ରସୁଲପୁର,୧୦ା୬(ଡି.ଏନ୍.ଏ.): ଯାଜପୁର ଜିଲା ରସୁଲପୁର ବ୍ଲକ ଏକ କୃଷିପ୍ରଧାନ ଅଞ୍ଚଳ ା ସ୍ଥାନୀୟ ଚାଷୀମାନେ ପାରମ୍ପରିକ ଢଙ୍ଗରେ ଚାଷ କରିଥାଆନ୍ତି ା ଚଳିତ ବର୍ଷ ଖରିଫ ଋତୁ(ଜୁନ୍ରୁ ସେପ୍ଟେମ୍ବର) ମଧ୍ୟରେ ଧାନଚାଷ ଆରମ୍ଭ କରିଛନ୍ତି ା ଚାଷ ପାଇଁ ପାଣିପାଗ ଅନୁକୂଳ ନ ଥାଇ ସୁଦ୍ଧା ଚାଷୀକୁଳ କାଳବୈଶାଖୀ ବର୍ଷାକୁ ଭରସାକରି ଧାନ ବୁଣାବୁଣି କାମ ଆଗେଇ ନେଇଥିଲେ ା ବର୍ଷାର ସ୍ବଳ୍ପତା ଓ ପ୍ରଚଣ୍ଡ ରୌଦ୍ରତାପ ଯୋଗୁ ଚାଷୀକୁଳକୁ ଗଜା ମରୁଡ଼ି ଆଶଙ୍କା ଘାରିଛି ା ତେଣେ ମୌସୁମୀଜନିତ ବର୍ଷାର ସମ୍ଭାବନା ବିଳମ୍ବ ହେଉଛି ା ଏଥର ମୌସୁମୀ ବିଳମ୍ବରେ ଓଡ଼ିଶା ଛୁଇଁବ ବୋଲି ପାଣିପାଗ ବିଶେଷଜ୍ଞମାନେ ପୂର୍ବାନୁମାନ କରିବାରୁ ଏହା ଚାଷୀ ପାଇଁ ଚିନ୍ତାର କାରଣ ସାଜିଛି ା ଆସନ୍ତା ୧/୨ ସପ୍ତାହ ମଧ୍ୟରେ ବର୍ଷା ହେବା ସମ୍ଭାବନା କ୍ଷୀଣ ଥିବାରୁ ଚାଷୀକୁଳ ମୂଲ୍ୟବାନ୍ ଧାନ ବିହନକୁ ମାଟିରେ ମିଶାଇବାକୁ ଚାହୁଁନାହିଁ ା ପରିବର୍ତ୍ତିତ ପାଣିପାଗ ଚାଷୀମାନଙ୍କ ପାଇଁ ଦାଉ ସାଧୁଛି ବୋଲି ପୁରୁଖା ଚାଷୀମାନେ ମତପୋଷଣ କରୁଛନ୍ତି ା
ସୂଚନା ଅନୁଯାୟୀ, ବ୍ଲକ ଅଞ୍ଚଳରେ ପ୍ରାୟ ୧୦ହଜାର ହେକ୍ଟରରୁ ଊର୍ଦ୍ଧ୍ୱ ଚାଷଜମି ରହିଛି ା ସେଥିମଧ୍ୟରୁ ହାରାହାରି ୬ହଜାର ହେକ୍ଟରରୁ ଅଧିକ ଜମିରେ ଧାନଚାଷ କରାଯାଉଛି ା ଧାନକ୍ଷେତର ଶତକଡା ୮୦ ଭାଗ ଚାଷଜମିରେ ସ୍ବଳ୍ପମିଆଦି(ବିଅଳି)ଧାନ ଚାଷ ହେଉଛି ା ବଳକା ୨୦ ଶତକଡା ଖାଲୁଆ ଜମିରେ ଦୀର୍ଘମିଆଦି(ଶାରଦ) ଧାନ ଚାଷ କରାଯାଉଛି ା ବିଅଳି ଚାଷ ଜୁନ୍ ମାସରେ ଆରମ୍ଭହୋଇ ଅକ୍ଟୋବରରେ ଶେଷ ହୋଇଥାଏ ା ଚାଷୀ କ୍ଷେତକୁ ଖରାଟିଆ ଚାଷକରି ବିହନ ବୁଣିବାଯୋଗ୍ୟ କରି ରଖିଛି ା ଏବେ ଜୁନ୍ ଦ୍ୱିତୀୟ ସପ୍ତାହ ହୋଇ ସୁଦ୍ଧା ଅର୍ଦ୍ଧାଧିକ ଚାଷଜମିକୁ ଧାନ ବିହନ ଯାଇପାରିନାହିଁ ା ଏହାପଛର କାରଣ ହେଉଛି ସରକାରୀ ଭାବେ ଚାଷୀମାନଙ୍କ ଲାଗି ଆବଶ୍ୟକ ଉନ୍ନତ କିସମର ବିହନ ସମବାୟ ସମିତି, ଲାଇସେନ୍ସପ୍ରାପ୍ତ ଡିଲର, ବିହନ ନିଗମ, ଖୋଲା ବଜାର ଆଦି କୌଣସି