ଭୋପାଳ,୩୧।୭: ମଧ୍ୟ ପ୍ରଦେଶ ବିଧାନସଭା ନିର୍ବାଚନ ପୂର୍ବରୁ ଏବେ ପ୍ରତିଦ୍ୱନ୍ଦି ଦଳ ଗୁଡିକ ପରସ୍ପରକୁ ନେଇ କଥା କଟାକଟିରେ ଲାଗି ପଡିଲେଣି। ଇନ୍ଦୋରରେ ହୋଇଥିବା କଂଗ୍ରେସର ଆଦିବାସୀ ମହାପଞ୍ଚାୟତରେ ବି ଏମିତି କିଛି ଦେଖିବାକୁ ମିଳିଛି। କଂଗ୍ରେସ ନେତା କହ୍ନେୟା କୁମାର ମୁଖ୍ୟମନ୍ତ୍ରୀ ଶିବରାଜ ସିଂ ଚୌହାନଙ୍କୁ ବଡ ଟାର୍ଗେଟ କରିଛନ୍ତି। କୃଷ୍ଣ ଲୀଲା ବିଷୟରେ ଉଦାହରଣ ଦେଇ ସେ କହିଛନ୍ତିି, ‘କୃଷ୍ଣ କଂସଙ୍କୁ ବଦ୍ଧ କରିଥିଲେ ଏବଂ କଂସ ମଧ୍ୟ ତାଙ୍କ ମାମୁଁ ଥିଲେ। ମୋର ନାମ ମଧ୍ୟ କହ୍ନେୟା। ଏହା କହି କଂଗ୍ରେସ ନେତା ଶିବରାଜଙ୍କ ଉପରେ ସିଧାସଳଖ ‘ମାମୁ’ଙ୍କୁ ଟାର୍ଗେ କରୁଥିବା ଦେଖିବାକୁ ମିଳିଥିଲା।
ସେ କହିଛନ୍ତି, ‘ମାମୁଙ୍କ ପୁଅ ବିଦେଶ ପଢିବାକୁ ଯାଇଥିଲେ। ମୋତେ ମାମୁଁ ବିଷୟରେ ଗୋଟିଏ କଥା କହିବାକୁ ଦିଅ। ମୋର ନାମ କହ୍ନେୟା ଏବଂ କୃଷ୍ଣ କଂସଙ୍କୁ ବଦ୍ଧ କରିଥିଲେ ଏବଂ କଂସ କୃଷ୍ଣଙ୍କର ମାମୁଁ ଥିଲେ। ମୁଁ ସେଥିପାଇଁ କହୁଛି କାରଣ ଆମ ଆଖି ଖୋଲିବା ଏବଂ ସତ୍ୟ ଦେଖିବା ଆବଶ୍ୟକ। ସେ ଆହୁରି ମଧ୍ୟ କହିଛନ୍ତି, ’ଏହି ରାଜ୍ୟରେ ଗରିବଙ୍କ ପାଇଁ କୌଣସି କଲେଜ, ବିଶ୍ୱବିଦ୍ୟାଳୟ କିମ୍ବା ହଷ୍ଟେଲ ନିର୍ମାଣ ହେବ ନାହିଁ । କାରଣ ଯେତେବେଳେ ପ୍ରଧାନମନ୍ତ୍ରୀଙ୍କ ପୁଅ ପଢିବାକୁ ବିଦେଶ ଯିବେ, ତେବେ ସେ ଆଦିବାସୀମାନଙ୍କ ପାଇଁ ଏକ କଲେଜ କାହିଁକି ନିର୍ମାଣ କରାଯିବ ବୋଲି ସେ ପ୍ରଶ୍ନ କରିଛନ୍ତି।
କହ୍ନେୟା କୁମାର ଟାର୍ଗେଟ କରି କହିଛନ୍ତି ଯେ ଏହି ଲୋକମାନେ ୨୦ବର୍ଷ ଧରି ସରକାର ଚଳାଉଛନ୍ତି, କିନ୍ତୁ ଯେତେବେଳେ ନିର୍ବାଚନକୁ ୨୦ମାସ ବାକି ରହିଲା, ସେତେବେଳେ ସେମାନେ ‘ପ୍ରିୟ ଭଉଣୀ’ମାନଙ୍କୁ ମନେ ପକାଇଲେ। କହିଲେ କି ଆମେ ୨୦୦୦ ଟଙ୍କା ଦେବୁ। ସେ ଆହୁରି ମଧ୍ୟ କହିଛନ୍ତି, ତୁମେ ୨୦୦୦ଟଙ୍କା ତୁମ ପାଖରେ ରଖ, କେବଳ ଏତିକି କୁହ ଯେ ୩୫୦ସିଲିଣ୍ଡର ଏବେ ୧୪୦୦ଟଙ୍କାରେ କାହିଁsକି ଦିଆଯାଉଛି। ଦୁଇମାସ ପର୍ଯ୍ୟନ୍ତ ୨୦୦୦ ଟଙ୍କା ପାଇଁ ମୋବାଇଲ ରିଚାର୍ଜ ସମ୍ଭବ ନୁହେଁ। ସେ କହିଛନ୍ତି ଯେ ମୁଖ୍ୟମନ୍ତ୍ରୀ ରାଜ୍ୟକୁ ପ୍ରତାରଣା କରୁଛନ୍ତି ଏବଂ ଆମେ ତାଙ୍କ ଖେଳ ବଝିପାରୁଛୁ।
