ଭୁବନେଶ୍ୱର,୧୦।୨: ଭାରତୀୟ ଜୀବନ ବୀମା ନିଗମ ( ଲାଇଫ ଇନ୍ସ୍ୟୁରାନ୍ସ କର୍ପୋରେଶନ ଅଫ୍ ଇଣ୍ଡିଆ ବା ଏଲ୍ଆଇସି ଇଣ୍ଡିଆ)କୁ ନିକଟରେ ଏକ ବଡ ସଫଳତା ମିଳିଛି। ଏଲ୍ଆଇସି ୭ଲକ୍ଷ କୋଟି ଟଙ୍କାରୁ ଅଧିକ ମାର୍କେଟ କ୍ୟାପ୍ ସହ ଭାରତର ୫ମ ମୂଲ୍ୟବାନ୍ କମ୍ପାନୀ ହୋଇଛି। ବିଶେଷକରି କମ୍ପାନୀର ଶେୟାର ପ୍ରାୟ ୬% ବୃଦ୍ଧି ପାଇ ୭.୦୧ ଲକ୍ଷ କୋଟି ଟଙ୍କାରେ ପହଞ୍ଚତ୍ଛି। ଏହା ପୂର୍ବରୁ ଏଲ୍ଆଇସିର ମାର୍କେଟ କ୍ୟାପ୍ ୬.୯୯ଲକ୍ଷ କୋଟି ଟଙ୍କା ଥିଲା। ଅପରପକ୍ଷରେ ୨୦୨୩-୨୪ ଆର୍ଥିକ ବର୍ଷର ତ୍ରୈମାସିକରେ ନିଗମର ଫଳାଫଳ ବେଶ୍ ଉତ୍ସାହଜନ ରହିଛି। ଏପରିକି ୨୦୨୩-୨୪ ଆର୍ଥିକ ବର୍ଷର ଅକ୍ଟୋବରରୁ ଡିସେମ୍ବର ତ୍ରୈମାସିକ ଫଳାଫଳ ଘୋଷଣା ପରଠାରୁ ନିଗମର ଶେୟାର ବୃଦ୍ଧି ଦେଖିବାକୁ ମିଳିଛି। ସେହିଭଳି ଏଲ୍ଆଇସି ମାର୍କେଟ କ୍ୟାପ ଗୁରୁବାର ପ୍ରଥମ ଥର ୭ଟ୍ରିଲିୟନରୁ ଅଧିକ ହୋଇଥିଲାବେଳେ ଏଲ୍ଆଇସି ୨୦୨୨ ମେ ୧୭ରେ ବଜାର ଲିଷ୍ଟିଂ ପରଠାରୁ ନିବେଶକଙ୍କୁ ୨୮%ରୁ ଅଧିକ ରିଟର୍ନ ଦେଇଛି। ଉଲ୍ଲେଖଯୋଗ୍ୟ, ଦେଶର ମୂଲ୍ୟବାନ୍ କମ୍ପାନୀ ତାଲିକାରେ ରିଲାଏନ୍ସ ଇଣ୍ଡଷ୍ଟ୍ରିଜ, ଟାଟା କନ୍ସଲଟାନ୍ସି ସର୍ଭିସେସ୍, ଏଚ୍ଡିଏଫ୍ସି ବ୍ୟାଙ୍କ, ଇନ୍ଫୋସିସ୍ ସମେତ ଏଲ୍ଆଇସି ମଧ୍ୟ ସାମିଲ ହୋଇଛି।
