ନୂଆଦିଲ୍ଲୀ,୨୭।୭: କାଞ୍ଜାଓ୍ବାଲା ହିଟ ଆଣ୍ଡ ରନ ମାମଲାରେ ଦିଲ୍ଲୀର ଏକ କୋର୍ଟ ଗୁରୁବାର ଗୁରୁତ୍ୱପୂର୍ଣ୍ଣ ରାୟ ଶୁଣାଇଛନ୍ତି। କୋର୍ଟ କହିଛନ୍ତି ଏହି ମାମଲାରେ ଅଭିଯୁକ୍ତ ୪ ଜଣଙ୍କ ବିରୋଧରେ ହତ୍ୟା ମାମଲା ଚାଲିବ। ସୂଚନାଯୋଗ୍ୟ, ବର୍ଷ ଆରମ୍ଭରେ ଅଭିଯୁକ୍ତମାନେ ଅଞ୍ଜଳି କାଞ୍ଜାଓ୍ବାଲାଙ୍କୁ କାରରେ ଧକ୍କା ଦେବା ପରେ ତାଙ୍କୁ କିଛି କିଲୋମିଟର ପର୍ଯ୍ୟନ୍ତ ଟାଣି ନେଇଥିଲେ। ଏହି ଦୁର୍ଘଟଣାରେ ଅଞ୍ଜଳିଙ୍କର ଦୁଃଖଦ ମୃତ୍ୟୁ ହୋଇଥିଲା।
ଡିସେମ୍ବର ୩୧, ୨୦୨୨ର ରାତିରେ ସୁଲତାନପୁରୀ ଅଞ୍ଚଳରେ ଜଣେ ମହିଳା ଏକ କାର ଧକ୍କା ଦେଇ ପ୍ରାୟ ୧୩ କିଲୋମିଟର ପର୍ଯ୍ୟନ୍ତ ଟାଣି ନେଇଥିବାର ଅଭିଯୋଗ ହୋଇଥିଲା। କାରରେ ଥିବା ଲୋକମାନେ ଜାଣିଥିଲେ ଯେ ଅଞ୍ଜଳି କାର ତଳେ ଫସି ରହିଛନ୍ତି।
ସୂଚନା ଅନୁଯାୟୀ, ପ୍ରାୟ ୫୦୦ମିଟର ଟାଣି ନେବା ପରେ ଅଞ୍ଜଳିଙ୍କର ମୃତ୍ୟୁ ହୋଇଥିଲା। ରୋହିଣୀ କୋର୍ଟରେ ଦାଖଲ ହୋଇଥିବା ୮୦୦ ପୃଷ୍ଠାର ଚାର୍ଜସିଟରେ ଏହା ପ୍ରକାଶ ପାଇଛି। ଚାର୍ଜସିଟରେ ସହେଲି ନିଧି, କଲ କରୁଥିବା ଏବଂ ଅନ୍ୟମାନଙ୍କ ବୟାନ ମଧ୍ୟ ଉଲ୍ଲେଖ କରାଯାଇଛି। ସମୁଦାୟ ୧୨୦ ଜଣଙ୍କୁ ସାକ୍ଷୀ କରାଯାଇଛି।
ମିଳିଥିବା ତାଜା ସୂଚନା ଅନୁଯାୟୀ, ଦିଲ୍ଲୀର ରୋହିନୀ କୋର୍ଟ ଅଭିଯୁକ୍ତ ମନୋଜ ମିତ୍ତଲ, ଅମିତ ଖାନ୍ନା, କୃଷ୍ଣ ଏବଂ ମିଥୁନଙ୍କୁ ଆଇପିସି ଧାରା ୩୦୨ (ହତ୍ୟା), ୨୦୧ (ପ୍ରମାଣ ନଷ୍ଟ କରିବା), ୨୧୨(ଅପରାଧୀଙ୍କୁ ଧରିବା), ୧୨୦ ବି (ଅପରାଧିକ ଷଡଯନ୍ତ୍ର) ଅନୁଯାୟୀ ଅଭିଯୋଗ କରିଛନ୍ତି।
