ଅନୁଗୋଳ ଅଫିସ୍, ୬ା୭: କୋଭିଡ-୧୯ର ମୁକାବିଲା ପାଇଁ ରାଜ୍ୟ ସରକାର ଓ ଅନୁଗୋଳ ଜିଲା ପ୍ରଶାସନ ଜାରି କରିଥିବା ନିର୍ଦ୍ଦେଶାବଳୀ କଡ଼ାକଡ଼ି ଭାବେ ପାଳନ କରାଯାଉଥିବା ଜିନ୍ଦଲ ଷ୍ଟିଲ ଆଣ୍ଡ ପାୱାର ଲିମିଟେଡ୍ (ଜେଏସ୍ପିଏଲ୍) ପକ୍ଷରୁ କୁହାଯାଇଛି। ସିଏସ୍ଆର୍ କାର୍ଯ୍ୟକ୍ରମରେ ଜେଏସ୍ପିଏଲ୍ ଫାଉଣ୍ଡେଶନ ପକ୍ଷରୁ ଶାଲୁ ଜିନ୍ଦଲଙ୍କ ନେତୃତ୍ୱରେ ଜିଲା ପ୍ରଶାସନ ସହ ସମନ୍ବୟ ରକ୍ଷା କରାଯାଇ ରନ୍ଧା ଖାଦ୍ୟ, ମାସ୍କ, ସାନିଟାଇଜର, ସାବୁନ ବଣ୍ଟନ ସହିତ ସଚେତନତା କାର୍ଯ୍ୟକ୍ରମମାନ କରାଯାଇଆସୁଛି। ଏଥିସହିତ ଏକ ସଂକ୍ରମଣଶୂନ୍ୟ ପରିସର ପାଇଁ କମ୍ପାନୀ ସରକାରଙ୍କ ସମସ୍ତ କଟକଣା ପାଳନ କରୁଥିବା ପ୍ରେସ୍ ବିଜ୍ଞପ୍ତି ମାଧ୍ୟମରେ ସୂଚନା ଦେଇଛି। କମ୍ପାନୀ ପକ୍ଷରୁ କୁହାଯାଇଛି ଯେ, କରୋନା ଭଳି ମହାମାରୀ ସମୟରେ ସ୍ଥାନୀୟ ଅଞ୍ଚଳର ଗରିବ ଓ ଅସହାୟ ଲୋକମାନଙ୍କୁ ଶୁଖିଲା, ରନ୍ଧା ଖାଦ୍ୟ ପ୍ରଦାନ ନିମନ୍ତେ କମ୍ପାନୀର ମିଶନ ଜିରୋ ହଙ୍ଗର କାର୍ଯ୍ୟକ୍ରମ ଜାରି ରହିଛି। ୧ ଲକ୍ଷ ୧୦ ହଜାର ମାସ୍କ,୨୫ ହଜାର ସାନିଟାଇଜର, ୧୫ ହଜାର ସାବୁନ ବଣ୍ଟନ କରାଯାଇଛି। କମ୍ପାନୀ ଏହି କାର୍ଯ୍ୟକ୍ରମକୁ ଜିଲା ପ୍ରଶାସନ ଓ ଓଡ଼ିଶା ରାଜ୍ୟ ବିପର୍ଯ୍ୟୟ ପରିଚାଳନା କର୍ତ୍ତୃପକ୍ଷ ପ୍ରଶଂସା କରିଛନ୍ତି। କାରଖାନାରେ ସାମାଜିକ ଦୂରତା, ନିୟମିତ ହାତ ଧୋଇବାକୁ ବାଧ୍ୟତାମୂଳକ କରାଯାଇଛି। ବୈଠକ ଗୁଡ଼ିକ ଅନ୍ଲାଇନରେ କରାଯାଉଛି। କିଛି ନିର୍ଦ୍ଦିଷ୍ଟ ବିଭାଗ କର୍ମଚାରୀ ଘରେ ରହି କାର୍ଯ୍ୟ କରୁଛନ୍ତି। ଅଧିକ ଟେଷ୍ଟ ପାଇଁ ଚେଷ୍ଟା ଜାରି ରହିଥିବାବେଳେ ବାହାରୁ ଆସୁଥିବା କର୍ମଚାରୀମାନଙ୍କୁ କ୍ବାରାଣ୍ଟାଇନ୍କୁ ପଠାଯାଉଛି। କର୍ମ୍ପଚାରୀ, ଶ୍ରମିକ ଓ ସ୍ଥାନୀୟ ଲୋକମାନଙ୍କ ସ୍ବାସ୍ଥ୍ୟ ସମ୍ପର୍କରେ କମ୍ପାନୀ ଦାୟିତ୍ୱବାନ ବୋଲି କମ୍ପାନୀର ପ୍ରବକ୍ତା ପ୍ରକାଶ କରିଛନ୍ତି।
