ତିନି ବର୍ଷ ଧରି ପରସ୍ପରକୁ ଡେଟ୍ କରିବା ପରେ ଅଭିନେତ୍ରୀ କିଆରା ଆଡଭାନୀ ଏବଂ ସିଦ୍ଧାର୍ଥ ମାଲହୋତ୍ରା ଶେଷରେ ଫେବୃଆରୀ ୭ରେ ବିବାହ କରିବାକୁ ଯାଉଛନ୍ତି। ରାଜସ୍ଥାନର ଜୈସଲମେରର ଏକ ପ୍ୟାଲେସରେ ଆୟୋଜିତ ହେବାକୁ ଥିବା ଏହି ବିବାହ ଉତ୍ସବରେ ଯୋଗଦେବା ପାଇଁ ବଲିଉଡର ଅନେକ ସେଲିବ୍ରିଟି ସେଠାରେ ପହଞ୍ଚିଛନ୍ତି। ଫିଲ୍ମ ‘ଶେର୍ ଶାହା’ର ଶୁଟିଂ ସମୟରେ କିଆରା ଏବଂ ସିଦ୍ଧାର୍ଥ ପରସ୍ପରର ନିକଟତର ହୋଇଥିଲେ। ଏହାପରେ ଉଭୟଙ୍କ ମଧ୍ୟରେ ପ୍ରେମ ସମ୍ପର୍କ ଆରମ୍ଭ ହୋଇଥିଲା।
କିଆରା ୨୦୧୪ରେ ଫିଲ୍ମ ‘ଫୁଗ୍ଲି’ ମାଧ୍ୟମରେ ହିନ୍ଦୀ ସିନେମା ଜଗତରେ ପାଦ ଦେଇଥିଲେ, ଏହି ଫିଲ୍ମଟି ବିଶେଷ ସଫଳ ହୋଇ ନ ଥିଲା। ‘ଏମଏସ ଧୋନୀ ଦ ଅନଟୋଲ୍ଡ ଷ୍ଟୋରୀ’ ସହିତ କିଆରା ଆଡଭାନି ସଫଳତା ପାଇଲେ। ‘କବୀର ସିଂ’, ‘ଶେର୍ ଶାହା’, ‘ଗୁଡ ନ୍ୟୁଜ’, ‘ଭୁଲ ଭୁଲେୟା ୨’, ‘ଜୁଗ ଜୁଗ ଜିଓ’ ଭଳି ଅନେକ ହିଟ୍ ଫିଲ୍ମରେ କାମ କରିଥିବା କିଆରା ଆଡଭାନୀ ଗୋଟିଏ ଫିଲ୍ମ ପାଇଁ ଚାରି ରୁ ପାଞ୍ଚ କୋଟି ଟଙ୍କା ନିଅନ୍ତି। କିଆରା ମୋହେ, ସେନକୋ ଗୋଲ୍ଡ ଏବଂ ଡାଏମଣ୍ଡ, ପ୍ରିୟାଗୋଲ୍ଡ, କୋଲଗେଟ, ପଣ୍ଡସ୍ ଭଳି ବଡ଼ ବ୍ରାଣ୍ଡକୁ ପ୍ରମୋଶନ କରନ୍ତି। ସେ ଗୋଟିଏ ବ୍ରାଣ୍ଡ ପାଇଁ ଦୁଇରୁ ତିନି କୋଟି ଚାର୍ଜ କରନ୍ତି। କିଆରା ଆଡଭାନୀଙ୍କ ମୋଟ ନିଟ ମୂଲ୍ୟ ପ୍ରାୟ ୩୦ କୋଟି ଟଙ୍କା।
କିଆରା ବିଳାସପୂର୍ଣ୍ଣ ଯାନକୁ ଭଲ ପାଆନ୍ତି। ସେ ପ୍ରାୟତଃ ମର୍ସିଡିଜ ବେଞ୍ଜ ଇ୨୨୦ଡିରେ ଦେଖାଯାନ୍ତି, ଯାହାର ମୂଲ୍ୟ ୭୧.୯୫ ଲକ୍ଷ। ଏହା ବ୍ୟତୀତ ସେ ଅଡି ଏ୮ଏଲର ମାଲିକ, ଯାହାର ମୂଲ୍ୟ ୧.୫୬ କୋଟି। ମୁମ୍ବାଇରେ କିଆରାଙ୍କ ଏକ ବିଳାସପୂର୍ଣ୍ଣ ଆପାର୍ଟମେଣ୍ଟର ଅଛି, ଯାହାର ମୂଲ୍ୟ ପ୍ରାୟ ୧୫ କୋଟି ବୋଲି କୁହାଯାଉଛି।
