ଷ୍ଟକହୋମ,୩।୧୦: ହଙ୍ଗେରୀ ଜନ୍ମିତ ୬୮ ବର୍ଷିୟ ଆମେରିକୀୟ ବୈଜ୍ଞାନିକ କ୍ୟାଟଲିନ କାରିକୋ, ମେଡିସିନରେ ନୋବେଲ ପୁରସ୍କାର ପାଇବାରେ ୧୩ତମ ମହିଳା ଅଟନ୍ତି। ବର୍ତ୍ତମାନ, ସେ ଜର୍ମାନ କମ୍ପାନୀ BioNTech ର ବରିଷ୍ଠ ଉପସଭାପତି ଅଟନ୍ତି, ଯାହାକି Pvider ସହିତକୋଭିଡ-୧୯ ଟିକା ପ୍ରସ୍ତୁତ କରିବାରେ ସହଯୋଗ କରିଛି। ଏଥି ସହିତ, ୬୪ ବର୍ଷିୟ ଡ୍ରୁ ୱିସମ୍ୟାନ ହେଉଛନ୍ତି ଆରଏନଏ ଇନୋଭେସନ ପାଇଁ ପେନ ଇନଷ୍ଟିଚ୍ୟୁଟର ପ୍ରଫେସର ତଥା ନିର୍ଦ୍ଦେଶକ।
ପୁରସ୍କାର ଜିତିବା ପରେ ସ୍ବିଡେନ ରେଡିଓ ସହ କଥାବାର୍ତ୍ତା କରି କାରିକୋ କହିଛନ୍ତି ଯେ ୧୦ବର୍ଷ ପୂର୍ବେ ଯେତେବେଳେ ସେ ଜଣେ ପ୍ରଫେସର ମଧ୍ୟ ନ ଥିଲେ, ସେତେବେଳେ ତାଙ୍କ ମା ନୋବେଲ ପୁରସ୍କାର ଘୋଷଣାକୁ ବହୁତ ଆଗ୍ରହରେ ଶୁଣୁଥିଲେ ଏବଂ ପ୍ରାୟତଃ କହିଥଲେ, ବୋଧହୁଏ ଆପଣଙ୍କ ନାମ ମଧ୍ୟ ଆସିବ। ତା’ପରେ ସେ ମା’ଙ୍କ କଥା ଶୁଣିବା ପରେ ହସୁଥିଲେ। କିନ୍ତୁ, ଆଜି ମା ହୁଏତ ଉପରେ ରହି ଏହା ଶୁଣିଥିବେ।
କାରିକୋ ପେନସିଲଭାନିଆ ବିଶ୍ୱବିଦ୍ୟାଳୟରେ mRNA ବ୍ୟବହାର କରି କ୍ରନିକ ରୋଗ ପାଇଁ ଟିକା ଏବଂ ଔଷଧ ବିକଶିତ କରିବା ପାଇଁ ଅନୁସନ୍ଧାନ କରୁଥିଲେ। କିନ୍ତୁ, ୧୯୯୦ରେ, ଅର୍ଥର ଅଭାବ ତାଙ୍କ ପାଇଁ ଏକ ପ୍ରତିବନ୍ଧକ ହୋଇଗଲା। ୧୯୯୭ ରେ, ଡ୍ରୁ ୱିସମାନ ପେନସିଲଭାନିଆ ବିଶ୍ୱବିଦ୍ୟାଳୟକୁ ଆସି ଫଟୋଗ୍ରାଫି କରିବା ସମୟରେ ଦିନେ କାରିକୋଙ୍କୁ ଭେଟିଥିଲେ। ୱିସମ୍ୟାନ କାରିକୋଙ୍କୁ ଅର୍ଥ ପ୍ରଦାନ କରିଥିଲେ ଏବଂ ସହଭାଗିତାରେ ଟେକ୍ନୋଲୋଜି ଉପରେ କାମ ଆରମ୍ଭ କରିଥିଲେ।
