ଚେନ୍ନାଇ,୩ ।୯: କରୋନା ମହାମାରୀକୁ ଦୂରେଇବା ପାଇଁ ପ୍ରାୟ ସମସ୍ତ ରାଜ୍ୟର ପ୍ରଶାସନ ଅଣ୍ଟା ଭିଡିଛନ୍ତି । ଏବେ ତାମିଲନାଡୁର ନୀଳଗୀରି ଜିଲାରେ ମଦ କିଣିବା ପାଇଁ କରୋନା ଟିକା ନେବା ଜରୁରୀ ହୋଇଛି । ଅର୍ଥାତ୍ ଏବେ ମଦ ପିଇବାକୁ ହେଲେ ପ୍ରଥମେ କରୋନା ଟିକା ନେବା ଜରୁରୀ । ଲୋକ କରୋନା ଟିକା ନେବାକୁ ଅମଙ୍ଗ ହେଉଥିଲା ବେଳେ ମଦ ପିଇବାକୁ କିନ୍ତୁ ଖୁବ୍ ଆଗ୍ରହ ପ୍ରକାଶ କରୁଛନ୍ତି । ଏହାକୁ ଦେଖି ଜିଲା ପ୍ରଶାସନ ଏହି ଅଭିନବ ଉପାୟ ବାହାର କରିଛି । ଜିଲାପାଳ ଜେ. ଇନୋସେଣ୍ଟ ଦିବ୍ୟା କହିଛନ୍ତି କେତେକ ଲୋକ କହୁଛନ୍ତି ସେମାନେ ମଦ୍ୟପାନ କରୁଥିବାରୁ ଟିକା ନେଉ ନାହାନ୍ତି । ସେଥିପାଇଁ ଏବେ ମଦ କିଣିବା ଲୋକେ ଟିକା ନେବା ଜରୁରୀ ବୋଲି ସେ କହିଛନ୍ତି । ଏଥର ସମସ୍ତେ ଟିକା ନେବେ ବୋଲି ସେ ଆଶା ରଖିଛନ୍ତି ।
