ଗୋପାଳପୁର,୯ା୯(ନବୀନ ରାଜ ଆଚାରୀ): ଗଞ୍ଜାମ ଜିଲା ରଙ୍ଗେଇଲୁଣ୍ଡା ବ୍ଲକ କଇଠାପଲ୍ଳୀ ଗ୍ରାମର ଯବାନ ନବକୃଷ୍ଣ ନାୟକ (୨୬) ଡେଙ୍ଗୁ ଜ୍ୱରରେ ଆକ୍ରାନ୍ତ ହୋଇ ପ୍ରାଣ ହରାଇଛନ୍ତି। ବୁଧବାର ନବକୃଷ୍ଣଙ୍କୁ ଜ୍ୱର ହୋଇଥିବାରୁ ବ୍ରହ୍ମପୁର ବଡ଼ ମେଡିକାଲରେ ଭର୍ତ୍ତି କରାଯାଇଥିଲା। ସେଠାରେ ତାଙ୍କୁ ଡ଼େଙ୍ଗୁ ହୋଇଥିବା ଡ଼ାକ୍ତର ଚିହ୍ନଟ କରିଥିଲେ। ଚିକିତ୍ସାଧୀନ ଅବସ୍ଥାରେ ପ୍ରାଣ ହରାଇଛନ୍ତି। ତାଙ୍କ ମୃତ୍ୟୁରେ ଶୋକାକୁଳ ପରିବେଶ ସୃଷ୍ଟି ହୋଇଛି। ନବକୃଷ୍ଣ ଅମର ରହେ ନାରାରେ ଗାଁ ଦାଣ୍ଡ ଫାଟିପଡ଼ିଥିଲା। ଗୋପାଳପୁର ମିଲିଟାରୀ ଷ୍ଟେସନରୁ ସୁବେଦାର ଉଦ୍ଧାମ ସିଂଙ୍କ ନେତୃତ୍ୱରେ ଯବାନଙ୍କ ଟିମ ଗ୍ରାମରେ ପହଞ୍ଚି ନବକୃଷ୍ଣଙ୍କୁ ତୋପ ସଲାମି ଦେଇଥିଲେ। ଗତ ୬ ବର୍ଷ ହେଲା ନବକୃଷ୍ଣ ସେନାବାହିନୀରେ ଯୋଗଦେଇଥିଲେ। ଅଗଷ୍ଟରେ ସେ ଗ୍ରାମକୁ ଆସିଥିଲେ। ଗଞ୍ଜାମ ଜିଲାରେ ଡେଙ୍ଗୁରେ ଆକ୍ରାନ୍ତ ହୋଇ ପ୍ରାଣ ହରାଇବା ପ୍ରଥମ ବୋଲି କୁହାଯାଉଛି।
