ବଲାଙ୍ଗୀର,୨୩।୨(ସୁନୀଲ କୁମାର ମହାନ୍ତି): ବଲାଙ୍ଗୀର ଜିଲା ପୁଇଁତଲା ଥାନା କେଶରକେଲାସ୍ଥିତ ପମ୍ପହାଉସ ନିକଟରେ ସଂଯୁକ୍ତା ମହାନନ୍ଦଙ୍କୁ ହତ୍ୟା କରି ଫିଙ୍ଗି ଦିଆଯାଇଥିଲା। ଘଟଣାରେ ସମ୍ପୃକ୍ତ ହତ୍ୟାକାରୀଙ୍କୁ ପୋଲିସ ଶୁକ୍ରବାର ଗିରଫ କରିଛି।
ଏପରିକି ପୋଲିସ ଗିରଫ ଅଭିଯୁକ୍ତଙ୍କୁ ଘଟଣାସ୍ଥଳକୁ ନେଇ ସିନ୍ ରିକ୍ରିଏଶନ କରାଇଛି। କିଭଳି ଭାବେ ସଂଯୁକ୍ତାଙ୍କୁ ଆଣି ହତ୍ୟା କରିବା ପରେ ପିଙ୍ଗି ଦିଆଯାଇଥିଲା ଅଭିଯୁକ୍ତ ଜଣକ ପୋଲିସ ଆଗରେ ଡେମୋ ଦେଖାଇଥିଲେ। ପୋଲିସ ଏହାର ରେକର୍ଡିଂ କରିଛି। ବଲାଙ୍ଗୀର ସଦର ଏସ୍ଡିପିଓ ପ୍ରଦୀପ କୁମାର ସାହୁ କେଶରକେଲା ପମ୍ପହାଉସ ନିକଟରେ ଘଟିଥିବା ହତ୍ୟାକାଣ୍ଡରେ ସମ୍ପୃକ୍ତ ଅଭିଯୁକ୍ତଙ୍କୁ ଗିରଫ କରି ପୋଲିସ ଅଧିକ ତଦନ୍ତ କରୁଥିବା କହିଛନ୍ତି।
