ଲଦାଖ,୨୫।୯: ଲଦାଖରେ ଘଟିଥିବା ହିଂସାକୁ ନେଇ ସାମାଜିକ କର୍ମୀ ସୋନମ ୱାଙ୍ଗଚୁକ ସରକାରଙ୍କୁ ତୀବ୍ର ସମାଲୋଚନା କରିଛନ୍ତି। ସେ ସ୍ପଷ୍ଟ ଭାବରେ ଚେତାବନୀ ଦେଇଛନ୍ତି ଯେ ଯଦି ତାଙ୍କୁ ଗିରଫ କରାଯାଏ, ତେବେ ସରକାରଙ୍କ ସମସ୍ୟା ତାଙ୍କ ସ୍ବାଧୀନତାଠାରୁ ବହୁ ଦୂରକୁ ବୃଦ୍ଧି ପାଇବ।
ୱାଙ୍ଗଚୁକ ଗୁରୁବାର ଗୃହ ମନ୍ତ୍ରଣାଳୟର ବୁଧବାରର ହିଂସା ପାଇଁ ତାଙ୍କୁ ଦାୟୀ କରିଥିବା ବିବୃତ୍ତିକୁ ପ୍ରତ୍ୟାଖ୍ୟାନ କରିଛନ୍ତି। ସେ କହିଛନ୍ତି ଯେ ସରକାର ପ୍ରକୃତ ସମସ୍ୟାକୁ ଅଣଦେଖା କରି ବଳି ପକାଉଛି ବା ବଲି କା ବକ୍ରା ଖୋଜୁଛନ୍ତି।
ମୁଁ ଦେଖୁଛି ଯେ ଜନ ସୁରକ୍ଷା ଆଇନ (PSA) ଅନୁଯାୟୀ ମୋତେ ଦୁଇ ବର୍ଷ ପାଇଁ ଜେଲ ପଠାଇବାକୁ ପ୍ରସ୍ତୁତି କରାଯାଉଛି। ମୁଁ ଏଥିପାଇଁ ପ୍ରସ୍ତୁତ। କିନ୍ତୁ ମନେରଖନ୍ତୁ, ଜେଲରେ ସୋନମ ୱାଙ୍ଗଚୁକ ବାହାରେ ୱାଙ୍ଗଚୁକ ଅପେକ୍ଷା ସରକାରଙ୍କୁ ଅଧିକ ଅସୁବିଧାରେ ପକାଇବେ।
ୱାଙ୍ଗଚୁକ କହିଛନ୍ତି ଯେ ହିଂସାର ମୂଳ ଯୁବପିଢ଼ିଙ୍କ କ୍ରୋଧ ଏବଂ ଦୀର୍ଘ ଦିନ ଧରି ଅଣଦେଖା କରାଯାଇଥିବା ଦାବିରେ ରହିଛି। ସେ କହିଛନ୍ତି ଯେ ଛଅ ବର୍ଷର ବେକାରୀ ଏବଂ ଅପୂର୍ଣ୍ଣ ପ୍ରତିଶ୍ରୁତି ଯୁବପିଢ଼ିଙ୍କ ଧଯ୍ୟକୁ ସମାହିତ କରିଛି। ସରକାର ଆଂଶିକ ସଂରକ୍ଷଣର ପ୍ରଦର୍ଶନ କରୁଛି, ଯେତେବେଳେ ରାଜ୍ୟ ମାନ୍ୟତା ଏବଂ ଷଷ୍ଠ ଅନୁସୂଚୀର ବିସ୍ତାରର ପ୍ରକୃତ ଦାବି ଅପୂର୍ଣ୍ଣ ରହିଛି। ସେ ଅଭିଯୋଗ କରିଛନ୍ତି ଯେ ସରକାର ପ୍ରକୃତ ପ୍ରସଙ୍ଗରୁ ଧ୍ୟାନ ହଟାଇବା ପାଇଁ ରାଜନୀତିକୁ ଦୋଷ ଦେବାର ଆଶ୍ରୟ ନେଉଛନ୍ତି। ଏହି ପଦକ୍ଷେପ ଶାନ୍ତି ପାଇଁ ପଥ ପ୍ରଶସ୍ତ କରିନଥିଲା, ବରଂ ପରିସ୍ଥିତିକୁ ଆହୁରି ତୀବ୍ର କରିଥିଲା।
ବୁଧବାର, ଲେହରେ ରାଜ୍ୟ ମାନ୍ୟତା ଦାବିରେ ଆନ୍ଦୋଳନ ହିଂସାତ୍ମକ ହୋଇଗଲା। ପଥର ଫିଙ୍ଗାଳି, ପୋଡ଼ାଜଳା ଏବଂ ଭଙ୍ଗାରୁଜା ମଧ୍ୟରେ ଚାରି ଜଣଙ୍କର ମୃତ୍ୟୁ ହୋଇଥିଲା ଏବଂ ୪୦ ଜଣ ପୋଲିସ କର୍ମଚାରୀଙ୍କ ସମେତ ୮୦ ରୁ ଅଧିକ ଆହତ ହୋଇଥିଲେ।
