ରାଞ୍ଚି,୩୦।୮: ଝାଡ଼ଖଣ୍ଡର ପୂର୍ବତନ ମୁଖ୍ୟମନ୍ତ୍ରୀ ଚମ୍ପାଇ ସୋରେନ ଶୁକ୍ରବାର ଭାଜପାରେ ଯୋଗଦେବାକୁ ଯାଉଛନ୍ତି। ତେବେ ସବୁଠୁ ବଡ ପ୍ରଶ୍ନ ହେଉଛି ଚମ୍ପାଇ ସୋରେନ ଭାଜପାକୁ ଜେଏମଏମ ଏବଂ ଏହାର ସହଯୋଗୀଙ୍କୁ ଆଗାମୀ ରାଜ୍ୟ ନିର୍ବାଚନରେ ପରାସ୍ତ କରିବାରେ ସାହାଯ୍ୟ କରିବେ କି ନାହିଁ। ଏହି ପ୍ରସଙ୍ଗରେ ଚମ୍ପାଇ ସୋରେନଙ୍କ ନିଜସ୍ବ ନିର୍ବାଚନ ରେକର୍ଡ ତାଙ୍କୁ କେତେ ସାହାଯ୍ୟ କରିବ? ଚମ୍ପାଇ ସୋରେନ ଏପର୍ଯ୍ୟନ୍ତ ୭ ଟି ବିଧାନସଭା ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିଛନ୍ତି, ଯେଉଁଥିରେ ସେ କେବଳ ଗୋଟିଏରେ ପରାଜୟର ସମ୍ମୁଖୀନ ହୋଇଛନ୍ତି।
ବୃହତ ଆଦିବାସୀ ଜନସଂଖ୍ୟା ବିଶିଷ୍ଟ ଅନ୍ୟ ରାଜ୍ୟ ପରି ଝାଡଖଣ୍ଡର ନିର୍ବାଚନ ଫଳାଫଳ ଏହାର ରାଜନୈତିକ ଭୌଗୋଳିକ ଉପରେ ନିର୍ଭର କରେ। ତେବେ ଝାଡଖଣ୍ଡକୁ ୫ଟି ବଡ ଅଞ୍ଚଳରେ ବିଭକ୍ତ କରାଯାଇପାରେ। ବିଧାନସଭା ଆସନ ସଂଖ୍ୟା ବୃଦ୍ଧି କ୍ରମରେ ଏହି ଅଞ୍ଚଳଗୁଡ଼ିକ ହେଉଛି ପାଲାମୁ (୯), କୋଲହାନ (୧୪), ଦକ୍ଷିଣ ଛୋଟନାଗପୁର (୧୫), ସନ୍ଥାଲ ପରଗାନା (୧୮) ଏବଂ ଉତ୍ତର ଛୋଟନାଗପୁର (୨୫)। ହେମନ୍ତ ସୋରେନ ଏବଂ ତାଙ୍କ ପରିବାର ରାଜ୍ୟର ସନ୍ଥଲ ପରଗାନା ଅଞ୍ଚଳରୁ ଆସିଛନ୍ତି। ଚମ୍ପାଇ ସୋରେନ କୋଲହାନ ଅଞ୍ଚଳରୁ ଆସିଛନ୍ତି । ଯେଉଁଥିରେ ୨୦୧୧ ଜନଗଣନା ଅନୁଯାୟୀ, ଅନୁସୂଚିତ ଜନଜାତି (ଏସ୍ଟି) ଜନସଂଖ୍ୟାର ଦ୍ୱିତୀୟ ବୃହତ୍ତମ ଅଂଶ (୪୧.୯୬ପ୍ରତିଶତ) ରହିଛି। ରାଜ୍ୟର ଅନ୍ୟ ଉପ-ଅଞ୍ଚଳରେ ଆଦିବାସୀ ଜନସଂଖ୍ୟାର ଅଂଶ ଯଥାକ୍ରମେ ଦକ୍ଷିଣ ଛେଟନାଗପୁର, ସନ୍ଥାଲ ପରଗାନା, ପାଲାମୁ ଏବଂ ଉତ୍ତର ଛୋଟନଗପୁର ବିଭାଗରେ ୫୧.୧ ପ୍ରତିଶତ, ୨୮.୧ପ୍ରତିଶତ, ୧୮ ପ୍ରତିଶତ ଏବଂ ୯.୫ ପ୍ରତିଶତ ରହିଛି।
୨୦୧୯ ବିଧାନସଭା ନିର୍ବାଚନରେ ଜେଏମଏମ ଏବଂ ଏହାର ସହଯୋଗୀମାନେ କୋଲହାନ ଅଞ୍ଚଳରେ ଥିବା ୧୪ଟି ବିଧାନସଭା ଆସନ ମଧ୍ୟରୁ ୧୩ଟି ଜିତିଥିଲେ। ଗତ ନିର୍ବାଚନରେ କୋଲହାନ ଅଞ୍ଚଳରେ ଜେଏମଏମର ପ୍ରଦର୍ଶନ ଅଡୁଆରେ ପଡିଛି। ୧୯୮୦ ପରଠାରୁ ନଅଟି ବିଧାନସଭା ନିର୍ବାଚନ ମଧ୍ୟରୁ ଚାରିଟିରେ ଭାଜପା ଏହି କ୍ଷେତ୍ରରେ ଅଧିକ ଆସନ ଜିତିଛି। ରାଜ୍ୟରେ 2019 ର୍ନିବାଚନରେ ଜେଏମଏମ ନେତୃତ୍ୱାଧୀନ ସହଯୋଗୀ ଦଳ ଜିତିବାର ସବୁଠାରୁ ବଡ କାରଣ ହେଉଛି ରାଜ୍ୟର ୨୮ ଟି ସଂରକ୍ଷିତ ଆସନରେ ଏହାର ୮୯.୩ପ୍ରତିଶତ ବିଜୟ ହାର ଥିଲା। ଅବଶିଷ୍ଟ ୫୩ଟି ଆସନରେ ବିଜେପି ଏବଂ ଜେଏମଏମ ମିଳିତ ମଞ୍ଚ ପ୍ରକୃତରେ କ୍ରମଶଃ ୨୩ ଏବଂ ୨୨ ଟି ଆସନରେ ବରାବର ଥିଲା।
