ବଲିଉଡର ସବୁଠାରୁ ଲୋକପ୍ରିୟ ଦମ୍ପତି କ୍ୟାଟ୍ରିନା କୈଫ ଏବଂ ବିକି କୌଶଳ ଖୁବଶୀଘ୍ର ମାତାପିତା ହେବାକୁ ଯାଉଛନ୍ତି। ଦୀର୍ଘ ଦିନର ଚର୍ଚ୍ଚା ପରେ, ଏହି ଦମ୍ପତି ଶେଷରେ ଏକ ଖୁସି ଖବର ଘୋଷଣା କରିଛନ୍ତି। ଆଲିଆ, ଦୀପିକା ଏବଂ କିଆରାଙ୍କ ପରେ, କ୍ୟାଟ୍ରିନା କୈଫ ମଧ୍ୟ ମା’ ହେବାକୁ ଯାଉଛନ୍ତି। ଉଭୟ ଏକ ସୁନ୍ଦର ଫଟୋ ସହିତ ଗର୍ଭଧାରଣ ଘୋଷଣା କରିଛନ୍ତି।
ବିକି ଏବଂ କ୍ୟାଟ୍ରିନା ଇନଷ୍ଟାଗ୍ରାମରେ ଏକ କଳାଧଳା ଫଟୋ ଶେୟାର କରିଛନ୍ତି। ଏହି ଫଟୋରେ, କ୍ୟାଟ୍ରିନା ଧଳା ଗାଉନରେ ତାଙ୍କ ବେବି ବମ୍ପକୁ ଫ୍ଲଣ୍ଟ କରୁଥିବାର ଦେଖାଯାଉଛି। ବିକି ସାମ୍ନାରେ ବେବି ବମ୍ପ ଧରି ଠିଆ ହୋଇଛନ୍ତି। ସେ କ୍ୟାପସନରେ ଲେଖିଛନ୍ତି: ଆମ ଜୀବନର ସର୍ବଶ୍ରେଷ୍ଠ ଅଧ୍ୟାୟ ଖୁସିରେ ଆରମ୍ଭ…।
କ୍ୟାଟ୍ରିନା ଏବଂ ବିକି ଡିସେମ୍ବର ୯, ୨୦୨୧ରେ ବିବାହ ବନ୍ଧନରେ ଆବଦ୍ଧ ହୋଇଥିଲେ। ସେମାନେ ରାଜସ୍ଥାନର ସିକ୍ସ ସେନ୍ସ ଫୋର୍ଟ ବାରୱାରାରେ ହିନ୍ଦୁ ରୀତିନୀତିରେ ବିବାହ କରିଥିଲେ। ବିବାହର ଚାରି ବର୍ଷ ପରେ, ସେମାନେ ପିତାମାତା ହେବାକୁ ଯାଉଛନ୍ତି।
View this post on Instagram
