ବିଶ୍ୱର ସବୁଠୁ ଧନୀ ବ୍ୟକ୍ତି ତଥା ଆମାଜନର ପ୍ରତିଷ୍ଠାତା ଜେଫ ବେଜୋସଙ୍କ ପୂର୍ବତନ ସ୍ତ୍ରୀ ମାକେଞ୍ଜି ସ୍କଟ ଜଣେ ଶିକ୍ଷକଙ୍କୁ ବିବାହ କରିଛନ୍ତି। ଆମେରିକାର ସିଏଟଲରେ ରହୁଥିବା ବିଜ୍ଞାନ ଶିକ୍ଷକ ଡନ ଜାଓ୍ବେଟଙ୍କୁ ନିଜ ଜୀବନସାଥୀ ଭାବେ ବାଛିଛନ୍ତି। ମ୍ୟାକେଞ୍ଜି ସ୍କଟ ଜଣେ ସମାଜସେବୀ ଭାବରେ ଜଣାଶୁଣା। ଜାଓ୍ବେଟ ମଧ୍ୟ ଜଣେ ସମାଜସେବକ ଭାବେ କାର୍ଯ୍ୟ କରନ୍ତି। ଜୁଲାଇ ୨୦୨୦ରେ, ସ୍କଟ ୧୧୬ ସ୍ବେଚ୍ଛାସେବୀ ସଂଗଠନକୁ ୧.୬୮ ଅରବ ଆମେରିକୀୟ ଡଲାର୍ ଦାନ କରିଥିଲେ। କରୋନା ପ୍ରଭାବିତ ଲୋକଙ୍କୁ ସାହାଯ୍ୟ କରିବା ଉଦ୍ଦେଶ୍ୟରେ ଏହି ଦାନ କରାଯାଇଥିଲା। ଯୁକ୍ତରାଷ୍ଟ୍ର ଆମେରିକାରେ ଦାନ କରୁଥିବା ବ୍ୟକ୍ତି ତାଲିକାରେ ସ୍କଟ ଦ୍ୱିତୀୟ ସ୍ଥାନରେ ଅଛନ୍ତି। ପ୍ରଥମ ସ୍ଥାନରେ ଥିବାବେଳେ ତାଙ୍କର ପୂର୍ବତନ ସ୍ବାମୀ ଜେଫ ବେଜୋସ ଅଛନ୍ତି।
ଜେଫ ଏବଂ ମ୍ୟାକେଞ୍ଜିଙ୍କର ଚାରି ସନ୍ତାନ ଅଛନ୍ତି। ୧୯୯୩ରେ ମଉଭୟଙ୍କ ବିବାହ ହୋଇଥିଲା। ଏକ ବର୍ଷ ପରେ ଜେଫ ସିଏଟଲରେ ଥିବା ତାଙ୍କ ଗ୍ୟାରେଜରେ ଆମାଜନ ଆରମ୍ଭ କରିଥିଲେ। ୨୦୧୯ରେ ଉଭୟଙ୍କ ଛାଡପତ୍ର ହୋଇଥିଲା। ଏହା ପରେ ମ୍ୟାକେଞ୍ଜି ଦୁନିଆର ଚତୁର୍ଥ ଧନୀ ମହିଳା ହୋଇଥିଲେ। ଜେଫ ଏବଂ ମ୍ୟାକେଞ୍ଜିଙ୍କର ସବୁଠାରୁ ମହଙ୍ଗା ଛାଡପତ୍ର ପ୍ରକ୍ରିୟା ହୋଇଥିଲା। ମ୍ୟାକେଞ୍ଜି ଆମାଜନର ୩୮ ବିଲିୟନ ଡଲାର ଅଂଶଧନ ନେଇଥିଲେ।
