ନୂଆଦିଲ୍ଲୀ,୧୮।୭: ଭେଟେରାନ କଂଗ୍ରେସ ନେତା ତଥା କେରଳର ପୂର୍ବତନ ମୁଖ୍ୟମନ୍ତ୍ରୀ ଓମେନ ଚାଣ୍ଡିଙ୍କର ମଙ୍ଗଳବାର ପରଲୋକ ହୋଇଛି। ତାଙ୍କ ମୃତ୍ୟୁ ପରେ କେରଳ କଂଗ୍ରେସ ରାଜ୍ୟ ସଭାପତି କେ ସୁଧାକରନ ଦୁଃଖ ପ୍ରକାଶ କରିଛନ୍ତି।
ସେ ଟୁଇଟ୍ କରି ଲେଖିଛନ୍ତି, ଆଜି ସେହି ରାଜାଙ୍କ କାହାଣୀର ଦୁଃଖଦ ଅନ୍ତ, ଯିଏ ନିଜ ପ୍ରେମ ସହିତ ଜଗତକୁ ଜୟ କରିଥିଲେ। ସେ ଆହୁରି ଲେଖିଛନ୍ତି ଯେ ଆଜି ମୁଁ ବହୁତ ଦୁଃଖରେ ଜଣାଇବାକୁ ଚାହୁଁଛି ଯେ ଆମ ସମୟର ଜଣେ ମହାନ ବ୍ୟକ୍ତିତ୍ୱ ଓମେନ ଚାଣ୍ଡିଙ୍କର ଦେହାନ୍ତ ହୋଇଛି।
କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖାର୍ଗେ କହିଛନ୍ତି, କେରଳର ପୂର୍ବତନ ମୁଖ୍ୟମନ୍ତ୍ରୀ ତଥା ଲୋକମାନଙ୍କର ନେତା ଭାବରେ ଛିଡା ହୋଇଥିବା କଂଗ୍ରେସ ନେତା ଓମେନ ଚାଣ୍ଡିଙ୍କୁ ମୋର ନମ୍ର ଶ୍ରଦ୍ଧାଞ୍ଜଳି। ତାଙ୍କର ଅଦମ୍ୟ ପ୍ରତିବଦ୍ଧତା ଏବଂ ଦୂରଦୃଷ୍ଟିସମ୍ପନ୍ନ ନେତୃତ୍ୱ କେରଳର ଅଗ୍ରଗତି ତଥା ଦେଶର ରାଜନୈତିକ ଦୃଶ୍ୟପଟ୍ଟରେ ଏକ ଅବିସ୍ମରଣୀୟ ଚିହ୍ନ ଛାଡିଛି। ସେହିପରି କଂଗ୍ରେସ ଏମ୍ପି ଶଶି ଥରୁର ଟୁଇଟର ଏକ ଫଟୋ ଶେୟାର କରି ଦୁଃଖ ପ୍ରକାଶ କରିଛନ୍ତି।