ସ୍ଥାନରେ ଉପଲବ୍ଧ ହେଉନାହିଁ ା ଏହାଛଡ଼ା ଚାଷୀମାନେ ଘରୋଇ ଭାବେ ସଂରକ୍ଷିତ କରି ରଖିଥିବା ଉନ୍ନତମାନର ବିହନ କ୍ଷେତକୁ ନେବାକୁ ପଛଘୁଞ୍ଚା ଦେଉଛନ୍ତି ା ଏହା ପଛର କାରଣ ହେଉଛି ପାଣିପାଗରେ ଅନିଶ୍ଚିତତା ା କ୍ଷେତରେ ବୁଣି ଗଜା ମରୁଡ଼ି ହୋଇଗଲେ ବିହନ ସରିଯିବା କାରଣରୁ ଜମି ପଡ଼ିଆ ପଡ଼ିବ ା ତେଣେ ବିହନ ବୁଣିବାରେ ବିଳମ୍ବ ହେଲେ ଏହି ଅଞ୍ଚଳର ଅଧିକାଂଶ ଚାଷୀ ଧାନ ଚାଷ କରିବାକୁ ଅରାଜି ହେବେ ା ଏହି ଆଳରେ ଶତାଧିକ ହେକ୍ଟର ଚାଷଜମି ପଡ଼ିଆ ପଡ଼ିବ ା ସ୍ବଳ୍ପମିଆଦି ଧାନଚାଷ ହେଉଥିବା ଜମିର ଉର୍ବରତାକୁ ଦୃଷ୍ଟି ଦେଇ ଚାଷୀମାନେ ଏହି କିସମର ଜମିରେ ଦୁଇରୁ ତିନିପ୍ରକାର ଫସଲ କରି ଲାଭବାନ୍ ହୋଇଥାଆନ୍ତି ା ଧାନଚାଷରେ ବିଳମ୍ବ ହେଲେ ରବିଋତୁରେ ପରିବା ଚାଷ ବିଳମ୍ବ ହେବ ା ଆଗୁଆ ପରିବା ଚାଷକୁ ଗୁରୁତ୍ୱ ଦେଇ ଚାଷୀକୁଳ ଧାନଚାଷକୁ ପ୍ରତ୍ୟାଖ୍ୟାନ କରିବାକୁ ପଛାଇବ ନାହିଁ ା ଏହାପଛର କାରଣ ସଅଳ କିସମ ପନିପରିବା ଚାଷକୁ ଚାଷୀମାନେ ଏକ ଲାଭଜନକ ଫସଲ ଭାବେ ଗ୍ରହଣ କରିଥାଆନ୍ତି ା ଏହି ଆଳରେ ଜୁନ୍ ସୁଦ୍ଧା କ୍ଷେତରେ ଧାନ ବୁଣାଯାଇ ନ ପାରିଲେ ଉକ୍ତ ଜମିଗୁଡ଼ିକ ପଡ଼ିଆ ପକାଇ ପରିବା ଚାଷ ପାଇଁ ଚାଷୀମାନେ କ୍ଷେତକୁ ପ୍ରସ୍ତୁତ କରିବାକୁ ସୁଯୋଗ ପାଇବେ ବୋଲି ଅଗ୍ରଣୀ ପରିବା ଚାଷୀମାନେ ମତବ୍ୟକ୍ତ କରିଛନ୍ତି ା ଧାନଚାଷ ହେଲେ ମାଟି ଉର୍ବର ହୋଇଥାଏ ା ଧାନଗଛ ନଡ଼ା ମାଟିରେ ପଚି ଖତରେ ପରିଣତ ହୋଇଥାଏ, ଯାହା ପରିବା ଚାଷ ପାଇଁ ଉପକାରୀ ହୋଇଥାଏ। ଧାନଚାଷରୁ ଚାଷୀକୁ ବର୍ଷକର ଭାତ ସମସ୍ୟା ଦୂର ହେବା ସହ ପରିବା ଚାଷ ଚାଷୀକୁଳକୁ ସମୃଦ୍ଧ କରିଥାଏ ବୋଲି ଚାଷୀ ଯୁକ୍ତି ବାଢ଼ିଛନ୍ତି ା ହେଲେ ପରିବର୍ତ୍ତିତ ପାଣିପାଗ ଚାଷୀ ହାତରୁ ଏଭଳି ସୁଯୋଗ ଛଡ଼ାଇ ନେଉଛି ା ଏହାଛଡ଼ା ବର୍ଷାର ଲୁଚକାଳି ଖେଳ ଓ ପ୍ରଚଣ୍ଡ ରୌଦ୍ରତାପ କାରଣରୁ ଧାନଚାଷ ପ୍ରଭାବିତ ହେବ ବୋଲି ଅଗ୍ରଣୀ ଚାଷୀ ଆତୁଳ ମଳିକ, କେଦାର ଦେଓ, ସଞ୍ଜୟ ରାଉତ, କୈଳାସ ରାଉତ ପ୍ରମୁଖ ମତବ୍ୟକ୍ତ କରିଛନ୍ତି ା
