ବେଙ୍ଗାଲୁରୁ,୧୪।୪: କର୍ନାଟକର ପୂର୍ବତନ ଉପମୁଖ୍ୟମନ୍ତ୍ରୀ ଲକ୍ଷ୍ମଣ ସଂଗପ୍ପା ସାଭଦି କଂଗ୍ରେସରେ ସାମିଲ ହୋଇ ପାରନ୍ତି। ସେ ନିକଟରେ ଭାରତୀୟ ଜନତା ପାର୍ଟି(ଭାଜପା)ଛାଡିଛନ୍ତି। ଶୁକ୍ରବାର ଲକ୍ଷ୍ମଣ ସଂଗପ୍ପା ବେଲଗାମରୁ ବେଙ୍ଗାଲୁରୁ ଗସ୍ତ କରିଛନ୍ତି। ତାଙ୍କ ପାଇଁ ଏକ ବିମାନ ବୁକ କରାଯାଇଛି। ଏହି ବୁକିଂ କର୍ନାଟକର କଂଗ୍ରେସ ଅଧ୍ୟକ୍ଷ ଡିକେ ଶିବକୁମାରଙ୍କ ନାମରେ କରାଯାଇଛି। ବେଙ୍ଗାଲୁରୁ ପହଞ୍ଚିବା ପରେ ସେ କଂଗ୍ରେସ ଅଥବା ଜେଡିଏସରେ ଯୋଗ ଦେଇ ପାରନ୍ତି ବୋଲି କୁହାଯାଉଛି। ସମ୍ଭାବନା ରହିଛି ଯେ କଂଗ୍ରେସରେ ଯୋଗ ଦେଇ ପାରନ୍ତି।
ସୂଚନାଯୋଗ୍ୟ, ଏହା ପୂର୍ବରୁ ଲକ୍ଷ୍ମଣ ସାଦଭି ୧୨ ଏପ୍ରିଲରେ ଅଥାନି ନିର୍ବାଚନ ମଣ୍ଡଳି ପାଇଁ ଟିକେଟ ନ ମିଳିବାରୁ ସେ ବିଧାନ ପରିଷଦ ସଦସ୍ୟ ଓ ଭାଜପାର ପ୍ରାଥମିକ ସଦସ୍ୟତାରୁ ଇସ୍ତଫା ଦେଇଥିଲେ। ସେ କହିଥିଲେ କି ମୁଁ ମୋର ନିଷ୍ପତ୍ତି ନେଇ ସାରିଛି। ମୁଁ ଭିକ୍ଷା ଥାଲି ନେଇ ବୁଲିବା ଲୋକ ନୁହେଁ, ମୁଁ ଜଣେ ସ୍ବାଭିମାନୀ ରାଜନେତା। ମୁଁ କାହା ଚାପରେ ଆସି କାମ କରୁନାହିଁ।
