ବେଙ୍ଗାଲୁରୁ,୨୪ ।୨: କର୍ନାଟକ କଂଗ୍ରେସ ଭାରତୀୟ ଜନତା ପାର୍ଟି(ଭାଜପା)ର ରାଷ୍ଟ୍ରୀୟ ମହାସଚିବ ସିଟି ରବିଙ୍କ ଉପରେ ଆମିଷ ଭୋଜନ କରିବା ପରେ ମନ୍ଦିର ପ୍ରବେଶ କରିଥିବା ଅଭିଯୋଗ ଆଣିଛି । ସୂଚନାଯୋଗ୍ୟ, ୧୯ ଫେବୃୟାରୀରେ ସିଟି ରବି ଭଟକଲରେ ଏକ ମନ୍ଦିର ଯିବା ପରେ ବିବାଦ ମୁଣ୍ଡ ଟେକିଛି । କଂଗ୍ରେସ ଅଭିଯୋଗ କରିଛି କି ପ୍ରଥମେ ରବି ଭଟକଲ ବିଧାୟକ ସୁନିଲ ନାଇକଙ୍କ ଘରକୁ ଯାଇ ଦ୍ୱିପ୍ରହର ଭୋଜନରେ ଆମିଷ(ମାଛ) ଖାଇଥିଲେ । ଏହାପରେ ସେ ଭାଜପା କାର୍ଯ୍ୟାଳୟ ଯାଇଥିଲେ ଓ ସେଠାରୁ ସଜଂଗନା ନାଗାବାବା ମନ୍ଦିର ପହଞ୍ଚିଥିଲେ ।
ସିଟି ରବିଙ୍କର ଏକ ଫଟୋ ଏବେ ସୋସିଆଲ ମିଡିଆରେ ଭାଇରାଲ ହେଉଛି । ଏଥିରେ ସେ ଯେଉଁ ପୋଷାକ ପିନ୍ଧି ମାଛ ଖାଉଛନ୍ତି, ପରେ ସେହି ପୋଷାକ ପିନ୍ଧି ସେ ମନ୍ଦିରରେ ନମସ୍କାର କରୁଥିବା ଦେଖାଯାଇଛି । ତେବେ କୁହାଯାଉଛି କି ମନ୍ଦିରରେ ତାଲା ପଡିଥିବାରୁ ରବି ବାହାରେ ରହି ପ୍ରାର୍ଥନା କରିଥିଲେ ।
ଏହାକୁ ନେଇ କଂଗ୍ରେସ ଅଭିଯୋଗ କରିଛି କି ମାଂସାହାରୀ ଭୋଜନ କରିବା ପରେ ସିଟି ରବି ମନ୍ଦିର ଯାଇଛନ୍ତି । ଏହାର ଜବାବରେ ରବି କହିଛନ୍ତି ହଁ ମୁଁ ସେଦିନ ଆମିଷ ଖାଇଛି ସତ, ହେଲେ ମୁଁ ମନ୍ଦିର ଭିତରେ ପ୍ରବେଶ ନ କରି କେବଳ ମନ୍ଦିର ବାହାରେ ରହି ପ୍ରାର୍ଥନା କରିଛି ।
