ରିଆମାଳ ୭|୬(ବଦ୍ରିନାରାୟଣ ଅଗ୍ରୱାଲା): ଦେବଗଡ଼ ଜିଲା ରିଆମାଳ ବ୍ଲକ ଗୁଣ୍ଡିଆପାଲି ପଞ୍ଚାୟତ ଅଞ୍ଚଳରେ ଶନିବାର ସନ୍ଧ୍ୟା ୬ ଟା ୩୦ ଅଞ୍ଚଳରେ କାଳବୈଶାଖୀ ଯୋଗୁଁ ବହୁ ଘର ଦ୍ବାର ଉଡ଼ାଇ ନେଇଛି। ଗଛ ପଡ଼ି ଜାତୀୟ ରାଜପଥ ରାସ୍ତା ଅବରୋଧ ହୋଇଥିଲା। ଦମକଳବାହିନୀ ପହଞ୍ଚି ଗଛ କାଟି ସଫା କରିଥିଲେ। ଗୁଣ୍ଡିଆପାଲି ପଞ୍ଚାୟତ ଅନ୍ତର୍ଗତ ବିଲେଇଘଟି ଓ ବନାକାଲୋ ଗ୍ରାମରେ ୩୦ରୁ ଊର୍ଦ୍ଧ୍ବ ଘର ଛପର, ଆଜବେଷ୍ଟସ ଉଡ଼ାଇ ନେଇଛି।ଘରର ଆସବାବପତ୍ର ,ଧାନ ଚାଉଳ ଇତ୍ୟାଦି ନଷ୍ଟ ହୋଇ ଲୋକ ସର୍ବସ୍ୱାନ୍ତ ହୋଇଛନ୍ତି।ଦୁଇ ଗ୍ରାମର କ୍ଷତିଗ୍ରସ୍ତ ପରିବାର କ୍ଷତିପୂରଣ ଦାବିରେ ଦେବଗଡ଼ – ଅନୁଗୁଳ ଜାତୀୟ ରାଜପଥ ବିଲେଇଘଟି ଠାରେ ରାସ୍ତା ରୋକ କରିଥିଲେ। ତହସିଲଦାର ବିଜୟାଲକ୍ଷ୍ମୀ ନାୟକ,ବିଡିଓ ଆଦିତ୍ୟ ପଣ୍ଡା, ଥାନା ଅଧିକାରୀ ବିନୟ କେରକେଟା ପହଞ୍ଚି ବୁଝାସୁଝା ପରେ ରାତି ୯ ଟାରେ ରାସ୍ତା ରୋକ ହଟିଥିଲା।ତୁରନ୍ତ ସମସ୍ତ କ୍ଷତିଗ୍ରସ୍ତଙ୍କୁ ସହାୟତା ଯୋଗାଇ ଦେବାକୁ ପ୍ରତିଶ୍ରୁତି ଦେବା ପରେ ରାସ୍ତାରୋକ ହଟିଥିଲା।
