ବଲିଉଡ ଅଭିନେତ୍ରୀ ସୁସ୍ମିତା ସେନ ପୁଣିଥରେ ତାଙ୍କ ପ୍ରେମ ଜୀବନକୁ ନେଇ ଚର୍ଚ୍ଚାକୁ ଆସିଛନ୍ତି। ରୋହିତମ ଶଲଙ୍କ ସହ ବ୍ରେକଅପ ପରେ ଏବେ ଆଇପିଏଲ୍ର ଜନକ କୁହାଯାଉଥିବା ଥିବା ଲଳିତ ମୋଦିଙ୍କ ପ୍ରେମରେ ପଡିଛନ୍ତି ସୁସ୍ମିତା। ଏନେଇ ଲଲିତ ଏନେଇ ଟୁଇଟର୍ରେ ଫଟୋ ଶେୟାର କରି ସୂଚନା ଦେଇଛନ୍ତି।
ଲଲିତ ଦୁଇଟି ଟୁଇଟ୍ କରିଛନ୍ତି। ପ୍ରଥମ ଟୁଇଟ୍ରେ ସେ ଏକ ସୁନ୍ଦର କ୍ୟାପସନ ଲେଖି ସୁସ୍ମିତାଙ୍କୁ ନିଜର ‘ବେଟର୍ ହାଫ୍’ ବୋଲି କହିଛନ୍ତି। ଲଲିତ ଲେଖିଛନ୍ତି, ‘ପରିବାର ସହିତ ମାଲଦ୍ୱୀପ ଯାତ୍ରା ଶେଷ କରିବା ପରେ ଲଣ୍ଡନକୁ ଫେରିଛି। ମୋର ‘ବେଟର୍ ହାଫ୍’ ସୁସ୍ମିତା ସେନ ସହିତ ଏକ ନୂତନ ଆରମ୍ଭ .. ଶେଷରେ ଏକ ନୂତନ ଜୀବନ। ଆଜି ମୁଁ ଜହ୍ନ ଉପରେ ଅଛି।
ଲଲିତଙ୍କ ଏହି ଟୁଇଟ୍ ସୋସିଆଲ ମିଡିଆରେ ଭାଇରାଲ ହୋଇଥିଲା ଏବଂ ଲୋକମାନେ ଅନୁମାନ କରିଥିଲେ ଯେ ଦୁହେଁ ବିବାହ କରିଛନ୍ତି। ତେବେ ଏହି ଟୁଇଟ୍ର ୪୨ ମିନିଟ୍ ପରେ ଲଲିତ ଆଉ ଏକ ଟୁଇଟ୍ରେ ସ୍ପଷ୍ଟ କରିଛନ୍ତି ଯେ ସେ ବିବାହ କରିନାହାଁନ୍ତି, କିନ୍ତୁ କେବଳ ପରସ୍ପରକୁ ଡେଟ କରୁଛନ୍ତି। ଦିନେ ଏହା ମଧ୍ୟ ଘଟିବ।
ଲଲିତ ମୋଦିଙ୍କ ପୂର୍ବରୁ ସୁସ୍ମିତା ସେନ ମଡେଲ ରୋହମାନ ଶଲଙ୍କୁ ଡେଟ କରୁଥିଲେ। ତେବେ କିଛି ମାସ ପୂର୍ବରୁ ସୁସ୍ମିତା ରୋହମାନଙ୍କ ସହ ବ୍ରେକ୍ଅପ୍ ନେଇ ନିଜ ଇନଷ୍ଟାଗ୍ରାମରେ ଘୋଷଣା କରିଥିଲେ।
ଲଲିତ ମୋଦି ଜଣେ ପ୍ରସିଦ୍ଧ ବ୍ୟବସାୟୀ। ୨୦୦୭ରେ ତାଙ୍କ ନାମ ସର୍ବାଧିକ ଚର୍ଚ୍ଚିତ ବିଷୟ ପାଲଟିଥିଲା। କାରଣ ଏହା ହେଉଛି ସେ ବିଶ୍ୱର ସବୁଠୁ ବଡ କ୍ରିକେଟ ଲିଗ ଆଇପିଏଲର ଶୁଭାରମ୍ଭ କରିଥିଲେ। ଲଲିତ ବିସିସିଆଇ ସାମ୍ନାରେ ଆଇପିଏଲ ପ୍ରସ୍ତାବ ଦେଇଥିଲେ ଏବଂ ୨୦୦୮ରେ ନିଜେ ଏହି ଲିଗ ଆରମ୍ଭ କରିଥିଲେ। ଆଇପିଏଲର ପ୍ରଥମ ଦୁଇଟି ସିଜିନରେ ଏହି ଟୁର୍ନାମେଣ୍ଟ ଯଥେଷ୍ଟ ସଫଳ ହୋଇଥିଲା। ୨୦୧୦ରେ, ଦୁଇଟି ନୂତନ ଦଳ କୋଚି ଏବଂ ପୁଣେ ୱାରିୟର୍ସ ଲିଗର ଏକ ଅଂଶ ହୋଇଥିଲେ। ତତ୍କାଳୀନ ଆଇପିଏଲ ଗଭର୍ନର ଭାବରେ ଲଲିତଙ୍କ ନେତୃତ୍ୱରେ କୋଚି ଦଳ କିଣିବା ପାଇଁ ଟେଣ୍ଡର, ନିଲାମରେ ଅନେକ ଅଶାନ୍ତି ଦେଖାଦେଇଥିଲା। ତାଙ୍କ ପଦର ଫାଇଦା ନେବା ଅଭିଯୋଗରେ ଭାରତୀୟ କ୍ରିକେଟ ବୋର୍ଡ ଅଫ କ୍ରିକେଟ ଲଲିତ ମୋଦିଙ୍କୁ ଏହି ପଦବୀରୁ ହଟାଇଥିଲା ବିସିସିଆଇ। ଏହି ସମୟରେ ଇଡି ନଜରକୁ ଆସିଥିଲେ ଲଳିତ। କିନ୍ତୁ ସେତେବେଳକୁ ସେ ଦେଶ ଛାଡି ଲଣ୍ଡନ ପଳାଇଥିଲେ ଏବଂ ଏବେ ମଧ୍ୟ ସେ ପଳାତକ ଭାବରେ ଜଣାଶୁଣା। ତାଙ୍କୁ ଭାରତ ଆଣିବା ପାଇଁ ଇଡି ଅନେକ ଥର ଚେଷ୍ଟା କରି ସୁଦ୍ଧ ବିଫଳ ହୋଇଛି।
