କୋରାପୁଟ,୧୮।୩( ଅମିତାଭ ବେହେରା) କୋରାପୁଟ ଜିଲାର ବନ୍ଦୁଗାଁ ବ୍ଲକର ନିଳାବାଡି ପଞ୍ଚାୟତରେ ବର୍ତମାନ ମା’ ଅଗ୍ନୀଗଙ୍ଗା ମାଙ୍କ ଚାଲିଛି ବଡ ଯାତ୍ରା। ଏଥିପାଇଁ ଏହି ଅଞ୍ଚଳ ଏକ ପ୍ରକାଣ ଚଳଚଞ୍ଚଳ ହୋଇଛି। ଚଳିତ ମାସ ୮ରୁ ଆରମ୍ଭ ହୋଇଥିବା ମା’ ଅଗ୍ନୀଗଙ୍ଗାଙ୍କ ଏହି ଯାତ୍ରା ନେଇ କୋରାପୁଟ ଜିଲା , ପଡୋଶୀ ରାୟଗଡା ଜିଲା, ପୋଡଶୀ ଆନ୍ଧ୍ର ପ୍ରଦେଶ ସମେତ ଦୁର ଦୁରାନ୍ତରୁ ଦୈନିକ ହଜାରେ ହଜାର ଭକ୍ତ ନିଜର ମାନସିକ ପୁରୁଣ ପାଇଁ ଏଠାକୁ ଛୁଟିଥିବା ଦେଖାଯାଇଛି। ମାଙ୍କ ଠାରେ ବିଶ୍ୱାସ ରହିଛି ଯେ ଯେ କୌଣସି ଭକ୍ତ ନିଜର ମାନସିକ ନେଇ ମାଙ୍କୁ ଡାକିଲେ ସେ ନିଶ୍ଚୟ ତା’ର ଡାକ ଶୁଣିଥାନ୍ତି ବୋଲି ନଜିର ରହିଛି।
ଗତ ୮ ତାରିଖ ମଧ୍ୟ ରାତ୍ରରେ ନିଳାବାଡି ପୁଜା କମିଟି ଦ୍ୱାରା ମାଙ୍କୁ ନିଳାବାଡିସ୍ଥିତ ମୁଖ୍ୟ ମନ୍ଦିରରେ ପୁଜା ଅର୍ଚ୍ଚନା କରି ବାଜ ବାଜଣା ମଧ୍ୟରେ ନିଳାବାଡି ସଦର ମହକୁମ୍ମାଠାରେ ଥିବା ମାଙ୍କ ଅସ୍ଥାୟୀ ମଣ୍ଡପକୁ ଆଣିଥିବାବେଳେ ମାଙ୍କୁ ଦର୍ଶନ ପାଇଁ ଏଠାରେ ଗତ ୯ ଦିନ ଧରି ହଜାର ହଜାର ଭକ୍ତଙ୍କ ପ୍ରବଳ ଭିଡ ଦେଖିବାକୁ ମିଳିଛିା ଏହି ଯାତ୍ରାର ଗତ ରବିବାରଠାରୁ ୩ ଦିନ ଧରି ବଡଯାତ୍ରା ଅନୁଷ୍ଠିତ ହେଉଥିବାବେଳେ ମଙ୍ଗଳବାର ଦିନ ହେଉଛି ବଡ ଯାତ୍ରାର ଶେଷ ଦିନ। ସେଥିପାଇଁ ଭକ୍ତଙ୍କ ସଂଖ୍ୟା ବୃଦ୍ଧି ପାଇଛି। ବୁଧବାର ସକାଳେ ମା ତାଙ୍କ ମଖ୍ୟ ମନ୍ଦିରକୁ ପ୍ରତ୍ୟାବର୍ତନ କରିବାକୁ ଥିବାବେଳେ ଭକ୍ତମାନେ ମାଙ୍କୁ ମାଗୁର ମାଛ, ପାରା ଓ କୁକଡା ଦେଇ ମାଙ୍କୁ ବିଦାୟ ଦେବେ। ପରମ୍ପରା ରହିଛି ଯେ ମାଙ୍କୁ ଏହି ସମୟରେ ଜିଅନ୍ତା ମାଗୁର ମାଛ, ପାରା ଓ କୁକଡା ଆଦି ଦେଲେ ମା ଭକ୍ତଙ୍କ ମାନସିକ ପୁରଣ କରିଥାନ୍ତି। ଆନ୍ଧ୍ରପ୍ରଦେଶ ସୀମାନ୍ତ ଓ ରାୟଗଡା ଜିଲାର ସୀମାନ୍ତ ଏବଂ କୋରାପୁଟ ଜିଲାର ବନ୍ଧୁଗାଁ ବ୍ଲକର ସୀମାନ୍ତରେ ନିଳାବାଡି ପଞ୍ଚାୟତରେ ଥିବା ମା ଅଗ୍ନୀଗଙ୍ଗାମାଁ ଙ୍କ ପ୍ରତେକ୍ଷ୍ୟ ମହିମା ରହିଛିା ଏଠାରେ ପ୍ରତି ୨ ବର୍ଷ ଅନ୍ତରାଳରେ ହେଉଥିବା ଏହି ନିଳାବାଡୀର ଅଗ୍ନୀଗଙ୍ଗାମା ଯାତ୍ରାରେ ମିନାବଜାର, ରାମ ଦୋଳି, ସର୍କସ ସହ ଭେଳିକି ଭେଳିକି ଦୋଳିମାନ ଲଗାଯାଇଥିବାବେଳେ ଏଠାରେ ଛତିଶଗଡ, ମଧ୍ୟ ପ୍ରଦେଶ,ଆନ୍ଧ୍ରପ୍ରଦେଶ ଅଞ୍ଚଳରୁ ଦୈନିକ ୧୦ ହଜାରରୁ ୫୦ ହଜାର ଯାଏଁ ଭକ୍ତଙ୍କ ସମାଗମ ହେଉଥିବାରୁ ଯାତ୍ରା କମିଟି ଓ ସ୍ଥାନୀୟ ବ୍ଲକ ପ୍ରଶାସନ ଓ ବନ୍ଧୁଗାଁ ପୋଲିସ ପକ୍ଷରୁ ଭକ୍ତମାନଙ୍କ ଶାନ୍ତି ଶୃଙ୍ଖଳା ଦର୍ଶନ ପାଇ ସମସ୍ତ ପ୍ରକାରର ବ୍ୟବସ୍ଥା କରାଯାଇଛି। ଏହି ସମୟରେ ଦୈନିକ ଲକ୍ଷ ଲକ୍ଷ ଟଙ୍କାର ବ୍ୟବସାୟ ହେଉଥିବାରୁ ରାଜ୍ୟ ତଥା ପୋଡଶୀ ରାଜ୍ୟରୁ ବିଭିନ୍ନ ସାମାଗ୍ରୀ ଧରି ବ୍ୟସାୟୀମାନେ ଏଠାକୁ ଯାତ୍ରା ଆରମ୍ଭର ପୁର୍ବରୁ ଆସିଥାନ୍ତି। ମାଙ୍କ ନବଦିନ ବ୍ୟାପି ଯାତ୍ରାରେ ସେମାନେ ଦୈନିକ ୫ଲକ୍ଷରୁ ଆରମ୍ଭ କରି ୧୦ ଲକ୍ଷ ଯାଏ ବ୍ୟବସାୟ କରିଥାନ୍ତି। ପ୍ରତ୍ୟହ ଦିନ ମା ବିଭିନ୍ନ ଗ୍ରାମ ବୁଲିଭକ୍ତମାନଙ୍କଠାରୁ ଭୋଗ ଗ୍ରହଣ କରିବା ସହ ଭକ୍ତମାନଙ୍କୁ ଆଶିଷ ପ୍ରଦାନ କରିଥାନ୍ତି ା ମାଙ୍କ ନବଦିନ ଯାତ୍ରା ବୁଧବାର ଶେଷ ହେବ। ଶେଷ ଦିନରେ ମାନସିକଧାରୀମାନେ ମାଙ୍କ ନିକଟରେ ଜୀଅନ୍ତା ମାଗୁର ମାଛ ପିଙ୍ଗି ମାଙ୍କୁ ବିଦାୟ ଦେଉଥିବା ଦୃଶ୍ୟ ବଡ ନିଆରା। ଏହି ଯାତ୍ରା ପାଇଁ ବନ୍ଧୁଗାଁ ତହସିଲ ପକ୍ଷରୁ ଓ ଜିଲା ପ୍ରଶାସନ ପକ୍ଷରୁ ସମସ୍ତ ବ୍ୟବସ୍ଥା କରାଯାଇଥାଏ। ନିଳାବାଡିର ଅଗ୍ନୀଗଙ୍ଗା ମାଁ ଯାତ୍ରା କମିଟିର ଅଧକ୍ଷ ତଥା ତହସିଲଦାର ସୋନାଲି ପାତ୍ର, ଯାତ୍ରା କମିଟି ସଭାପତି ବାଡି ସତ୍ୟମ ନାଇଡୁ, ବନ୍ଧୁଗାଁ ଥାନା ଅଧିକାରୀ ପ୍ରସନ୍ନ କୁମାର ମିଶ୍ରଙ୍କ ତତ୍ୱାବଧାନରେ ଏହି ଯାତ୍ରା ଚାଲିଥିବା ଜଣାଯାଇଛି।
