ଦାରିଙ୍ଗବାଡି, ୮/୧ (ଅରୁଣ ସାହୁ ): ବହୁ ପ୍ରତିକ୍ଷିତ ଶୀତ ମହୋତ୍ସବ -୨୦୨୬ ଗୁରୁବାର ସଂନ୍ଧ୍ୟାରେ ଉଦଘାଟନ ହେବାକୁ ଯାଉଛି । ଏହି ଅବସରରେ ଦାରିଙ୍ଗବାଡି ଶିବ ମନ୍ଦିର ପ୍ରାଙ୍ଗଣରୁ ମଶାଲ ବାହାରି ଶୀତ ମହୋତ୍ସବ ପଡିଆରେ ପହଞ୍ଚିଥିଲା । ଏହି କାର୍ଯ୍ୟକ୍ରମରେ କଳାହାଣ୍ଡି କଟପ୍ପା ତଥା ସୁନୀଲ ମହାନନ୍ଦ ଯୋଗଦେଇଥିଲେ । ତାଙ୍କୁ ଓ ତାଙ୍କ ନୃତ୍ୟକୁ ଦେଖିବାକୁ ଶହ ଶହ ଦର୍ଶକ ଭିଡ଼ ଜମିଥିଲା ।
ପ୍ରକାଶ ଯେ, କଳାହାଣ୍ଡି ଜିଲା ଭବାନୀପାଟଣାର ସୁନୀଲ ରାଜ୍ୟ ଓ ରାଜ୍ୟ ବାହାରେ କଳାହାଣ୍ଡି କଟପ୍ପା ନାମରେ ପରିଚିତ । ସେ କଳାହାଣ୍ଡିର ଜନଜାତିଙ୍କ ପାରମ୍ପରିକ ବାଦ୍ୟ, ଯନ୍ତ୍ର, ଅସ୍ତ୍ରଶସ୍ତ୍ର ଧରି ନୃତ୍ୟ ପ୍ରଦର୍ଶନ କରନ୍ତି ଯାହାକି ଛୋଟ ଠାରୁ ବଡ଼ ପର୍ଯ୍ୟନ୍ତ ଏହି ନୃତ୍ୟକୁ ଅଧିକା ପସନ୍ଦ କରନ୍ତି । ଦାରିଙ୍ଗବାଡିକୁ ପ୍ରଥମଥର ପାଇଁ କଳାହାଣ୍ଡି କଟପ୍ପା ଆସୁଥିବାରୁ ଲୋକଙ୍କ ମଧ୍ୟରେ ଉତ୍ସାହ ଦେଖାଯାଇଛି । ତାଙ୍କୁ ଦେଖିବା ପାଇଁ ଆଜି ଦାରିଙ୍ଗବାଡିରେ ପ୍ରବଳ ଭିଡ଼ ଲାଗିରହିଥିଲା ।
