ମୁମ୍ବାଇ,୧୪।୪: ଆଇପିଏଲ ୨୦୨୧ରେ କୋଲକାତା ନାଇଟ ରାଇଡର୍ସ ଦ୍ୱିତୀୟ ମ୍ୟାଚ ରେ ମୁମ୍ବାଇ ଇଣ୍ଡିଆନ୍ସଠାରୁ ପରାଜୟର ସମ୍ମୁଖୀନ ହୋଇଥିଲା। ଏକ ସମୟରେ କେକେଆର୍ ଜିତିବା ନିଶ୍ଚିନ୍ତ ଲାଗୁଥିଲେ ମଧ୍ୟ ଶେଷ ଓଭରରେ ମୁମ୍ବାଇ ଇଣ୍ଡିଆନ୍ସ ବୋଲର ରାହୁଲ ଚହର ପୁରା ମ୍ୟାଚକୁ ଓଲଟାଇ ଦେଇଥିଲେ। ମୁମ୍ବାଇର ୧୫୩ ରନ୍ର ଟାର୍ଗେଟକୁ ପିଛା କରି କେକେଆର୍ ଗୋଟିଏ ସମୟରେ ବିନା ଉଇକେଟ ହରାଇ ୭୨ ରନ ସ୍କୋର କରିଥିଲା। କିନ୍ତୁ ଶୁଭମନ ଗିଲ ୭୨ ରନ୍ରେ ଆଉଟ୍ ହେବା ପରେ ଦଳ ଗୋଟିଏ ପରେ ଗୋଟିଏ ଉଇକେଟ୍ ହରାଇଥିଲା। ଧାର୍ଯ୍ୟ ଓଭରରେ ୭ ଉଇକେଟ ହରାଇ ୧୪୭ ରନ ସ୍କୋର କରିବାରେ ସଫଳ ହୋଇଥିଲା। କୋଲକାତାର ଏହି ପରାଜୟରେ ଦଳର ସହ-ମାଲିକ ବଲିଉଡର କିଙ୍ଗ ଖାନ ଅର୍ଥାତ୍ ଶାହାରୁଖ ଖାନ ଅତ୍ୟନ୍ତ ନିରାଶ ହୋଇଛନ୍ତି ଏବଂ ସେ ସମସ୍ତଙ୍କ ନିକଟରେ କ୍ଷମା ମାଗିଛନ୍ତି। ପରାଜୟ ପରେ ଶାହରୁଖ ଟୁଇଟ୍ କରି କହିଛନ୍ତି, ନିରାଶାଜନକ ପ୍ରଦର୍ଶନ, ମୁଁ କୋଲକାତା ନାଇଟ ରାଇଡର୍ସର ପ୍ରଶଂସକଙ୍କ ନିକଟରେ କ୍ଷମା ମାଗିବାକୁ ଚାହେଁ। କିଙ୍ଗ ଖାନଙ୍କ ଏହି ଟୁଇଟ ଦ୍ୱାରା ସମସ୍ତେ ଆଶ୍ଚର୍ଯ୍ୟ ହୋଇଯାଇଛନ୍ତି, କାରଣ ପ୍ରାୟତଃ କିଙ୍ଗ ଖାନ ଦଳର ଉତ୍ସାହ ବଢାଇବା ନଜର ଆସଥାନ୍ତି। ପରାଜୟ ସତ୍ତ୍ୱେ ସେ ପ୍ରାୟତଃ ଦଳର ଆତ୍ମବିଶ୍ୱାସ ବଢାାଇଥିବାର ଦେଖାଯାଏ।ବୋଧହୁଏ ଏହା ପ୍ରଥମ ଥର ହେବ ଯେ ସେ କେକେଆରଙ୍କ ପରାଜୟରେ ପ୍ରଶଂସକଙ୍କ ନିକଟରେ କ୍ଷମା ପ୍ରାର୍ଥନା କରିଛନ୍ତି।
