ଛତ୍ରପୁର,୨୫।୧୦(ଦିଲ୍ଲୀପ ସାମଲ): ସମ୍ଭାବ୍ୟ ବାତ୍ୟା ପାଇଁ ଗଞ୍ଜାମ ଜିଲାରେ ଛୁଟି ବାତିଲ କରାଯାଇଛି। ସରକାରୀ କର୍ମଚାରୀଙ୍କ ଛୁଟି ବାତିଲ କରିଛନ୍ତି ଜିଲାପାଳ। ପରିସ୍ଥିତି ନିଯନ୍ତ୍ରଣାଧୀନ ହେବା ପର୍ଯ୍ୟନ୍ତ ଛୁଟି ବାତିଲ ହୋଇଛି। ଛୁଟିରେ ଥିବା କର୍ମଚାରୀଙ୍କୁ ତୁରନ୍ତ ଯୋଗଦେବାକୁ ନିର୍ଦ୍ଦେଶ ଦିଆଯାଇଛି। ଅଧିକାରୀଙ୍କୁ ନିଜ ନିଜ ମୁଖ୍ୟାଳୟରେ ରହିବାକୁ ମଧ୍ୟ ନିର୍ଦ୍ଦେଶ ହୋଇଛି। ସମ୍ଭାବ୍ୟ ବାତ୍ୟା ‘ମୋନ୍ଥା’ ଲାଗି ଗଞ୍ଜାମ ଜିଲାରେ ପ୍ରବଳରୁ ପ୍ରବଳ ବର୍ଷା ହେବାର ସମ୍ଭାବନା ରହିଥିବାରୁ ସଜାଗ ହୋଇ ରହିବାକୁ ନିର୍ଦ୍ଦେଶ ଦିଆଯାଇଛି।ଏନେଇ ଗଞ୍ଜାମ ଜଲାପାଳଙ୍କ ଓସୱାନ ସମ୍ମିଳନୀ କକ୍ଷରେ ଜିଲାର ଅତିରିକ୍ତ ଜିଲାପାଳ ଡ଼ଃ ପ୍ରମୋଦ କୁମାର ପୃଷ୍ଟିଙ୍କ ଅଧ୍ୟକ୍ଷତାରେ ଏକ ବୈଠକ ଅନୁଷ୍ଠିତ ହୋଇଯାଇଛି। ଏଥିରେ ଆଭାସୀ ମାଧ୍ୟମରେ ଜିଲାର ସମସ୍ତ ଲାଇନ ଡିପାର୍ଟମେଣ୍ଟର ଅଧିକାରୀମାନେ ଯୋଡି ହୋଇଥିଲେ । ଜଲାରେ ଜିରୋ କାଜୁୟାଲିଟି ଉପରେ ଗୁରୁତ୍ୱ ଦିଆଯାଇଛି। ଆସନ୍ତା ୨୫ ତାରିଖରୁ ୩୦ ତାରିଖ ଯାଏଁ କୌଣସି ଅଧିକାରୀ ମୁଖ୍ୟାଳୟ ଛାଡି ନ ଯିବାକୁ ନିର୍ଦେଶ ଦିଆଯାଇଛି ।ଯେଉଁମାନେ ଛୁଟିରେ ଯାଇଛନ୍ତି। ତୁରନ୍ତ କାର୍ଯ୍ୟରେ ଯୋଗଦେବାକୁ କୁହାଯାଇଛି । ଜିଲାରେ ଥିବା ସମୁଦ୍ର କୁଳିଆ ଅଞ୍ଚଳ ଗୁଡିକରେ ମତ୍ସ୍ୟଜୀବି ମାନଙ୍କୁ ସମୁଦ୍ର ମଧ୍ୟକୁ ଯିବାକୁ ବାରଣ କରାଯାଇଛି । ଯେଉଁମାନେ ଯାଇଛନ୍ତି ସେମାନେ ଫେରିବାକୁ କୁହାଯାଇଛି। ଡ଼ଙ୍ଗା ମାଲିକ ହେଉ କିମ୍ବା ଟ୍ରଲର ମାଲିକ ହୁଅନ୍ତୁ ସେମାନେ ମତ୍ସ୍ୟଜୀବୀଙ୍କୁ ସମୁଦ୍ର ମଧ୍ୟକୁ ନ ଯିବାକୁ ବାରଣ କରାଯାଇଛି। ଯଦି ସେମାନେ ଏହି ନିର୍ଦ୍ଦେଶ ନ ମାନନ୍ତି ତେବେ ତାଙ୍କ ଉପରେ ଦୃଢ କାର୍ଯ୍ୟାନୁଷ୍ଠାନ ନିଆଯିବା ଲାଗି ଅତିରିକ୍ତ ଜିଲାପାଳ କହିଛନ୍ତି। ଜିଲାରେ ଥିବା ୧୧୦ଟି ବହୁମୁଖୀ ବାତ୍ୟା / ବନ୍ୟା ଆଶ୍ରୟସ୍ଥଳୀ ଏବଂ ସ୍କୁଲ ଗୁଡିକୁ ପ୍ରସ୍ତୁତ କରି ରଖିବା ସହ ସେଠାରେ ବୈଠକ କରି ଲୋକଙ୍କୁ ସଚେତନ କରିବା ପାଇଁ ଅତିରିକ୍ତ ଜିଲାପାଳ ପୃଷ୍ଟି ନିର୍ଦେଶ ଦେଇଛନ୍ତି l ବ୍ଲକ ଓ ଜିଲା ସ୍ତରୀୟ କଣ୍ଟ୍ରୋଲ ରୁମ ଖୋଲାଯାଇଛି। ପ୍ରତି ପଞ୍ଚାୟତ ଓ ସହରାଞ୍ଚଳ ଜଣ ପ୍ରତିନିଧି ମାନଙ୍କୁ ନେଇ ଏକ ହାଟ୍ସଆପ ଗ୍ରୁପ କରିବାକୁ କୁହାଯାଇଛି। ଅଗ୍ନିଶମ ବିଭାଗ ଓ ଓଡ୍ରାଫ ସମେତ ସମସ୍ତ ଲାଇନ ବିଭାଗ ସଜାଗ ରହିବାକୁ କୁହାଯାଇଛି । ବର୍ଷା ଅଧିକ ଆଶଙ୍କା ଥିବାରୁ କଳିଙ୍ଗ ଘାଟି ଉପରେ ଅଧିକ ଫୋକସ ରଖିବାକୁ କୁହାଯାଇଛି । ଉପକୂଳ ବର୍ତ୍ତି ଅଞ୍ଚଳରେ ପଞ୍ଚାୟତବାରି ନୋଡାଲ ଅଫିସର ନିଯୁକ୍ତି କରାଯାଇଛି। ବନ୍ୟା ପ୍ରବଣ ଅଞ୍ଚଳକୁ ଚିହ୍ନଟ କରାଯାଇଛି। ଆବଶ୍ୟକ ହେଲେ ଲୋକଙ୍କୁ ସୁରକ୍ଷିତ ସ୍ଥାନକୁ ସ୍ଥାନାନ୍ତର କରାଯିବା ପାଇଁ ବୈଠକରେ ନିଷ୍ପତ୍ତି ନିଆଯାଇଛି। ଏହା ସହିତ ଗର୍ଭବତୀ ମହିଳା ମାନଙ୍କୁ ଦରକାର ପଡିଲେ ସୁରକ୍ଷିତ ସ୍ଥାନକୁ ସ୍ଥାନାନ୍ତର କରାଯିବ, ତଳିଆ ଅଞ୍ଚଳରେ ରହୁଥିବା ଲୋକ ମାନଙ୍କୁ ଆବଶ୍ୟକ ପଡିଲେ କିପରି ସ୍ଥାନାନ୍ତର କରାଯିବ। ଶୁଖିଲା ଏବଂ ରନ୍ଧା ଖାଦ୍ୟ କିପରି ମହଜୁଦ ରହିବ, ଏହା ସହିତ ସମସ୍ତ ବିଭଗୀୟ ଅଧିକାରୀ କିପରି ନିଜ ବିଭାଗ ଅନୁସାରେ ସଠିକ କାର୍ଯ୍ୟ କରିବେ ସେଥିପାଇଁ କୁହାଯାଇଛି। ଏହି ବୈଠକରେ ଅତିରିକ୍ତ ଜିଲାପାଳ ଦେବଦତ୍ତ ପଣ୍ଡା, ଛତ୍ରପୁର ଉପଜଲାପାଳ ଶିବାଶିଷ ବରାଳ, ଜିଲାଜରୁରୀ କାଳୀନ ଅଧିକାରୀ ଅଭିଷେକ ସାହୁଙ୍କ ସମେତ ସମସ୍ତ ବିଭାଗୀୟ ଅଧିକାରୀମାନେ ଉପସ୍ଥିତଥିଲେ।
