ନୂଆଦିଲ୍ଲୀ,୮।୧୧: ଭାରତୀୟ ଜନତା ପାର୍ଟି(ଭାଜପା)ର ବରିଷ୍ଠ ନେତା, ପୂର୍ବତନ ଅଧ୍ୟକ୍ଷ ତଥା ପୂର୍ବତନ ଉପପ୍ରଧାନମନ୍ତ୍ରୀ ଲାଲକୃଷ୍ଣ ଆଡଭାଣୀ ବୁଧବାର ୯୬ ବର୍ଷରେ ପାଦ ରଖିଛନ୍ତି। ଏହି ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ତାଙ୍କ ବାସଭବନରେ ପହଞ୍ଚି ଆଡଭାଣୀଙ୍କୁ ଜନ୍ମଦିନର ଶୁଭେଚ୍ଛା ଜଣାଇଛନ୍ତି। ଆଡଭାଣୀ ସଚ୍ଚୋଟତା ଏବଂ ପ୍ରତିବଦ୍ଧତାର ପ୍ରତୀକ। ତାଙ୍କର ଦୂରଦର୍ଶି ନେତୃତ୍ୱ ରାଷ୍ଟ୍ରୀୟ ପ୍ରଗତି ଏବଂ ଏକତା ବଢ଼ାଇବା ଦିଗରେ ପ୍ରମୁଖ ଯୋଗଦାନ ଦେଇଛି ବୋଲି ମୋଦି କହିଛନ୍ତି। ତେବେ ପ୍ରଧାନମନ୍ତ୍ରୀଙ୍କ ସହ ଗୃହମନ୍ତ୍ରୀ ଅମିତ ଶାହା, ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ, ଜେପି ନଡ୍ଡା ପ୍ରମୁଖ ମଧ୍ୟ ସେଠାରେ ଉପସ୍ଥିତ ଥିଲେ।
ଆଡଭାଣୀଙ୍କ ସହ ଭେଟକୁ ନେଇ ପ୍ରଧାନମନ୍ତ୍ରୀ ମୋଦି ନିଜର ‘ଏକ୍ସ’ ହ୍ୟାଣ୍ଡେଲରେ ଫଟୋ ଶେୟାର କରି କହିଛନ୍ତି, ଲାଲକୃଷ୍ଣ ଆଡଭାଣୀଙ୍କୁ ଜନ୍ମଦିନର ଶୁଭେଚ୍ଛା। ସେ ସଚ୍ଚୋଟତା ଏବଂ ପ୍ରତିବଦ୍ଧତାର ପ୍ରତୀକ। ତାଙ୍କର ଦୂରଦର୍ଶି ନେତୃତ୍ୱ ରାଷ୍ଟ୍ରୀୟ ପ୍ରଗତି ଏବଂ ଏକତା ବଢ଼ାଇବା ଦିଗରେ ପ୍ରମୁଖ ଯୋଗଦାନ ଦେଇଛି, ଯାହାଫଳରେ ଆମ ଦେଶ ମଜଭୂତ ହୋଇଛି। ମୁଁ ତାଙ୍କର ଉତ୍ତମ ସ୍ବାସ୍ଥ୍ୟ ଏବଂ ଦୀର୍ଘାୟୁର କାମନା କରୁଛି। ’
#WATCH | Delhi | Prime Minister Narendra Modi met and extended birthday greetings to veteran BJP leader LK Advani at his residence today. pic.twitter.com/eog1N9KpuR
— ANI (@ANI) November 8, 2023
