ବେଙ୍ଗାଲୁରୁ,୧।୪: କର୍ନାଟକର ୨୨୪ ବିଧାନସଭା ଆସନ ପାଇଁ ମେ’ ୧୦ ରେ ଭୋଟ ଅନୁଷ୍ଠିତ ହେବ। ମେ’ ୧୩ରେ ନିର୍ବାଚନର ଫଳାଫଳ ଆସିବ। କିନ୍ତୁ ଏହା ପୂର୍ବରୁ ନେତାଙ୍କ ଦଳବଦଳ କାର୍ଯ୍ୟକ୍ରମ ଆରମ୍ଭ ହୋଇଛି। ଇତିମଧ୍ୟରେ କର୍ନାଟକର ଜେଡିଏସ୍ ବିଧାୟକ ଏ.ଟି. ରାମାସ୍ବାମୀ ଭାଜପାରେ ଯୋଗଦେବାକୁ ଯାଉଛନ୍ତି। ସୂଚନା ମୁତାବକ, ଏଟି ରାମାସ୍ବାମୀ ଶନିବାର ଅପରାହ୍ନ ୪ଟାରେ ଭାଜପାରେ ଯୋଗଦେବେ। ସେ କର୍ନାଟକର ଅରକାଲଗୁଡରୁ ବିଧାୟକ ରହିଛନ୍ତି। ଏ.ଟି. ରାମାସ୍ବାମୀ ଶୁକ୍ରବାର ବିଧାନସଭାରୁ ଇସ୍ତଫା ଦେଇଥିଲେ। ଏହାପୂର୍ବରୁ ମାର୍ଚ୍ଚ ୨୭ରେ ଅନ୍ୟ ଦଳର ବିଧାୟକ ଏସ୍.ଆର ଶ୍ରୀନିବାସ ଇସ୍ତଫା ଦେଇଥିଲେ ଏବଂ ପରେ କଂଗ୍ରେସରେ ଯୋଗ ଦେଇଥିଲେ।
