ବରଗଡ଼,୧୧।୩(ପ୍ରେମାନନ୍ଦ ଖମାରୀ)- ବରଗଡ଼ ଜିଲାରେ ସାର କଳାବଜାର ଚାଷୀଙ୍କ ଚିନ୍ତା ବଢ଼ାଇ ଦେଇଛି। ସରକାରୀ ଧାର୍ଯ୍ୟ ମୂଲ୍ୟଠାରୁ ଅଧିକ ଦରରେ କିଛି ଦୋକାନୀ ସାର ବିକ୍ରି କରୁଥିବା ଯୋଗୁ ଚାଷୀମାନେ ଶୋଷିତ ହେଉଛନ୍ତି। ତେବେ ଏଭଳି ଚଢ଼ାଦରରେ ସାରବିକ୍ରି ଜିଲାର ୨ସାର ଦୋକାନୀଙ୍କୁ ମହଙ୍ଗା ପଡ଼ିଛି। ବୁଧବାର କୃଷି ବିଭାଗ ବରଗଡ଼ସ୍ଥିତ ଉମାଶଙ୍କର ଶୁକ୍ଲା ଏବଂ ଭେଡ଼େନ ବ୍ଲକ ଅନ୍ତର୍ଗତ ସହରାଟିକ୍ରାସ୍ଥିତ ସାଇରାମ ଫର୍ଟିଲାଇଜର୍ସ ଏଣ୍ଡ୍ ପେଷ୍ଟିସାଇଡ୍ସର ସାରବିକ୍ରି ଲାଇସେନ୍ସକୁ ରବ୍ଦ କରି ଦେଇଛି।
ସୂଚନା ଅନୁଯାୟୀ, ଉପରୋକ୍ତ ୨ସାର ଦୋକାନରେ ଚଢ଼ାଦରରେ ସାରବିକ୍ରି ହେଉଥିବା ନେଇ କୃଷି ବିଭାଗକୁ ସୂଚନା ମିଳିଥିଲା। ସେହି ସୂଚନାକୁ ଆଧାର କରି କୃଷି ବିଭାଗର ଏକ ଟଇମ୍ ଉପରୋକ୍ତ ଦୋକାନରେ ଅତର୍କିତ ଚଢ଼ାଉ କରି ଯାଞ୍ଚ କରିଥିଲେ। ଯାଞ୍ଚବେଳେ ସମ୍ପୃକ୍ତ ଦୋକାନୀ କୌଣସି ସନ୍ତୋଷଜନକ ଉତ୍ତର ଦେଇ ପାରି ନ ଥିଲେ। ଏହାକୁ ଭିତ୍ତି କରି ଗୋଷ୍ଠୀ କୃଷି ଅଧିକାରୀ(ବିଏଓ) ଈତିସ୍ମିତା ଦେବତା ଏବଂ ସହକାରୀ କୃଷି ଅଧିକାରୀ ଯୋତ୍ସ୍ନାରାଣୀ ଭିତ୍ରିୟା, ତ୍ରୈଲୋକ୍ୟ ଦାଶ କୃଷି ବିଭାଗଠାରେ ଯାଞ୍ଚ ରିପୋର୍ଟ ଦାଖଲ କରିଥିଲେ। ସେହି ଯାଞ୍ଚ ରିପୋର୍ଟ ଆଧାରରେ କୃଷି ଜିଲା ଅଧିକାରୀ(ଏଡିଓ) ମମତାରାଣୀ ତ୍ରିପାଠୀ ଉପରୋକ୍ତ ଦୋକାନୀଙ୍କ ସାରବିକ୍ରି ଲାଇସେନ୍ସକୁ ରବ୍ଦ କରିଥିଲେ ବୋଲି କୃଷି ବିଭାଗ ପକ୍ଷରୁ ସୂଚନା ଦିଆଯାଇଛି।
