ଶ୍ରୀନଗର,୫।୫: ଜମ୍ମୁ-କଶ୍ମୀର ପରିସୀମା ନିର୍ଦ୍ଧାରଣ ଆୟୋଗ ( Delimitation Commission) କାର୍ଯ୍ୟକାଳ ଶେଷ ହେବାର ଗୋଟିଏ ଦିନ ପୂର୍ବରୁ ବିଧାନସଭା ଆସନଗୁଡ଼ିକର ପୁନଃନିର୍ଦ୍ଧାରଣ ଉପରେ ଚୂଡ଼ାନ୍ତ ରିପୋର୍ଟ ଗୁରୁବାର ପ୍ରକାଶ କରିଛନ୍ତି। ଫଳରେ ଖୁବ ଶୀଘ୍ର ଜମ୍ମୁ-କଶ୍ମୀରରେ ନିର୍ବାଚନ ବିଗୁଲ ମଧ୍ୟ ବାଜିପାରେ।
ବିଧାନସଭା ଆସନ ଗୁଡ଼ିକର ପୁନଃନିର୍ଦ୍ଧାରଣ ପ୍ରକ୍ରିୟା ପୂରା ହେବା ପରେ ଜମ୍ମୁ-କଶ୍ମୀରରେ ମୋଟ ୭ଟି ବିଧାନସଭା ଆସନ ବଢ଼ିଯିବ। ରିପୋର୍ଟ ମୁତାବକ, ଜମ୍ମୁ ରିଜନରେ ୬ ଓ କଶ୍ମୀରରେ ଗୋଟିଏ ଆସନ ବଢ଼ିବ। ଜମ୍ମୁ-କଶ୍ମୀରରେ ମୋଟ ୯୦ଟି ବିଧାନସଭା ଆସନ ହେବ। ଏଥିରେ କଶ୍ମୀର ଡିଭିଜନରେ ୪୭ ଓ ଜମ୍ମୁ ଡିଭିଜନ ୪୩ ହେବ। ଏହା ବ୍ୟତୀତ ୯ଟି ଆସନ ଅନୁସୂଚିତ ଜନଜାତି ଓ ୦୭ ଅନୁସୂଚିତ ଜାତି ପାଇଁ ସଂରକ୍ଷିତ ହେବ। ଏହା ବ୍ୟତୀତ ଲୋକ ସଭାର ୫ଟି ଆସନ ହେବ।
ସୂଚନାଯୋଗ୍ୟ, ଜୁନ ୨୦୧୮ ଠାରୁ ଜମ୍ମୁ-କଶ୍ମୀରରେ କୌଣସି ନିର୍ବାଚିତ ସରକାର ନାହାଁନ୍ତି।
