ପାଟନା,୩୦।୩: ପାଟନାର ଉପମୁଖ୍ୟମନ୍ତ୍ରୀ ତେଜସ୍ବୀ ଯାଦବ ନିକଟରେ ବାପା ହୋଇଛନ୍ତି। ତାଙ୍କ ସ୍ତ୍ରୀ ରାଜଶ୍ରୀ ଯାଦବ ସୋମବାର ଏକ ଶିଶୁ କନ୍ୟାକୁ ଜନ୍ମ ଦେଇଛନ୍ତି। ଜନ୍ମ ପରଠାରୁ ତେଜସ୍ବୀ ଝିଅର ନାମକୁ ନେଇ ଚର୍ଚ୍ଚା ଲାଗିରହିଥିଲା। ତେବେ ଗୁରୁବାର ତେଜସ୍ବୀ ଟୁଇଟ୍ କରି ଝିଅର ନାମ ସମ୍ପର୍କରେ ସୂଚନା ଦେଇଛନ୍ତି। ସେ କହିଛନ୍ତି ଯେ, ତାଙ୍କ ଝିଅର ନାମ ଆରଜେଡି ସୁପ୍ରିମୋ ଲାଲୁ ଯାଦବ ରଖିଛନ୍ତି। ଲାଲୁ ଯାଦବ ନାତୁଣୀଙ୍କ ନାମ କାତ୍ୟାୟାନି ରଖିଥିବା ଜଣାପଡିଛି।
ଟୁଇଟ କରି ତେଜସ୍ବୀ କହିଛନ୍ତି, ଆପଣ ସମସ୍ତଙ୍କ ଭଲ ପାଇବା, ଆଶୀର୍ବାଦ, ଶୁଭେଚ୍ଛା ଆମ ଖୁସିକୁ ଦ୍ୱିଗୁଣିତ କରିଦେଇଛି। ହୃଦୟରୁ ମୋର ସମସ୍ତଙ୍କୁ ଅନେକ ଅନେକ ଧନ୍ୟବାଦ ଓ କୃତଜ୍ଞତା। ଜେଜେବାପା ଲାଲୁ ପ୍ରସାଦ ଯାଦବ ଝିଅର କାତ୍ୟାୟାନି ରଖିଛନ୍ତି।
