ପାଖେଇ ଆସିଲାଣି ଲୋକସଭା ନିର୍ବାଚନ ୨୦୧୪। ଆଉ କିଛି ସପ୍ତାହ ପରେ ଘୋଷଣା ହେବ ତାରିଖ। ଏଥିପାଇଁ ସବୁ ପ୍ରାର୍ଥୀଙ୍କ ଛାତିରେ ଛନକା। କାହାକୁ ଟିକେଟ୍ ମିଳିବ କାହାକୁ ମିଳିବନି ଏନେଇ ଚାଲିଛି ଧରପଗଡ। ନିର୍ବାଚନ ତ ନୁହେଁ ଦେଶରେ ଏହାକୁ ଏକ ଉତ୍ସବ ରୂପେ ପାଳନ କରାଯାଏ। ଏବେ ରାଜ୍ୟସଭା ନିର୍ବାଚନ ଆରମ୍ଭ ହୋଇଯାଇଥିବାବେଳେ ଲୋକସଭା ନିର୍ବାଚନୀ ତାରିଖ ଘୋଷଣା ବାକି ଅଛି। କେବଳ ପ୍ରାର୍ଥି ନୁହେଁ ଭୋଟର୍ ମଧ୍ୟ ମତଦାନ କରିବାକୁ ପ୍ରସ୍ତୁତ। ହେଲେ ମତଦାନ କରିବାକୁ ହେଲେ ଆପଣଙ୍କ ପାଖରେ ଭାରତର ନିର୍ବାଚନ ଆୟୋଗଙ୍କ ଦ୍ୱାରା ଜାରି ଭୋଟର ID କାର୍ଡ ରହିବା ଉଚିତ ଏଥିସହ ଆପଣଙ୍କ ନାମ ଭୋଟର ତାଲିକାରେ ରହିବା ଆବଶ୍ୟକ। ଯଦି ଆପଣଙ୍କର ଭୋଟର ତାଲିକାରେ ନାଁ ନାହିଁ ତେବେ ଆପଣ ମତଦାନ ପାଇଁ ଯୋଗ୍ୟ ବିବେଚିତ ହୋଇ ପାରିବେ ନାହିଁ। ଏଥିପାଇଁ ଆପଣଙ୍କୁ କୌଣସି ଟେନସନ ନେବା ଦରକାର ନାହିଁ। ତାଲିକାରେ ନାଁ ଅଛି କି ନାହିଁ ତାହା ମଧ୍ୟ ଘରେ ବସି ମୋବାଇଲରେ ଜାଣିପାରିବେ। ଆସନ୍ତୁ ଜାଣିବା…
ସର୍ବପ୍ରଥମେ ନ୍ୟାଶନାଲ ଭୋଟର ସର୍ଭିସ ପୋର୍ଟାଲ (NVSP) ରେ ଇଲୋକ୍ଟରଲ ସର୍ଚ୍ଚ ପେଜକୁ ଯାଆନ୍ତୁ। ଏଠାରେ ଆପଣ ଭୋଟର ତାଲିକାରେ ଦୁଇଟି ଉପାୟରେ ଆପଣଙ୍କ ନାଁ ପାଇପାରିବେ। ପେଜରେ ଆବଶ୍ୟକ ସୂଚନା ଏଣ୍ଟ୍ରି କରି କିମ୍ବା ଆପଣଙ୍କର ଇଲେକ୍ଟୋରାଲ ଫଟୋ ID କାର୍ଡ (EPIC) ନମ୍ବର ଏଣ୍ଟ୍ରି କରି ନିଜ ନାଁ ପାଇପାରିବେ। କହିରଖୁଛୁ କି, ଭୋଟର ID କାର୍ଡରେ EPIC ନମ୍ବର ବୋଲ୍ଡ ଅକ୍ଷରରେ ଲେଖାଯାଇଛି।
ଯଦି ଆପଣଙ୍କର EPIC ନମ୍ବର ନାହିଁ, ଏହିପରି ଭୋଟର ତାଲିକାରେ ଆପଣଙ୍କର ନାମ ଯାଞ୍ଚ କରନ୍ତୁ।
ସର୍ବପ୍ରଥମେ ନ୍ୟାଶନାଲ ଭୋଟର ସର୍ଭିସ ପୋର୍ଟାଲ (NVSP) ପେଜ୍ ଭିଜିଟ୍ କରନ୍ତୁ। ସର୍ଚ୍ଚ କିମ୍ବା ବାୟୋ ଡିଟେଲ୍ସ ଉପରେ କ୍ଲିକ କରନ୍ତୁ । ଏଠାରେ ଆପଣଙ୍କୁ ନାମ, ଲିଙ୍ଗ, ବୟସ, ବିଧାନସଭା ନିର୍ବାଚନମଣ୍ଡଳୀ ଇତ୍ୟାଦି ସୂଚନା ପ୍ରଦାନ କରନ୍ତୁ। ଏହା ପରେ, ଚିତ୍ରରେ ଦେଖାଯାଇଥିବା କୋଡ ଏଣ୍ଟ୍ରି କରନ୍ତୁ ଏବଂ ତା’ପରେ ସର୍ଚ୍ଚ ବଟନ ଉପରେ କ୍ଲିକ କରନ୍ତୁ । ଯଦି ଆପଣଙ୍କର ନାମ ଭୋଟର ତାଲିକାରେ ଅଛି ତେବେ ଆପଣ ସର୍ଚ୍ଚ ବଟନ ତଳେ ଥିବା ସୂଚନା ପାଇପାରିବେ। ଯଦି କିଛି ସୂଚନା ଆସୁନାହିଁ ଏହାର ଅର୍ଥ ଆପଣଙ୍କର ନାମ ଭୋଟର ତାଲିକାରେ ଅନ୍ତର୍ଭୂକ୍ତ ନାହିଁ।
