ଓମାନ,୧୪।୩ : ଜୋର୍ଡାନର ରାଜକୁମାରୀ ଇମାନ ଜାମେଲ ଆଲେକ୍ସଜାଣ୍ଡାର୍ ଥର୍ମୋଟିସ ସହିତ ବିବାହ ବନ୍ଧନରେ ବାନ୍ଧି ହୋଇଛନ୍ତି। ଓମାନର ରାଜପ୍ରାସାଦରେ ଏହି ବିବାହ ଅନୁଷ୍ଠିତ ହୋଇଥିଲା। ଏହି ସମାରୋହରେ କେବଳ ମନୋନୀତ ଅତିଥିମାନଙ୍କୁ ନିମନ୍ତ୍ରଣ କରାଯାଇଥିଲା। ରାଜକୁମାରୀ ଇମାନ ନିଜର ସୌନ୍ଦର୍ଯ୍ୟ ପାଇଁ ସାରା ବିଶ୍ୱରେ ପ୍ରସିଦ୍ଧ। ଏଭଳି ପରିସ୍ଥିତିରେ ସମସ୍ତେ ତାଙ୍କ ସ୍ବାମୀଙ୍କ ବିଷୟରେ ଜାଣିବାକୁ ଚାହାଁନ୍ତି।
ଜୋର୍ଡାନର ରାଣୀ ଶେୟାର କରିଥିବା ଚିତ୍ରରେ ଏହା ଦେଖିବାକୁ ମିଳିଛି ଯେ ସେ ନିଜ ଝିଅର ବେଲ୍ଟକୁ ଭଲଭାବେ ବାନ୍ଧୁଛନ୍ତି। ଏହି ବେଲ୍ଟ ସୁବର୍ଣ୍ଣ ରଙ୍ଗରେ ଦୃଶ୍ୟମାନ ହେଉଛି। ଏହା ସୁନାରେ ନିର୍ମିତ ହୋଇଥିବାର ଅନୁମାନ କରାଯାଉଛି। ଚିତ୍ରରେ ଏହା ଦେଖିବାକୁ ମିଳୁଛି ଯେ ରାଣୀ ନିଜେ ଅତି ସାଧାସିଧା ପୋଷାକ ପିନ୍ଧିଛନ୍ତି। ବିବାହ ପୋଷାକରେ ରାଜକୁମାରୀ ଇମାନ ବହୁତ ସୁନ୍ଦର ଦେଖାଯାଉଛନ୍ତି
ଫଟୋ ପୋଷ୍ଟ କରି ସେ କ୍ୟାପଶନରେ ଲେଖିଛନ୍ତି ଯେ ଇମାନଙ୍କର ମେହେନ୍ଦି ପାର୍ଟି ପୂର୍ବରୁ ଫିନିଶିଙ୍ଗ୍ ଟଚ୍ । ରାଜକୁମାରୀ ଇମାନ ଏବଂ ତାଙ୍କ ପ୍ରେମିକା ଜାମେଲ ଆଲେକ୍ସଜାଣ୍ଡାର୍ ଥର୍ମୋଟିସ ମାର୍ଚ୍ଚ ୧୨ ରେ ବିବାହ କରତଛନ୍ତି।
ରାଜକୁମାରୀ ଇମାନଙ୍କ ସ୍ବାମୀ ଥର୍ମୋଟିସ ନ୍ୟୁୟର୍କର ଜଣେ ଫାଇନାନ୍ସର। ସେ ଭେନେଜୁଏଲାର କାରାକାସରେ ଜନ୍ମଗ୍ରହଣ କରିଥିଲେ। ୨୮ ବର୍ଷର ଥର୍ମୋଟିସ ବ୍ୟବସାୟ ପ୍ରଶାସନରେ ସ୍ନାତକ ଏବଂ ଏକ ଗ୍ରୀକ ପରିବାରରୁ ଆସିଛନ୍ତି। ସେ ବର୍ତ୍ତମାନ ବିଗ ଆପଲରେ ଏକ ଭେଞ୍ଚର କ୍ୟାପିଟାଲ ପାଣ୍ଠିରେ ପରିଚାଳନା ସହଭାଗୀ ଭାବରେ କାର୍ଯ୍ୟ କରୁଛନ୍ତି।
ରାଜକୁମାରୀ ଇମାନଙ୍କର ସମ୍ପୂର୍ଣ୍ଣ ନାମ ହେଉଛି ଇମାନ ବିନ୍ତ ଅବଦୁଲ୍ଲା। ସେ ୨୭ ସେପ୍ଟେମ୍ବର ୧୯୯୬ ରେ ଜୋର୍ଡାନର ରାଜଧାନୀ ଓମାନରେ ଜନ୍ମଗ୍ରହଣ କରିଥିଲେ। ଇମାନର ତିନି ଭାଇଭଉଣୀ ଅଛନ୍ତି। ଭାଇ କ୍ରାଉନ ପ୍ରିନ୍ସ ହୁସେନ, ପ୍ରିନ୍ସ ହାସିମ ଏବଂ ଭଉଣୀ ରାଜକୁମାରୀ ସଲମା।
