ନୂଆଦିଲ୍ଲୀ,୧୨।୩: ଯଦି ଆପଣ ଗତ କିଛି ଦିନ ଧରି ଗ୍ୟାସ ସିଲିଣ୍ଡର ବିତରଣରେ ବିଳମ୍ବ ଅନୁଭବ କରୁଛନ୍ତି କିମ୍ବା ଦର ବୃଦ୍ଧି ନେଇ ଚିନ୍ତିତ ଅଛନ୍ତି, ତେବେ ଆପଣ ଏକା ନୁହଁନ୍ତି। ମଧ୍ୟପ୍ରାଚ୍ୟ ଇରାନ, ଇସ୍ରାଏଲ ଏବଂ ଆମେରିକାରେ ଚାଲିଥିବା ଯୁଦ୍ଧର ନିଆଁ ଏବେ ଭାରତୀୟ ରୋଷେଇ ଘରେ ପହଞ୍ଚିଛି। ମାର୍ଚ୍ଚ ୭ ଠାରୁ ଗ୍ୟାସ ମୂଲ୍ୟ ଆକାଶଛୁଆଁ ହୋଇଛି ଏବଂ ଅନେକ ସହରରେ ଅଭାବର ରିପୋର୍ଟ ସାମ୍ନାକୁ ଆସିବାରେ ଲାଗିଛି।
କିଛି ଦିନ ପୂର୍ବରୁ, ସରକାର ଘରୋଇ ଏବଂ ବାଣିଜ୍ୟିକ ସିଲିଣ୍ଡରର ମୂଲ୍ୟ ବୃଦ୍ଧି କରିଥିଲେ। ୧୪.୨ କିଲୋଗ୍ରାମ ଘରୋଇ ସିଲିଣ୍ଡରର ମୂଲ୍ୟ ୬୦ ବୃଦ୍ଧି କରାଯାଇଛି, ଏବଂ ୧୯ କିଲୋଗ୍ରାମ ବାଣିଜ୍ୟିକ ସିଲିଣ୍ଡରର ମୂଲ୍ୟ ୧୪୪ ବୃଦ୍ଧି କରାଯାଇଛି।
ଘରୋଇ ସିଲିଣ୍ଡରର ମୂଲ୍ୟ ଏବେ ଓଡ଼ିଶାର ରାଜଧାନୀ ଭୁବନେଶ୍ବରରେ ୯୩୯ ଟଙ୍କା ରହିଛି। ସେହିପରି ଜାତୀୟ ରାଜଧାନୀ ଦିଲ୍ଲୀରେ ୯୧୩, ମୁମ୍ବାଇରେ ୯୧୨.୫୦, କୋଲକାତାରେ ୯୩୯ ଏବଂ ଚେନ୍ନାଇରେ ୯୨୮.୫୦ ରହିଛି। ପାଟନାରେ ୧୦୦୦ ରୁ ଅଧିକ ମୂଲ୍ୟରେ LPG ମିଳୁଛି। ସରକାରଙ୍କ ପ୍ରୟାସ ସତ୍ତ୍ୱେ, ବୁକିଂ ହୋଇନଥିବା LPG ସିଲିଣ୍ଡର ବଜାରରେ ୧୨୦୦ ରୁ ୧୫୦୦ ମଧ୍ୟରେ ମିଳୁଛି।
ଏହା ପଛରେ ତିନୋଟି ପ୍ରମୁଖ କାରଣ ଅଛି। ଭାରତ ତାର ଆବଶ୍ୟକତାର ୬୦% ଗ୍ୟାସ ଆମଦାନୀ କରେ। ଇରାନ-ଇସ୍ରାଏଲ ଯୁଦ୍ଧ ଯୋଗୁଁ, ହର୍ମୁଜ୍ ପ୍ରଣାଳୀ (ସମୁଦ୍ର ପଥ) ଅବରୋଧିତ ହେବା। କତାର ଭଳି ଦେଶରୁ ଯୋଗାଣ ବନ୍ଦ ହୋଇଯାଇଛି।
