ମୁମ୍ବାଇ: ଆଜି ଅର୍ଥାତ୍ ଅକ୍ଟୋବର ୩୦ରେ ଅଭିନେତ୍ରୀ ଅନନ୍ୟା ପାଣ୍ଡେଙ୍କ ଜନ୍ମଦିନ। ସୋମବାର ସେ ତାଙ୍କର ୨୫ତମ ଜନ୍ମଦିନ ପାଳନ କରୁଛନ୍ତି। ଏହି ଅବସରରେ ଅଭିନେତ୍ରୀ କରୀନା କପୁର ଖାନ୍ ଅନନ୍ୟାଙ୍କୁ ଜନ୍ମଦିନର ଶୁଭେଚ୍ଛା ଜଣାଇବା ସହ ଆଶୀର୍ବାଦ ପ୍ରଦାନ କରିଛନ୍ତି।
ଅନନ୍ୟା ଟାଇଗର ଶ୍ରଫ୍ ଏବଂ ତାରା ସୂତରିଆଙ୍କ ସହ ୨୦୧୯ରେ ରୋମାଣ୍ଟିକ କମେଡି ଫିଲ୍ମ ‘ଷ୍ଟୁଡେଣ୍ଟ ଅଫ୍ ଦ ଇୟର-୨’ରୁ ତାଙ୍କ କ୍ୟାରିୟର ଆରମ୍ଭ କରିଥିଲେ। ପରେ ସେ ‘ପତି, ପତ୍ନୀ ଔର ଓ୍ବ’ ଖାଲି ପିଲି, ଗେହରିୟାଁ ଆଦି ଫିଲ୍ମରେ ଅଭିନୟ କରିଛନ୍ତି।
ଏହି ଅଭିନେତ୍ରୀ ହେଉଛନ୍ତି ଅଭିନେତା ଚଙ୍କି ପାଣ୍ଡେ ଏବଂ ଭବନ ପାଣ୍ଡେଙ୍କ ଝିଅ। ଇନ୍ଷ୍ଟାଗ୍ରାମରେ କରୀନା ଅନନ୍ୟାଙ୍କର ଏକ ଫଟୋ ଶେୟାର କରିଛନ୍ତି। ଯେଉଁଥିରେ ସେ ହାଇ ସ୍ଲିଟ୍ ଡ୍ରେସ ପିନ୍ଧିଥିବାର ନଜର ଆସିଛନ୍ତି। ଫଟୋ ଶେୟାର କରି କରୀନା ଲେଖିଛନ୍ତି, ସବୁଠୁ ସୁନ୍ଦର ଏବଂ ଚମତ୍କାର। ଜନ୍ମଦିନର ଶୁଭେଚ୍ଛା। ଅନନ୍ୟା ଟନ୍ସ୍ ଅଫ୍ ଲଭ୍ ଆଣ୍ଡ୍ ହଗ୍ସ’।
କରୀନାଙ୍କ ବ୍ୟତୀତ ଅନନ୍ୟାଙ୍କୁ ନଭ୍ୟା, ସୁହାନା, ସାନୟା ମଧ୍ୟ ଜନ୍ମଦିନର ଅନେକ ଅନେକ ଶୁଭେଚ୍ଛା ଓ ଶୁଭକାମନା ଜଣାଇଛନ୍ତି।
