ ବ୍ରେକର ସହାୟତା ନିଆଯାଇଥିଲା । ଏଥିରେ ସାଇ ଇଲେଭେନ ପ୍ରତିପକ୍ଷ ଲୁରୁପାଲିକୁ ୬ -୫ ଗୋରେ ହରାଇ ଥିଲା। ଦ୍ୱିତୀୟ ମ୍ୟାଚରେ ପାତିକରପାଲି ଦଳ ପ୍ରତିପକ୍ଷ ପୂଟୁରୁପାଲି ଦଳକୁ ୧-୦ ଗୋଲରେ ପରାସ୍ତ କରିଥିଲା । ସେହିପରି ପ୍ରଥମ କ୍ୱାର୍ଟର ଫାଇନାଲ ମ୍ୟାଚରେ ପାତିକରପାଲି ଦଳ ପ୍ରତିପକ୍ଷ ସାଇ ଇଲେଭେନ ଦଳକୁ ଟାଇ ବ୍ରେକର ଜରିଆରେ ୪-୩ ଗୋଲରେ ହରାଇ ସେମି ଫାଇନାଲକୁ ଉନ୍ନୀତ ହୋଇଛି । ପ୍ରଦୀପ, ଗୋପାଳ, ରୁଣୁ ଏବଂ ସୁବାଷ ଖେଳ ପରିଚାଳନା କରିଥିଲେ । ବରହାଗୋଡା ଫୁଟବଲ ଦଳର ସମସ୍ତ ଖେଳାଳି ସହଯୋଗ କରିଥିଲେ ।
ସେହିପରି ଗୁରୁବାର ଦ୍ୱିତୀୟ ଦିବସରେ ନଗେନପାଲି ଓ ବାଗବଡି ଦଳ ମଧ୍ୟରେ ପ୍ରଥମ ମ୍ୟାଚ୍ ହୋଇଥିଲା । ନିର୍ଦ୍ଧାରିତ ସମୟ ସୁଦ୍ଧା କୌଣସି ଦଳ ଗୋଲ ସ୍କୋର କରି ପାରି ନଥିଲେ । ଫଳରେ ଟାଇବ୍ରେକର ସହାୟତା ନିଆଯାଇଥିଲା। ଏଥିରେ ବାଗବଡି ଦଳ ୪-୩ ଗୋଲରେ ନଗେନପାଲି ଦଳକୁ ହରାଇଥିଲା l ବରାହାଗୋଡା ଓ ଗର୍ଭଣା ଦଳ ମଧ୍ୟରେ ଦ୍ବିତୀୟ ମ୍ୟାଚ ହୋଇଥିଲା। ଏଥିରେ ବରାହଗୋଡା ଦଳ ପ୍ରତିପକ୍ଷ ଗର୍ଭଣା ଦଳକୁ ୧-୦ ଗୋଲରେ ପରାସ୍ତ କରିଥିଲା l ବରାହଗୋଡା ଏବଂ ବାଗବାଡି ମଧ୍ୟରେ ଦ୍ୱିତୀୟ କ୍ୱାର୍ଟର ଫାଇନାଲ ମ୍ୟାଚ ହୋଇଥିଲା । ଏଥିରେ ବରହଗୋଡା ଦଳ ୨-୦ ଗୋଲରେ ବିଜୟୀ ହୋଇ ସେମି ଫାଇନାଲକୁ ଉନ୍ନୀତ ହୋଇଥିଲା । ଭୋଜରାଜ ଭୋଇ , ଗ୍ରାମ୍ୟ କମିଟି ସଭାପତି ନଥୁରମ୍ ଶେଠ୍, ଅନନ୍ତରାମ ମେହେର, ବିରେନ୍ଦ୍ର ସାହୁ, ନେପାଲ ପଧାନ, ମଙ୍ଗଳ ସରାଫ, ଯୁଧିଷ୍ଠିର ମେହେର ଅତିଥିଭାବେ ଯୋଗ ଦେଇଥିଲେ । ପ୍ରଦୀପ ଭୋଇ, ଗୋପାଳ ନାୟକ, ପଙ୍କଜ ଯୁଆଡି ମ୍ୟାଚ୍ ପରିଚାଳନା କରିଥଲେ । ରୁନୁ ମହାପାତ୍ର ଲାଇନରେ ସାହାଯ୍ୟ କରିଥିଲେ । ବରହାଗୋଡା ଫୁଟବଲ ଦଳର ସମସ୍ତ ଖେଳାଳି ସହଯୋଗ କରିଥିଲେ । ଶୁକ୍ରବାର କଳାପାଣି ଓ ଜମୁର୍ଡା ମଧ୍ୟରେ ପ୍ରଥମ ଏବଂ ବରଗାଁ ଓ ଉଲବା ମଧ୍ୟରେ ଦ୍ବିତୀୟ ଅନୁଷ୍ଠିତ ହେବ ।
