ମୁମ୍ବାଇ: ଫିଲ୍ମ ନିର୍ମାତା କରଣ ଜୋହର ଆଜିକାଲି ଚର୍ଚ୍ଚାରେ ରହୁଛନ୍ତି। ନିକଟରେ ସେ କହିଥିଲେ, ପିଲାମାନଙ୍କ ଉପରେ ତାଙ୍କର ପ୍ରଥମ ପୁସ୍ତକ ଲେଖିବାକୁ ଯାଉଛନ୍ତି। କରଣଙ୍କ ଏହି ଟୁଇଟ୍ ବେଶ୍ ଚର୍ଚ୍ଚା ହୋଇଥିଲା। ପ୍ରଶଂସକଙ୍କ ସହ ଫିଲ୍ମ ଜଗତର କଳାକାରମାନେ ମଧ୍ୟ ତାଙ୍କୁ ଅଭିନନ୍ଦନ ଜଣାଇଥିଲେ। ବର୍ତ୍ତମାନ କରଣଙ୍କ ଆଉ ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଏହି ଭିଡିଓରେ କରଣ କାଜଲଙ୍କ ରୂପରେ ନାଚୁଥିବାର ନଜର ଆସିଛନ୍ତି। ଏହି ଭିଡିଓଟି ଶାହାରୁଖ୍ ଖାନ୍ ଏବଂ କାଜଲଙ୍କ ଅଭିନୀତ ଫିଲ୍ମ ‘ଦିଲ୍ଓ୍ବାଲେ ଦୁଲ୍ହାନିଆ ଲେ ଯାଏଙ୍ଗେ’ର ଏକ ଗୀତର ଦୃଶ୍ୟ। ‘ମେରେ ଖାବୋମେ ଜୋ ଆୟେ’ ଗୀତରେ ଚାଚୁଛନ୍ତି। କରଣ ଅବିକଳ କାଜଲଙ୍କ ପରି ସଜେଇ ହୋଇଛନ୍ତି। ୟୁଜରମାନେ ମଧ୍ୟ କରଣଙ୍କ ଏହି ଭିଡିଓରେ ମଜାଳିଆ କମେଣ୍ଟ ସବୁ ଦେଇଛନ୍ତି।
ପିଲାମାନଙ୍କ ଉପରେ ପ୍ରଥମ ପୁସ୍ତକ ଲେଖିବା ବିଷୟରେ ସୂଚନା ଦେବାବେଳେ କରଣ ଟୁଇଟଥ କରି କହିଛନ୍ତି, ‘ମୁଁ କିଛି ରୋମାଞ୍ଚକର ବିଷୟ ବାଣ୍ଟିବାକୁ ଚାହେଁ’। ପିଲାମାନଙ୍କ ପାଇଁ ମୋର ପ୍ରଥମ ପୁସ୍ତକ।’ କରଣଙ୍କ ପ୍ରଶଂସକମାନେ ତାଙ୍କୁ ଅଭିନନ୍ଦନ ଜଣାଇଛନ୍ତି। ସେ ତାଙ୍କର ଦୁଇ ପିଲାଙ୍କ ଉପରେ ଏହି ପୁସ୍ତକ ଲେଖିଛନ୍ତି।
