ମୁମ୍ବାଇ: କ୍ୟାଟ୍ରିନା କୈଫ, ସିଦ୍ଧାର୍ଥ ଚତୁର୍ବେଦୀ ଓ ଇସାନ ଖଟ୍ଟରଙ୍କ ଅପକମିଂ କମେଡି ଫିଲ୍ମ ‘ଫୋନ ଭୁତ’କୁ ନେଇ ଦର୍ଶକେ ଖୁବ୍ ଏକ୍ସାଇଟେଡ ଅଛନ୍ତି । କିଛିଦିନ ପୂର୍ବରୁ ମେକର୍ସ ଏହାର ପୋଷ୍ଟର ରିଲିଜ କରିଥିବା ବେଳେ ଏବେ ଫିଲ୍ମର ଫାଷ୍ଟ ଲୁକ ପୋଷ୍ଟର ରିଲିଜ କରିବା ସହ ଏହାର ମୋଶନ ପୋଷ୍ଟର ଶୁକ୍ରବାର ରିଲିଜ କରାଯାଇଛି । ଏହାସହ ମେକର୍ସ ସୂଚନା ଦେଇଛନ୍ତି କି ମୁଭି ଚଳିତ ବର୍ଷ ୭ ଅକ୍ଟୋବରରେ ସିଲଭର ସ୍କ୍ରିନରେ ରିଲିଜ କରାଯିବ ।
ସୂଚନା ମୁତାବକ, କ୍ୟାଟ୍ରିନା କୈଫ, ଇସାନ ଖଟ୍ଟର ଓ ସିଦ୍ଧାର୍ଥ ଚତୁର୍ବେଦୀ ପ୍ରଥମ ଥର ବଡ ପରଦାରେ ଏକାଠି ନଜର ଆସୁଛନ୍ତି । ଏହା ସିନେପ୍ରେମୀଙ୍କୁ ଏଣ୍ଟଟେନ କରିବାକୁ ସମ୍ପୂର୍ଣ୍ଣ ଭାବେ ପ୍ରସ୍ତୁତ ହୋଇଗଲାଣି । ଫିଲ୍ମରେ ଜ୍ୟାକି ଶ୍ରଫ, ଶିବା ଚଡ୍ଢା, ନିଧି ବିଷ୍ଟ ସହାୟକ ଭୂମିକାରେ ନଜର ଆସିବେ । ଗୁରମିତ ସିଂଙ୍କ ଦ୍ୱାରା ନିର୍ଦ୍ଦେଶିତ ଏହି ଫିଲ୍ମକୁ ରବି ଶଙ୍କରନ ଓ ଜଶବିନ୍ଦର ସିଂ ବାଥ ଲେଖିଛନ୍ତି । ‘ଫୋନ ଭୁତ’କୁ ରିତେଶ ସିଦ୍ଧୱାନି ଓ ଫରହାନ ଅଖତରଙ୍କ୍ ଏକେ୍ସଲ ଏଣ୍ଟରଟେନମେଣ୍ଟ ବ୍ୟାନରେ ପ୍ରସ୍ତୁତ କରାଯାଇଛି ।
କ୍ୟାଟ୍ରିନାଙ୍କୁ ଶେଷ ଥର ପାଇଁ ଅକ୍ଷୟ କୁମାରଙ୍କ ମୁଭି ‘ସୂର୍ଯ୍ୟବଂଶୀ’ରେ ଦେଖିବାକୁ ମିଳିଥିଲା । ଯାହା ୨୦୨୧ରେ ରିଲିଜ ହୋଇଥିଲା ।
