ସିଡନୀ,୩୦।୧୧: ଅଷ୍ଟ୍ରେଲିଆଠାରୁ କ୍ରମାଗତ ଦୁଇଟି ମ୍ୟାଚ ପରାସ୍ତ ହୋଇ ଭାରତୀୟ ଦଳ ସିରିଜ୍ ୨-୦ରେ ହାରିଛି । ଏବେ ଡିସେମ୍ବର ୨ରେ ସେ ସମ୍ମାନ ବଞ୍ଚାଇବା ପାଇଁ କାନବେରାରେ ତୃତୀୟ ଦିନିକିଆ ମ୍ୟାଚ୍ ଖେଳିବ। ଅଷ୍ଟ୍ରେଲିଆ ପ୍ରତ୍ୟେକ କ୍ଷେତ୍ରରେ ଭାରତୀୟ ଦଳକୁ ପରାସ୍ତ କରିଛି। ଭାରତୀୟ ବୋଲରମାନେ ନିରାଶ କରିଛନ୍ତି। ଗତ କିଛି ବର୍ଷ ମଧ୍ୟରେ ଭାରତୀୟ ଦଳର ଏଭଳି ପ୍ରଦର୍ଶନ ଦେଖବବାକୁ ମିଳି ନ ଥିଲା। ଜାଡେଜାଙ୍କ ପରି ବିଶ୍ୱ ସ୍ତରୀୟ ଫିଲ୍ଡର ସହଜ କ୍ୟାଚ ଛାଡୁଛନ୍ତି। ଏହା ଫଳରେ ସ୍କୋରବୋର୍ଡରେ ଅଷ୍ଟ୍ରେଲିଆ ୩୫୦ରୁ ଅଧିକ ରନ୍ କରୁଛି। ଏଭଳି ଖରାପ ଫିଲ୍ଡିଂ ପାଇଁ ଦଳ ସବୁଆଡେ ସମାଲୋଚିତ ହେଉଛି। ଏବେ ଦଳର ଖରାପ ଫିଲ୍ଡିଂ ପଛରେ ଷ୍ଟାଡିୟମରେ ଦର୍ଶକଙ୍କ ଉପସ୍ଥିତିକୁ ଦାୟୀ କରିଛନ୍ତି ଉପଅଧିନାୟକ କେ.ଏଲ ରାହୁଲ। ରାହୁଲ କହିଛନ୍ତି, ଦୀର୍ଘ ସମୟ ପରେ ଦର୍ଶକଙ୍କ ସାମ୍ନାରେ ଖେଳିବା ଖେଳ ଉପରେ ପ୍ରଭାବ ପକାଉଛି। ମୁଁ ଏହାର ସଠିକ କାରଣ ଦେଇପାରିବି ନାହଁି।ବେଳେବେଳେ ଏହା ଘଟେ ଏବଂ କ୍ୟାଚ ମିସ ହୁଏ, କିନ୍ତୁ ବଲ ଦର୍ଶକଙ୍କ ଆଡକୁ ଗଲାବେଳେ ଟିକେ କଷ୍ଟସାଧ୍ୟ ହୋଇଯାଏ।ଦୀର୍ଘ ସମୟ ପରେ ଆମେ ଦର୍ଶକଙ୍କ ସାମ୍ନାରେ ଖେଳୁଛୁ । ଷ୍ଟାଡିୟମରେ ଦର୍ଶକଙ୍କ ପରିସ୍ଥିତି ଯୋଗୁ ବେଳେବେଳେ ଏହା ଘଟେ ବୋଲି ସେ କହିଛନ୍ତି।
